Canon EOS 7D

評測報告

實拍照片

- Quick Responds
- ISO control (Please do not compare with FF)
- 8 fps, importand for me to take sport photos

- a little heavy for me
- Price (Of course everyone hoping products are cheap and good.....)

I was using Canon EOS 1000D, which had give me good photos.
Since I will take slot of sport photos, I've bought 7D 3 weeks ago.
It gave me great experience of DSLR, I never though that DLSR can give me such respond.

~ 對焦系統真係超正, 19點加上5個不同區域的設計, 雖然係專業級, 但我更覺適合新手, 因為到真係要snap shot的時候, 教auto都好good!
~ 連拍快而準, 都係拜對焦系統所賜
~ 新閃光燈系統, 雖然唔係攝影界既新功能, 我暫時未用到, 所以comment不多, 不過有都要讚
~ 快門聲開頭唔太習慣, 不過越聽越順耳, 內斂也很耐聽
~ 用過D90, 但總覺7D的按鈕更加user friendly (只限7D, 因為冇用過其他C記機), for example, D90要用function key調教AWB等功能的時候, 是要一邊按著AWB鍵一邊轉轉盤 (7D可以不需同時按兩個鍵, 機背的轉盤亦較容易操控), 可能因為我唔熟D90, 用用下d手指好似"Q"埋晒一齊咁, 同樣係新手既我, 用7D就冇咁既問題 (純粹個人意見, 可能有人認為這正是D90的優點也說不定)
~ 對於影相而言, 硬件的因素只屬其次, 不過不得不提, 7D外型一流, 靚唔靚就見仁見智, 我就好like, 算係新設計, 不只是copy舊款咁冇誠意, 有用心喺end user的手持感上, 加了15-85 kit拍照亦不覺得重, 好享受~~

~ 咁貴既機得一年保養, 續保要加錢, 變相仲貴左... 雖然冇乜聽過朋友話壞機
~ 冇影像重疊功能, 雖然都係一d不是常用的功能, 不過有好過冇, 亦可減省後製

由D90轉台到7D, 因為俾7D強勁既spec所吸引, 上完showroom試過更加係愛不釋手, 絕對係用上3,5,7年都唔駛再換機既好選擇! 用左一個月左右, 都未發現有咩可以挑剔的地方, 唯對焦範圍可以更廣闊一點就更好, 不過宜家已經夠用有突...
要大讚的也是對焦系統, 同入門級簡直係兩回事,當然一分錢一分貨啦, 而且對焦升級左之餘, 測光的準確度也同樣地提升了~
我不是專業攝影師, 影像方面感覺係上佳, 常用800/ 1600 ISO都絕對不只是見得下人, 有人話可惜佢唔係FF, 不過我就非常喜歡aspc格式, 因為唔駛揹住支大鏡影遠野, 1.6x 配上kit len既85mm已經夠zoom... 如果7D係FF機, 我就冇左個咁top既選擇喇
所有function key大致都整齊排列在機背左側及機頂右側, 好易摸熟, 有10個function key可以半按用家喜好setup, 可配合用家個人習慣之餘, 亦滿足用家擁有一部"與別不同的相機"的心理!
機身重?! 我覺得夠穩重
用完關機, 有自動除塵, 份外安心 --> 雖然唔知成效有多大^^"

規格表上巳列得清清楚楚

價格略貴和不能用回部份現有配件如電池和直度

小弟由最初的350D(05/2006-09/2008)升上50D(10/2008-11/2009), 最近又再升一級到7D(12/2009), 可算是走過佳能ASP-C家族的初,中,高階.
350D算是一部可以的入門級單反, 50D則是一部可以應付大部份要求的中階機, 而7D可說是在50D基礎上加入頂級玩素的高階機.
今次升級7D是正確的, 因為進步實在太明顯. 如 對焦系統, 測光系統, 連拍等.
7D可算在ASP-C格式的首選. 現在我每週都很忙 (忙於享受7D的樂趣) 希望有更多CHING可一起分享.

手感的確係唔錯....
vf100%的確幾好...

快門聲怪怪的, 我個部聽落去好"立"咁, 唔清脆咁。意為有問題，canon check咗就話無事....

外型個人覺得麻麻.....好鈍咁.....

色水好似唔同d咁......

由500d升級, 因不喜歡500d的快門聲 及測光有時不太滿意~

7d用後其實驚喜不大, 可能本人少影快嘢...........佢嘅對焦及連拍對我不太有用...
可能本人買錯機。但無辦法, 500d upgrade, 無理買50d, 又唔想用fullframe, 有幾支鏡唔啱用。

個人感覺, 500d 4方向制好似好用過轉轉制....

hm...好似買錯機咁...不喜勿插....

1. 一秒8張連拍
2. 習慣鎖焦功能
3. C. Fn. (可以調校到所有setting 都用右手搞掂)
4. ISO 6400 都接受到
5. 有HD 攝錄
6. 重點對焦 (影macro 超好用)
7. 實淨, 連電池蓋都好實淨, 試過錯手開住電池蓋放低, 竟然承受到成部機身+鏡頭(15-85)既重量. 無事!

1. 機身都幾黐塵
2. 開機讀咭果下loading 幾大, 雞咭好易死
3. 價錢稍貴
4. live view 對焦慢

我係由G9上7D的, 初初真係有d 唔習慣, 可能始終係第一部單反, 突然覺得部機多左好多粒制... 頭一個禮拜對住本manual 慢慢睇慢慢學, 家陣用左一個月多d, 光圈快門果d 已經可以好快咁校到了. 唯獨係d 特別功能都仲要摸下.

呢部機對我黎講真係好強, 我非常鍾意佢個習慣鎖焦功能. 即係set 左個自己常用對焦點, 然後就一按即出, 對焦依然同平時無分別, 一樣咁快! 仲有C Fn., 可以隨自己喜好去set o岩用既制.

仲有飛燈又係好正, 原先無諗過會用到, 但家陣最常用反而係打閃影功課做powerpnt!! 學習埋點樣打燈~

Q Menu 真係好方便, 有時醒唔起樣野點教, 可以用得著.

連拍, AI Servo 無得彈, 試過用黎影小朋友, 動物之類都應付有餘.

由Prosumer 上單反, 我考慮左大半年, 由自己開始去學攝影, 讀攝影時已經同自己講過唔會咁快走單反呢條路, 因為我相信攝影係技術, 器材只係輔助. 但最後發現G9開始應付唔到某些場合... 跟住考慮買單反... 大半年當中有睇過500D, 50D, 同7D, 最後都係決定買呢部7D.

老實講以我而家既技術, 7D都仲係過強, 我未用得晒佢d 分唇, 亦都未能夠完全地發揮佢既性能. 不過我初時買G9都係咁, 不斷地去鑽研, 要同部機一齊去成長~

對焦快, 準, 配上usm 對焦摩打, 一按即到; 追焦都好快
100% 光學景觀器, 終於一眼睇晒唔使靠估
防塵防水滴, 落雨唔使心驚驚
內閃引閃玩飛燈, 雖然人地一早有, 但係canon 終於捨得加埋呢個功能上去, good~
Clear View II LCD, 靚
Full HD Video @24fps/25fps, HD Video @60fps/50fps, 拍片用H.264格式, 比較無咁大食
雙digic 4, 連拍8fps, 爽
15萬次快門
水平儀, 暗角修正, 手動調焦

Clear View II LCD, 係好處亦係壞處, 成日俾佢呃
Noise Control 唔係太突出, 不過 iso 3200 尚算可用, 始終aps-c格式, 無謂同FF比啦, right?

之前用450D, 所以唔比較啦, 比咁多錢升級, 唔使比都知一定要好過入門機啦!
用左一個月左右, 俾我感覺係, 物有所值!
大部分時間我都係插住支17-40 F4, 色水好靚,
對焦好快, 又準, 基本上無乜相係走焦
拍movie 好多師兄都話無用, 唔會用, 唔考慮, 等等.. 用到果陣你就會諗, 好在有得拍片啫...
部機手感幾好, 重量都幾適中, 粒電都幾長氣, 去旅行基本上用一日無問題
AWB 真係幾準, 至於測光都好準, 但係我個人習慣係+1/3, 始終覺得Canon d 機會略略under, 方便大家後製掛?!
點解唔一口氣上5D mark II? budget 先決囉, 哈! 加上自己現有ge鏡頭會唔夠用,17-40 同小小白之間缺一支24-70, 所以放棄5D, 不過無後悔!
我唔係Canon 死忠fans, 只係呢部7D的確有驚喜, 誠意之作!