Canon EOS 500D

評測報告

實拍照片

- 高ISO 抑燥很好
- 機身輕巧
- 同級中像素較高
- 對焦速度高及準
- 3" LCD VGA 解像高 (已漸成同類機之標準)
- 人像膚色層次靚
- 可儲存3種個人顏色Style
- 機身有暗角調節
- 拍片靚，720p 用H.264實用

- 暗環境對焦較弱
- 反應比較慢
- 室內自動白平衡十分黃
- 未設有白平衡K數設定
- 只能儲存一個自設自平衡記錄
- 閃燈測光麻麻
- 握手位比較扁簿
- 拍片時需要將模式轉盤轉由頭轉到落尾
- 電力一般，高用量用家必需要帶後備電池

自已用Nikon機多年，今次算係首次正式擁有Canon DSLR，之前都係玩人地既機多。
由D90轉到500D，並非因為D90唔好，而係我現實生活上需要拍片既機會越黎越多，如團體活動同埋家中小朋友及BB。
D90拍既片係好靚，但影活動既野d Jelly effect就真係太勁... 而且，我覺得500D真係Canon呢幾年黎最有誠意而又吸引我既單反機！至少拿上手唔想覺得d膠好簿弱(之前試過400D...)，但同Nikon最平既D40比，都仲有d距離。
我無買Kit，只買body，連枝EF-S 10-22, EF 24-105 同EF 70-200 F4 non IS。

500D既9點對焦唔錯，都幾快，用24-105都叫快，而且IS都好正，但試過用枝EF-S 17-55 F2.8就發現呢枝更快！不過我比較鍾情L鏡既發色。
但500D於較暗既環境對焦就真係差左d，有時要對幾下先中，比較起Nikon，呢方面Canon輸少少。

影出黎既相我最feel到既係Canon對顏色既層次係同Nikon唔同，尤其對膚色既演釋，我覺得比Nikon感覺更"靚"更通透。
高ISO方面亦好出色，基本上以我要求唔高既人黎講，ISO 3200係可用，D90 3200都ok，但暗位會起渣，而500D呢方面就好d。

500D有幾樣野我覺得需要改善既係：
第一，我有時會影影下相，轉去影下片，可能我比較多拍影片，但以前D90，我只需按一個掣，開個Live View，再按OK掣就可錄片，但而家，我要將個轉盤由"M"，轉去"MOVIE"，由頭轉落尾，有排轉....
第二，白平衡問題；未設有白平衡K數設定，同埋只能儲存一個自設自平衡記錄，好唔方便！
第三，電力問題，唔知點解其他師兄覺得佢電量超高，我覺得只係及格，以我影一次活動，大約300張相，20分鐘720p video，除時唔夠用，但同樣既活動，我用D90永遠唔洗用後借電池，所以而家我會帶3舊電出去。

相信呢部機我都會用多一段時間，因為而家未有一部機比佢更輕便但又有我需要既功能，Over all黎講 500D我算好滿意。

同之前用家講ge 一樣

同之前用家講ge 一樣
少左Live mode 自動對焦慢

個個都話呢部Live 對焦慢,如果想快,只要轉去短片禁menu自動對焦模式 教快速模式
係live 對焦會快超多~

18-135 good range ,is,best feeling,

no,3.5too small,if hv 2.8 is soul great

18-135 range ok,lm think shoot people outdoor is ok

1/ 價錢合理，入門級的價錢，但有中階機 (e.g. 50D) 的功能與質素
2/ 又有Full HD拍片功能
3/ 機身輕巧，新手女士 (i.e.老婆) 都應Handle到。

1/ 拍片時收音不太好和只得單聲道
2/ Live view 對焦慢,有待改進

我於2009年中買了Canon 500D，開始學玩單鏡數碼相機DSLR。

本來我多年前都用開單鏡135菲林相機， 可惜買菲林及曬相錢真是所費不菲，加上數碼相機開始流行起來，後來我便轉用小型數碼相機 - DC相機仔。

DC相機仔事實上係好好用， 輕巧方便, 拍一般家庭相片和拍小量短片真是不錯的好幫手。可惜DC相機始終對焦比較慢 (特別是要影我那對無時停的仔女)，而且室內或不夠光地方會偏黃。

近期隨著DSLR價格下調，又設有拍片功能 (打破DC仔的特色)，機身輕方便一家大細攜帶出街，後來便我於2009年中買了Canon 500D，開始學玩單鏡數碼相機DSLR。

買Canon 500D主要原因是價錢合理，入門級的價錢，但有中階機 (e.g. 50D) 的功能與質素 (對於DSLR新手來說功能是相當的好用與足夠了)。 又有Full HD拍片功能，機身輕巧，Body只是480克，新手女士 (i.e.老婆) 都應Handle到。 湊仔女出街揹住一袋二袋時，我會多謝我自己。

有朋友話缺點 (對影相) 是機太輕，不過機身輕正合我意，尢其與兩隻化骨龍出街 (要帶很多東西呢)... 機動性是我的其一考慮， 始終影相是去享受，下下拿起接近2kg (鏡頭連機身)，不是很辛苦嗎? 作為家庭用機， Canon 500D真是不錯。Note: 對男仕來說可能會過份輕巧，所以我買了個BG-E5直倒俾自己用… (雖然真的很少用。)

性價比高
1600iso都用到...
1080拍片(不過買左2個月...用得一次=.=)
電超耐用
mon色靚到飛天
像素高
加埋窮人3寶.....應該有排唔駛買鏡住=.=v(不過一次拎哂3支鏡..都幾係野=.=")
加埋3寶都算輕身...成日拎出街都ok..

太輕...太細部(都唔知係咪缺點黎...對我黎講係).....尾指唔知放o係邊....要加直倒先好
(可能女仔唔駛..覺得岩岩好)

mon色太靚...o係電腦mon睇..頂!!執相執到嘔><(我影公司products相...都係幾唔慣..)
條邊好似唔夠"利"(個人問題掛...)

d位同以前d機有d唔同...要一段時間適應(成日按錯掣=.=)

呢部應該係我第一部dslr
之前自己用dc仔(都係c記ixus 750,..個人勁like..用左幾年都未壞...到e+都仲好好用,,,,平時放o係袋都會袋住...)
諗左好耐(幾年..)先買機..(dc未壞...gf唔比買...不過分左手後一星期忍唔住買左=.=)
之前間公司都成日玩部20d(係得我玩...d同事唔識影相喎~)
轉左黎e間之後...公司冇相機...所以次次影products都係用私伙野...(ixus750)..
影得耐覺得唔夠...又岩岩同gf分手...終於...呵呵~~~~
之前都有問d fd借黎玩(400d, 40d, 1d mark3等...唔知點解..會部都係用c記..所以我都買埋c記)
由於本人資金有限....所以o係50d同500d之間作出取捨....最後買左500d(平咁多....你點會唔買????)(不過之後先貴....買齊3寶加個袋...計計埋埋要8千幾...遲下又要買箱...閃光....唉...d錢都幾好燒=.=")
不過唔後悔買...因本人覺得功能好齊, 而且超出我要求, 呢部機應該夠我用幾年...幾年後先上中高階(又要燒錢.....=.=")

1.對焦更容易，以前用350D真係好驚對唔到。
2 顏色鮮艷左。350D的色比較灰，明顯500D冇左呢個問題。
3 玩到picture sytle，網上都有好多實用的設定檔可以用，減少後製的時間吧。
4. iso800都ok，算係唔想用閃燈的權宜之計吧。
5.有拍片，始終影相時又想拍片，如果要拿部dv出黎會有Ｄ麻煩吧，而家方便多了。

1. 快門聲都係350好聽。
2.閃燈好扯電，閃多幾下好快冇左一半電。
3 live view唔係太易用，個對焦要按*那個掣, 好唔慣又唔知對唔對到，搞搞下都係放棄唔用=.=

我之前那部係350D,放左之後升級左呢部500D，感覺都幾唔同。影像質素係有提升的，至於提升左Ｄ咩,除左象素,應該係對焦更易,色彩更豐富吧，簡單黎講操作方便左,就可以專心構圖了。