Canon EOS 1D X

評測報告

實拍照片

由350D上40D上5D2到1D X，有咩唔係優點？尤其速度。

重，但用得1仔預咗。
以前啲袋全部擺唔落，要換晒。

影景，影小朋友，動靜皆宜。

快、狠、準、型........雖然像素比5D3低，但拍出來的比5D3還要好.....

其實對我黎講真係無乜缺點，係想用輕便方法帶出街就困難少少，同埋用唔到遙控器(RC-6)拍攝......

能夠上1D系，是我多年的心願，但當時我仍有個心理關口，因為用開5系的我覺得無必要用多差唔多一倍價錢，去買Ｄ速度番黎.......於是乎1DX一出我並無即時出手攻頂，返而5D3我就一出即入......不過攻頂果團火，並未因為5D3的強勁而熄滅........5D3的61點對焦話比我聽，1DX果61點只會更強，還有1DX近乎瘋狂的高速快門，都係5D3不能相比的，後來從朋友手中試用及多次上毒氣室返覆自我中毒後，終於出手攻頂，但我仍不忘5D3較輕便的好處，所以我的決擇是兩機並存！

每樣function都可以fine tune得好仔細，仲有好多custom function俾用家自訂，方便每人不同既用法、手勢。
對焦、測光精準無誤，快靚正。
一如以往既一仔，反光鏡震動極少。
握手位設計得宜，可以穩握相機，即使手持時間較長亦不容易出現手掌/手指疲勞。
雙joystick方便直倒使用。
mon靚。
dynamic range靚，成像實淨銳利，貫徹一仔作風，其他型號難相比。
快門壽命由以往30萬增加至40萬。

可能我比較hardcore，身為一部旗艦機，我搵唔到佢既缺點，各方面都係為專業而度身訂造出黎。
重量？無咁既重量可能無咁既穩定度。
價錢？用黎工作既話，賺到既錢、名氣已經遠遠超越佢既身價。

自從去年試用過1DX內部測試機在澳門影賽車後，決定一定要擁有呢部神器既量產機，但發現而家量產同當時既內部測試機有些少出入，包括快門聲浪明顯降低左，menu亦經過修改，現時賣街既版本則較為簡單。
我係由5D2跳上黎，本來5D3系統已有不俗表現，同5D2比係一個巨大躍進，但基於反正都係洗錢換機，點解用完5系仲要再換5系？做完二奶係時候要做大婆，所以跳過5D3、6D等較新機型，一步攻頂永無後顧之憂。

我喜歡1仔個種「快、狠、準」既特性，特別係暗位對焦幫到我手，較高既dynamic range(同5D2比較)亦幫助不少，始終透過後製去谷、去渣番d detail出黎係有代價同唔完美。由菲琳年代至現時為止都係對住135格式既底片，唔想用APSC係因為個crop問題，唔想成日計黎計去，況且高像素FF對我工作有幫助，因此進入數碼年代後一直保留係FF機種。但對上一代既FF 1仔已經係1Ds MK3，年紀實在大，買部2手番黎亦要心驚膽跳，1D4當時都只係APSH，卒之等到1DX有FF出現，試用完非常滿意所以去馬。

像素的確「只有」1800萬，但去到呢個level既機種，已經唔係單單追求其中一樣特點咁膚淺，唔通好似入門機咁，部機多100萬像價錢就賣貴多$1000？對焦系統、成像質素等等，係全方位機能既追求，所以1DX綜合番各方面機能黎講，佢係能夠滿足到好多攝影範籌既需要，係一種平衡度，你無需要再擔心部機做唔做到呢樣、頂唔頂得住個樣，只要你正確使用，佢一定交足貨俾你，影唔到就應該諗諗自己錯係邊。

四隻大字為總結：物有所值

很多師兄已講。

很多師兄已講。

優點和缺點都有師兄提及，有人話千八萬像素唔夠二千幾萬好，其實用得1系機應該比較埋raw會全面d,本人已用5D3和6D比較過，1DX的jpeg相雖然在芒上睇像素好似係差一点，但raw檔就完全係兩回事，details會較二千三萬像更多，相會更靚。相反5D3及6D的raw檔就不能像1DX造到咁多細節，此外1DX的測光亦非常準，5D3和6D亦偏黃，影像邊緣亦不夠實。

1) 自設按鈕功能，非常實用，完全切合個人需要同習慣
2) 可被設定的地方較多，有係切合個人需要同習慣
3) 快門聲真係悅耳，實淨
4) 機身紮實，手感優良

1) 像素只有1800萬，只係夠用!
2) 冇內置閃控，中階機都有!
3) 冇內置WIFI，傻瓜機都有!
4) 冇遙控拍攝，乜機都有；自拍變得困難，用計時自拍，對焦就係大問題!
5) 對焦同5D3差不多，冇乜優勢!

我用過5D3，同5D3比，冇大明顯優勝，無論係畫質定係操控，樣樣只係吾多覺好小小，但缺點就好明顯地係缺點，缺點欄的實用功能1DX冇，好多中低階機反而有，CANON的確係有心思地擺放，但頂級機吾應該咁吝嗇，咁計較!!

旗艦機功能齊,操縱方式與之前差不多

入塵情況十分嚴重,影一次相,入一次塵,仲叫旗艦?

旗艦機,用後和之前的1D MARK4,差不多,
但可能因全幅關係,影完一次相就入一次塵,
拎完上CS,比完錢抹完,再影又入塵