新聞互動
小編第一次打文章,如果有錯請多多包涵
入正題啦, 今次同大家去日本大阪邊玩邊攝影, 好多時聽到朋友仔話"好想去日本影靚相,但自由行又得幾個地方識去, 跟團又多限制, 唉~ "
所以, 今次同大家分享小編跟團而不失攝影樂趣的經歷( 小編是帶埋兩老一齊去 ~_~)
是次旅行為5日4夜, 早去晚返, 旅行團當然揀返老牌子東....啦, 而隨團相機,鏡頭及配件包括有一部5DSR+24-70F2.8 + 16-35F4 (一支定焦都沒帶去), ND1000, 快門線, 三腳架, 直倒,2粒電及64G SD CARD.
要謹記, 相機及鏡頭一定要隨身帶上機, 如果寄艙(後果自負!!!)
第一天落機, 由於已經係下午1點半,所以直接坐旅遊巴去心齋橋, 時間有3小時, 喜歡購物既朋友仔,可以一路買一路影, 如果你對購物完全沒興趣,可以選擇學小編一樣,自己一個影.
而重點是 心齋橋例位只得一兩個, 所以不怕擔心影不到.
不過好可惜現場太多人, 加上兩老要求, 不能使用腳架 (如果可以長曝,應該會有不錯的效果~)
第二天
一大清早7點半起身,8點半集合上車,時間仍然是超級早(旅行團通病), 出發前往大阪城!
由於落車地點是附近的停車場,所以大家要徒步走過去(早上9點就要負重走路,記住早餐要食飽!!)
至於行走路線就只有前後門各一條, 十分易走. 大約20分鐘就會看到路牌.
繼續向前行約10分鐘, 就已經可以看到天守閣! 係咪好興奮呢^_^
正面拍一張對於攝影愛好者,應該心有不甘,
所以小編看著地圖一路行, 沿途上網看參考角度, 但發覺都不是想要的感覺~~經過亂石方旁
穿過小樹林,突然......!
看到一條橋, 隨拍攝角度可以看到, 橋頭是一個公園, 而橋後就是天守閣.
聰明的你想到了甚麼嗎??
再說一次, 背景是天守閣, 前面有一道橋, 代表橋下有河, 而小編帶了ND1000.......
由於此地點的自由時間只有1.5小時, 所以便加快腳步走過對面, 用1分鐘打開腳架裝上相機,再裝上快門線及ND HOLDER, 調教SETTING及構圖.
在多番嘗試後, 終於拍出了理想的效果, 那一份安寧, 如入無人之景!
要留意河邊有護欄, 拍攝時要小心, 以免掉進河裹!
(小編不建議穿過護欄, 但要拍好照片就得付出......)
如果大家喜歡小篇的角度,可以事前MARK底橋位.
隨後便跑回集合地點,
認著大樹代表大門就快到.
繼續前往下一個景點.
奈良 鹿公園
一個由小聽到大的地方, 一直也很想拜訪, 今天終於有機會了! 欲前往的自由行朋友, 可以乘坐JR線到奈良站轉乘巴士去到, 而跟團的小篇當然是舒服地坐旅遊巴~
由於公園有停車場, 所以一下車第一時間買餅乾! 而自由時間約2小時.
好快就看到神鹿的出現, 手執餅乾的兩老即時被圍著, 而小篇當然是手執相機.
第一次見到神鹿, 原來真係好得意.
記住佢地係會移動, 所以小篇選擇快門設定1/200秒, 而且長焦距.
原來不正常的樣子最有趣~
無錯啦~
開心既時間過得特別快,又係時候講BYEBYE
希望你地會帶給我好運!
眨眼已經6點了,天開始黑,回到酒店約6時半,今天跟團行程完結!
眼見時間尚早, 當然要去就近的梅田空中庭園展望台
小編選擇這地點, 是因為鄰近JR鐵路及他是唯一可以觀看到大阪梅田全景而沒有玻璃阻擋!
首先乘坐JR到梅田站/大阪站, 再看地圖行過去(約15分鐘)
小編提提你, 入場需要購票, 排隊需要時間, 如果你要拍日落, 一定要提早1.5小時到達!!
大廈樓高40層, 所以會好大風, 請帶準衣物及固定腳架!
四面都沒有高樓,這就是日本! (左邊)
右邊
來張近鏡, 一樣有感覺^_^
記住小編是帶著兩老,共拍攝了2小時而沒有進食, 回程時不斷被攻擊......
但總算拍下日本夜景, 今天行程正式完結!
第3天
一大清早7點半起身,8點半集合上車,時間仍然是超級早(旅行團通病), 出發前往天橋立.....!
如果自由行, 只有的士! 而跟團有旅遊巴!
上到山, 發覺有種隔岸的感覺, 又有點像中國的8掛, 不說了, 去圖.
值得一提的是,鄰近有一個好地方可以出海餵食!
伊根灣
一個屬於漁民的地方
在等待上船期間, 遠處正進行火燒的加工動作, 煙霧彌漫.
回頭一看, 漁船正慢慢駛回來
眼看已經有極多海鷗及麻鷹搶食, 終於上船了, 調較快門為1/2000秒, 以捕捉搶食一刻,手指經過多番摧殘後, 終於成功捕獲一張.
給一張老鷹
在這 " 一刻 ", 我發覺餵食好比人生, 就是要不停找尋夢想, 因為成功就在遠方等著你
來, 自己爭取吧!
隋著時間, 船便回到岸, 看到其他團友仍慢慢上車, 不忙多拍一張!
繼續前往下一個景點
伊根灣展望台
一下車就已站在高地, 發現海中心有大型太陽能板, 於是又用上了ND卡,
設定快門25秒, F4, ISO50(100)
不喜歡打直? 看看打橫吧
日本那裡都是安寧的感覺.
隋後上車, 經過一些沒有攝影的行程, 便回酒店.
今天行程完結
第4天
由於昨晚發現睡房面向東邊, 於是早起拍日出, 但可惜又食了白果, 只有煙景.....
再者就是8點半集合上車,時間仍然是超級早(旅行團通病), 出發前往渡月橋.....!
值得留意的是渡月橋與嵐山竹林十分相近, 而景點有2小時自由時間, 於是快步走向竹林,約20分鐘便到達入口, 而最深處則再需要走15分鐘.
抬頭望就是那一大片竹林
仍是單人行的小編在拍攝過程中有幸認識到幾位台灣的朋友, 當然把握機會, 拍了數張人像照
(可惜只有廣角鏡, 24-70放了在車上V_V)
設定為 1/100秒, ISO100, F4
來一張打直
記住, 竹林的人流很多, 不要花時間去等待沒人的一刻, 因為你不會等到! 所以後制要多點時間. (小篇也是中間位製作得不太好, 請見諒V_V)
開心既時間過得特別快,又係時候講BYEBYE, 本想拍回渡月橋, 但時間不足, 有點可惜.
如果要拍出美麗的渡月橋, 要小心水流, 低角度+慢快門會有不錯效果!
上車後前往最後一個能拍攝的景點.
金閣寺
不要問為什麼不去清水寺! 因為清水寺維修需時2年..........代表2019年才放開.
由於金閣寺不能使用腳架, 所以只能手持!
設定在1/400秒 ISO50 F4
按下快門一刻, 代表攝影旅程終於完結, 因為第5天是購物日.
誰說跟團不能拍好照片, 不管你信不信, 反正我就信了! 希望小編的文章可以幫到大家, 如果有興趣可以FOLLOW小篇的IG及FB, 希望下一次同樣見到大家!
謝謝!
小編傳送門
facebook : https://www.facebook.com/mthenryphoto/
flickr: https://www.flickr.com/photos/mt_henry/albums
Page: http://www.mthenryphotographer.com/
Instagram: @mthenryphoto / @smartmtchan