冇

講唔哂！總之唔好買

（1）究竟有幾智障，先至用萬幾蚊，買部apsc？
（2）apsc都算，重過full frame ? on9! 拍片對焦仍然落後Sony、Canon！
（3）動物眼晴對焦，呢部形同虛設，完全唔準！
（4）係咪到2023年，都唔識用raw？乜Q嘢富士色，LR套個濾鏡即刻出

Kit 鏡質素幾好…一般都夠用

拍片功能都非常好，4K 30p 無剪裁，雖然拍4K 60P 有剪裁，都可以接受。同樣6K超採樣轉4K 30P 都有剪裁，但效果都很好。
連拍速度機械快門15張，十分夠用。
電子快門23張，但有啫喱食，少用為妙。

Canon餅鏡，細細支…估唔到顏色又幾好👍🏻 Full Frame 28mm APS-C 45mm

如果唔用你要肯定熄咗部相機，如果唔係支鏡頭唔算關咗

細細支…顏色幾好
查喺手都有質感，放落幾身都幾好睇👍🏻$22xx…ok 啦

輕，細
有光圈環（而且係無段）
sharp
對焦快+靜
未取到Marco鏡，但近拍都唔算差

擺袋鏡頭蓋容易甩
0.17米近拍只可以係MF

輕，細嘅best choice
雖然sigma 隻16/1.4 好平，但好重而且大枝。無光圈環操控無甘方便，拍片更加唔使講。建議預算多少少budget買反sony好過

1.防抖功能強大，在等效1000mm焦距下仍可手持以1/80拍攝清晰照片。
2. 重量不足2kg雖然比300/4pro重，但拿上手感覺平衡更好。
2.加了1.25x成像仍非常鋭利，再加疊1.4x成像影響亦很輕微，加2.0x成像清晰度明顯下降，不建議使用，但43機象素相對低再不能裁切的情况下加2.0x也是一个折衷方案。

1.價錢貴，作為小眾的43系統成員，是過份了，這個價位足買一套SonyA1+2868，功能更強大，只是重了点已矣。
2.作為一主打輕巧的镜頭，遮光罩可以做細点，腳架一座也應該設計成可以分拆的。

從我發email 去訂貨到收貨，全程約4个月，等不算太耐，只是付錢時有点猶豫，憑良心講性價比真係好低，但因身體力關係，想行入車開不進的地方拍攝，這是最佳方案。

1）光學質素好，就算收光圈都好立體（比RF 24-70 F2.8再立體啲）
2）鏡身實淨程度一貫紅圈鏡既高質，防塵防水滴好基本（雨天做野都完全冇問題）
3）光圈有F2，一支頂左standard焦距既定焦
4）有Control Ring（RF鏡新增既好用一個功能）
5）鏡頭伸縮幅度唔大（感覺冇咁易入塵）

1）的確係幾有重量，對我黎講重少少唔太大問題，但因為鏡頭既後半part係幻啲，換鏡係鏡袋拎出黎嗰下會驚揸唔實
2）因為重量一定係頭重尾輕，變相如果中意落腳架影相既人應該要揀個夠力既波頭先得（姐係要花多啲錢）

因為唔想買太多大光圈既鏡頭，所以諗住買尼支用黎頂幾支定焦，諗左都好一段時間，始終已經有RF 24-105 F4同RF 24-70 F2.8， 都驚好重複咁，但最後都係入手左。

用落既效果同RF 24-105同RF 24-70幾唔同。變左自己會按工作需要而決定拎邊支。要輕身，cover多少少焦段，質素又有啲保證就用24-105，例如旅行，輕鬆影。需要行動性強同穩陣既時候就24-70，例如新聞相、活動花絮。而28-70我會選擇用係自己可以控制畫面既情況下用，例如婚紗相、影硬照咁。當然唔怕好快攰既情況下，keep住用28-70都可以，其實都好適用多種既拍攝。

至於質素上真係冇咩好投訴，真係好Sharp，28mm係最wide既焦距對我黎講都冇咩大問題，唯獨要習慣既位係支鏡都真係幾粗壯，都需要啲時間適應。

1）光學質素好，RF鏡唔洗多講
2）5級防震
3）鏡身實淨，防塵防水滴都係好基本（雨天做野都完全冇問題）
5）有Control Ring（用開RF鏡既用家會明有幾方便）
6）手感同重量比想像中輕身
7）大細同EF 70-200 2.8差不多
8）有得調教Zoom Ring阻力
9）100-500mm用起上黎好就手

1）Control Ring係鏡身既後面位置唔太就手
2）挑下骨頭就係用到500mm時係F7.1，但冇辦法，如果大啲光圈應該唔係宜家咁既Size

小弟用尼支鏡影過風景、演唱會、婚禮、新聞相，基本上都好滿意支鏡既表現，尤其係有時冇得周圍行住影既情況下，支鏡既靈活性就好大。

個人就唔太介意支鏡去到F7.1光圈，因為本身都係細光圈既攝影人，所以唔係太大影響。只係有時支鏡去到500mm既時候，有啲情況下成像會下降左少少，Detail上未必可以keep到好Sharp既成像，例如影好遠既風景，當然成像下降有時都好睇環境因素。

用落之後覺得要影一啲extreme closeup既相係比起以前容易好多，多左一啲以前冇既構圖，始終500mm真係相對少接觸咁長既焦距，用落都幾驚喜。

1. 特別第一點要提，個 C-AF 係咬到畫面最前主體實一實，一改過去追焦無能既印象，無論你有幾多對焦點，咬得實先重要， OM1 做到了；
2. 防震比 mk3 又再改進，尤其配合手持高解，可以「屈」出曝光更長但同時更穩的影像；
3. 高 ISO 幾個評測數據話同前代一樣，我想說用過先…… noise 量可能差不多，但 noise pattern 比前代更容易做 denoise ， iso25600 都未見偏色，基本上呢兩點已經令到部機高 iso 可以好過前一代，再加上江湖傳聞機内用 10bit 空間做處理，整體畫質係的確有所提升，用緊前代既可以放心升級；
4. OM 強調 computational photography ，但主角肯定係手持高解，今代更新算法，比上一代處理得更快（5 秒内完成），而且更高畫質，信我， ISO25600 室内低光 jpeg 直出做到 noise free ……呢一代機 default 錄影按鍵係高解合成，可想而知 om 信心有幾大；
5. Menu 整合全部 computational photography 功能，呢點貼心；
6. 轉接老 4/3 鏡既對焦表現絕對會令老用家感動落淚；
7. Pro Cap 又勁左；
8. 隻 EVF 的確又係靚；
9. 手機 apps 常連藍芽攞 geotag data ，自動過相又快又有 raw ，同電話配合方面已經無乜投訴，幾時有埋 real time 傳相就 perfect ；
10. 可以 set 半按優先人臉， af-on 優先 AI 物體檢測，又一貼心；
11. 跟機免費執 raw software ，仲有自家 ai denoise ，敢話唔抵玩？？

1. 追焦的確係咬得實，前題係唔會有其他野走去前面，一旦比野遮住，對焦會迅速地追左去遮住果件野……如果話過去機型對焦係背景先決，呢一代係前景必決……當然有好有唔好亦好易解決；
2. 問題係 S-AF 有時會唔知對左去邊，我指既係，全個畫面都係失焦……經研究，焦點係走左去前面……呢一代用 quad bayer 技術，理論上每一點 pixel 都可以做對焦檢測，咁細個對焦點，唔通對到塵？對到空氣粒子？
3. 另一樣唔滿意係， mk3 粒 joystick 可以 toggle 當前對焦點同對焦點原位，呢代唔得。有返呢個某程度就可以輕易解決前景必決問題，一旦有野走入前景，即刻轉單點，就可以快速處理；
4. 雖然我認同大部份時間對住 EVF ，但比埋隻肩式 LCD 唔會更好？
5. 呢一代個 color science 無左 olympus 味……好似 sony ……但同時 raw 係易執好多；
6. 最唔感冒係 KOL 讚佢換 menu ，話舊 menu 難用，講真個新 menu 同舊 sony menu 有咩分別？舊 sony 比人插到飛天，到 om 用反而讚？最神奇係，新個 sony menu 咪就係舊 olympus menu ，又讚到上天…… KOL 真係唔好睇咁多；
7. OM 講過會加強拍片功能，但機内錄真係中規中距，唔係話一定要好勁，但起碼做到拍片行家見到係會覺得好用……個 om log 真心唔知有咩特別，留光位叫合格，做 color grading 就算罷……
8. 既然 10bit 處理，點解唔比埋個 HEIF ？

身邊好多人都係片幅主義者，但佢地都話今代 OM1 係堅勁，即係你點睇唔起細片幅都好，呢部機勁係不得不承認。

即係當年 135ff 未普及又何嘗唔係比中幅、 LF 笑呢。

片幅主義沿於畫質要求，用得 m4/3 物理上就一定輸畫質，但真心講句呢幾年 om 確實用好多方法拉近個差距，除非你係 400% 聞相黨，否則真係無咩問題，手機係堅但只限無 noise ，你搵隻 32 寸 4K mon 睇仍然會睇到個差別。

呢幾年除左 C ，基本上主流幾個牌子都用過，你話係情意結又好，實際係好用又好， om 機出相率始終係個人首位。

你話賣盤？成部機撤頭撤尾骨子裡都係 olympus 傳統， OM 由當年唔做 AFSLR 到 4/3 再到 M4/3 已經無數次比人話死得，結果死左三十幾四十年都仲有 om 相機用……