Panasonic Lumix DMC-GX1

評測報告

實拍照片

細，輕，樣靚（個人意見）
對焦快
Function 制好用
一手可挪兩鏡，幾時換鏡冇問題

Multi-function key 太細，較aperture 好容易變較compensation
對焦快、shutter delay短，但影完一張相要等process 完先可影第二張
對焦、變焦、viewfinder 都用電，一定要有後備電

用開5D & 7D，去旅行覺得太重才買GX1X，現在一機三鏡（standard zoom, tele zoom & fisheye）都輕過單反一機一鏡。
最初試機影風景和荷花都覺得OK，之後用7D再影就覺得有明顯分別，不過冇得比較。
如果用開自動機想upgrade，這是一個選擇；如果用開單反，就要衡量質素和重量，或是用作單反的後備機。

1.C模式多，有C1，C2，c2裏面仲有分c2-1，c2-2，c2-3
2.對焦好快，基本無拖拉。手動對焦有輔助放大，而且有電子距離尺介面
3.握持感好，按鍵基本都系右手，可以單手操作，快捷鍵多。（不過Nikon玩家可能會無習慣唔系雙手並用，好似小弟甘-.-）
4.機身實凈，鏡頭細（較NEX），擺包裏面都唔會擔心。
5.單撥輪既os設計好好，感覺操作速度同雙撥輪差距唔多。
6.可以接EVF，單反轉過來都唔會唔習慣個取景姿勢。
7.閃燈彈起頗高，效果頗自然，最重要一點，可以用手指調整角度，跳燈無問題！仲有熱靴可以裝外閃。

1.連拍之後寫卡速度慢
因為之前系用D90既，連拍幾張（RAW+JPG）之後一般都系即刻可以按播放睇到。
而GX1連拍4-5張后，按播放要等差唔多20s既寫卡時間。有時影一張RAW+JPG之後即刻返睇都要等個1-2s，唔夠乾淨俐落lo
2.人像識別好猶豫
建議各位shing唔好開人像識別既AF模式來抓拍，否則到時你拿起臺機，發現距明明框住左塊面，但系就系唔對焦落去唔di一聲然後果個瞬間就錯失左果時，真系會有打爛臺機既衝動。
3.刪除照片既操作太繁
要刪一張相，首先要按刪除鍵，然後按中間鍵選擇刪除單張，然後按左邊鍵選擇是，然後再按中間鍵刪除。一共要按4次，3個唔同既鍵。系N家轉過來習慣雙擊刪除既小弟表示好大壓力（不過好似其他系既都有呢個問題lo）
4.C模式既任何改動都要系菜單度保存為自定義模式C-x先會生效，否則重啟之後就會變返原本甘，感覺比較煩。不過可能有D shing會中意甘樣。
5.苛刻D講，個快門時滯因為要關左之後先開，所以仲系有一D慢，有時抓拍果時感覺到。

因為一直系中意影snapshot同埋人文，自己臺D90kit殺傷力太大，穿街過巷有壓力，舉起相機對人人地都想避開你甘，所以就有心想轉臺單電玩下。主要考慮就系NEX或者4/3，剛好frd有GX1+14mm+14-42mm就問距拿來用左個星期，期間大概影左1000+張。
拿上手就感覺呢臺系好機，握持感雖然比唔上D90但系一般亂揸都唔會想跌甘。單手握持好好，雖然尾指無著落，不過基本單手操作果時唔會想跌。第一晚拿距來拍夜景，NR無開啟既情況下，一般快門幾耐處理就系80%時間左近，算好快咯。全程M模式亦唔覺得個設置之類既問題。
之後果日好好天，出去影綠葉，用多區測光+曝光補償基本無問題，但系發現個點測光測光點範圍較大，面對一D大反差既小區域，會測得唔準，變得好暗。所以亦都系呢一點，後面影人像果時我都系以M為主，因為比較逆光測光既場景，分區測光會跳動較大。照片樣式開左標準鮮豔度+1已經好鮮豔，白平衡還是日光。so，建議平日使用標準就已足夠，未能掌握其脾氣果時應該加影RW2。
最後兩日同frd出去沙面影相，果時就系個寫卡速度將我同frd搞到無曬脾氣，而且未寫完連拍既咁多張距系唔會俾你播放查看個。然後就系唔知可能之前開左個AF模式系人像，所以有D好好既表情因為前述原因捉唔到，後來開返23點AF就好好多，快門時滯都系極少情況下先感覺到。
總體來講，呢臺系一台細小但系功能強大易用既機。系GX1度我感覺到P家對攝影玩家比一般家庭用家更多既訴求既回應，無論系自定模式既數量，功能既可調節度，快捷鍵既數量同自由度，都十分既追求極致。雖然對比單反，性能上仲系有硬傷，但系考慮到體積同感光元件尺寸，甘樣個效果已經好OK，作為一個攝影玩家，我覺得完全夠用咯。
（行文較長，THX for Reading）

＊呢部機可以係「操控性」同「自動化」間取得平衡：一按ａｕｔｏ，一按錄影，甚少錯失抓拍時機；但同時又多制用，ＩＳＯ、ＷＢ、對焦、ＭＦ／ＡＦ再加兩個自訂按鍵，一應俱全。ＱＭＥＮＵ可以自選要用既功能，非常方便。

＊機頂轉盤（ＭＳＡＰ）回歸，歡迎！唔太欣賞Ｓｏｎｙ既電子轉盤方式，轉ｍｏｄｅ時ｍｅｎｕ遮住了景觀，始終係呢種轉盤簡單方便。

＊熱靴回歸，可加外閃或觀景器。有師兄會覺得無內置觀景器係缺點，又要加錢又唔方便，尤其依家ｎｅｘ７、ｅｍ５等都有。但我覺得要睇個人習慣，我就比較喜歡用外置，因為進可攻退可守，換長炮／猛太陽時就加，平時袋身／抓拍／用１４ｍｍ就唔加，可以因應需要使用。而且外置觀景器可以調較９０度，映星星／月亮／塔頂等高處，又或者依家花展跪地映花就大派用場。

＊Ａｕｔｏ有兩種，ｉＡ及ｉＡ＋。ｉＡ＋可以係Ａｕｔｏ既情況下調較１）景深、２）ＥＶ、３）對焦點、４）色溫，比起一講自動就必需全部自動既無反好好多。

＊Ｔｏｕｃｈｓｃｒｅｅｎ，方便選擇主體，一按對焦。不過要留意只有ＥＰ３才有「一按即拍」，ＧＸ１或Ｏ記本身的ＥＰＬ３／ＥＰＭ１或Ｓｏｎｙ既ｎｅｘ５ｎ都要按主體＋按快門／虛擬鍵（即係禁兩次）先映到相。部機好處係可以控制對焦框框大細（由大格仔到一點），又可以對焦到邊位（但好少咁構圖）；壞處係用觀景器時用不著ｔｏｕｃｈｓｃｒｅｅｎ，要一下一下慢慢按上下左右選對焦點，比起單反用開既ｇｒｉｄ麻煩！

＊調教景深及ＥＶ等有實時顯示，可以一邊睇一邊較要幾淺既景深，睇岩先再映，方便。但要留意ＥＶ有時失準，映出來會比預視時ｕｎｄｅｒ／ｏｖｅｒ左，景深就無問題，要八角有八角，要圓點出圓點！

＊內閃方便又可跳燈，ＧＮ唔低，但要留意ａｕｔｏ時不能調較閃光燈強度（要學下Ｃ記同Ｏ記啦！），加上用閃時測光唔準（試哂３種測光模式，中央測光較準確），映人象經常慘白！解決方法：１）用ａ　ｍｏｄｅ，先將內閃較低兩格，映一兩張試試光再決定；２）如果硬要用ａｕｔｏ，咁唯有自己或主體行前行後就光度；３）如果用外閃，一定要揀有得較ｅｖ既外閃！如果買ｐａｎａ原廠細閃呢種，用落你會後悔。

＊手感比ＧＦ２／ＧＦ３、Ｏ記既ＥＰＭ１、ＥＰＬ３、Ｎ記既１系（未加ｇｒｉｐ）好，仿皮唔會吸汗變臭又唔會ｓｉｎ手，可以單手拍，機身硬淨。

＊有師兄反映ｓｃｒｅｅｎ敏感度不足，我都認為可以改善一下。但要留意「力度感應」都係佢既好處：避免誤觸螢幕而改變ｓｅｔｔｉｎｇｓ／對焦點（用過ｍｏｎ太大、無位渣機身既ｄｃ仔就會明白），因為一按就＝選擇對焦主體，什至如ＥＰ３等一按就＝拍，太敏感未必係好事。但要留意，睇相放大縮細或選幾張相ＤＥＬ時都幾辛苦，前者可以用右上角轉盤，後者唯有用下力禁了…

＊鏡頭多選擇，但無機身防震稍為遜色。始終有的話，唔用可以關；無就係咁了！用ＯＭ鏡，１２ｍｍ、４５ｍｍ等大光圈可以快門補救，光圈細ｄ就真係卻步了。比起ＯＭ機可以放心用哂兩家鏡，ＧＸ１無太多選擇，但仍然比ＳｏｎｙＥ、三叔齊全。

＊除塵功能有用，試過幾次沾塵，壓縮氣都吹唔走，用機自己震兩次就清左。

＊發色偏淡，尤其低光情況要特別留意。我自己就長用「鮮明」（ＶＩＶＤ）再加一級ｓａｔｕｒａｔｉｏｎ，顏色同ａｕｔｏ／ｓｔａｎｄａｒｄ會有明顯分別，尤其映花既時候會特別明顯。建議新買入既師兄，用同一畫面試哂７個模式，入電腦睇睇分別，再微調各模式既對比度、ｓａｔｕｒａｔｉｏｎ等等配合自己要求。

＊捽相捽得太勁，高ｉｓｏ出ｒａｗ慘不忍睹，跟機既軟體又垃圾。雖然ｎｅｘ７真係貴一倍有多，但係ｉｓｏ１６００＆３２００比ＧＸ１好太多，ＧＸ１係連ｎｅｘ５既ＮＲ都未追到。本以為ｓｅｎｓｏｒ問題，但用過ＥＰ３又唔見咁嚴重ｎｏｉｓｅ（但要留意ＥＰ３發色又無ＧＸ１咁好，真係比佢兩間廠玩死），雖然比ＧＦ１時代進步了不少了。建議ｉｓｏ低時（日光日白猛太陽，或者玩曝光）將ＮＲ較到－１或－２。如果要用ｉｓｏ８００以上就要較高ＮＲ（０，什至係＋１＋２），犧牲ｄｅｔａｉｌ黎減少ｎｏｉｓｅ了…

＊無防塵防水滴。但有又點？機防鏡不防，除左ｅｍ５ｋｉｔ鏡有防塵防水滴，其他鏡唔通放防潮箱？始終都要做埋鏡先有用。唉。

＊其實如果映風景、近鏡、人象等，ｍ４／３永遠唔會夠ａｐｓｃ無反玩。ｓｅｎｓｏｒ比你大亦比你強，呢個係事實。就算用左２５奶，發色同ｎｅｘ５＋菜始終有一段距離（當然價錢亦有一段距離＝＿＝）。

＊反而我覺得細ｓｅｎｓｏｒ，最大既潛力就係玩ｔｅｌｅ，因為鏡可以做細好多，１００３００同４５１７５就係好例子，ＧＸ１加呢兩枝鏡都對焦好快，＄８０００內機＋鏡可以去到６００ｍｍ，質素又比ｄｃ仔好。

＊ＧＸ１都算係一部好機。但面對ａｐｓｃ無反既強大競爭，ｐａｎａ唔應該再食老本了！４６０ｋ螢幕、顏色依舊偏淡、ｗｂ依舊唔準，內閃什至比ＧＦ時代慘白多，想點？希望下一部可以做得好ｄ，尤其ＮＲ＆ＷＢ。對焦速度就夠快了，感激＝］

＊四千幾蚊貨仔（齋ＢＯＤＹ），算係交足功課啦！

－外觀耐看，設計帶有傳統經典之餘又有現代感（主觀口味）
－機身質感強，結構紮實，握手手感一流
－於輕便及操作性及擴展性取得良好平衡，既輕便小巧亦不會過度奄割性能及硬件擴展性
－日本制造（依家市場上已經買少見少，更顯珍貴呀所以覺得）
－對焦極快（尤其配合X鏡）
－操作性良好，實體fn及虛擬fn鍵整合出色，好快可以得心應手
－成像質素、顏色表現優良
－ISO去到1600表現尚算穩定可用，1200以下絕對OK
－善用IR銳化及智能動態會有意想不到效果，應該是受惠於第三代維納斯引擎
－電子水平儀再加井字構圖線，傻瓜如我亦可以輕易構圖
－P記鏡頭群完善(應該話成個m4/3加埋真係咩焦段鏡頭都齊咁滯，所以此優點適用於全m4/3)

－無反芒
－個芒解像度低，重係46萬像有無搞錯?
－touch芒唔夠靈敏
－觀景器要外買都唔緊要，但咁細件規格又唔係特強，重要收咁貴有無搞錯？
－無防水防漏滴
－好唔慣無ISO 100比我揀，我買慣ISO 100菲林....
－未更新firmware時，無論對焦，測光及自動白平衡都怪怪的，當然update左之後無事，但firmware要自己up其實都幾煩，又要自己上網搵來搵去
（註：真係一定要up，up左穩定性大增，尤其X鏡用戶，對焦成功率大大增加，之前鏡同機身firmware唔夾好似鬼上身咁）
－X鏡得手動zoom都唔緊要，我玩慣DV覺得幾親切，尤其錄影時一流，但個MF對焦制真係不敢恭維，用到好勞氣索性轉番自動對焦算數
（當然呢個只係X鏡唯一缺點，始終X鏡個人覺得設計得好成功，將m4/3便攜性帶入一個新紀元）

自讀書時代被迫買左部單鏡菲林機canon EOS 500後，完全無掂過攝影，之後兩部都係傻瓜DC，對上果部係LX-2，用左六年，無論耐用程度，售後服務都打左一支強心針，用左六年依然性能良好
另外同時亦係P記DV用家，對P記產品操作同保養都頗有好感，見到GX-1無論拍片同影相都好似質素唔錯，尤其X鏡操作，對我呢ｄ玩開DV o既人黎講感覺十分親切，
便產生想將DV及DC一體化的念頭，邊個唔想輕便D丫係咪？在價格預算及各方面平衡考慮之後GX-1似乎係最好o既選擇，用左個半月，覺得無選擇錯，對於我呢ｄ喜歡抓拍人仕黎講，呢件真係恩物..質量與便利兼顧，可以日日都帶響身o既口袋機...

對焦快(準唔準另計)，操控極方便，絕對可滿足用手動操作光圈快門，iso，的用家，
尤其調校色溫，可自選k數值及色調，好方便。

用了單點對焦，晚上拍照經常失焦(於一般街道的光線)
不可接受

適合大部分用家使用，很多用家將此觸控屏與i phone比較…
這是一般用家不懂操作，兩種不同的屏幕，一個是用指甲操控，
一個是指肉操控，不可掉轉。

GX1給我的感覺就是↓它是我十多年期盼的貼身機，影像細緻，顏色鮮艷，夜攝相片一流，特別是拍攝1920x1080高清影片，比我的SONY HDV婚禮攝錄機還好！現我幾乎每天都把GX1放在公事包內。

暫時未有

我玩攝影20多年，玩過Nikon FM2、D700、又玩過EOS5D等，鏡頭一大堆，長短火都有，一直以來感覺得一個字！重。特別是去旅行，根本沒有樂趣可言。
過年前賣了手頭上Nikon所有機身及鏡頭，再買入了GX1、14-42mm、DMW-LVF2 電子觀景器、45mm 1.8人像鏡、45mm 微距鏡、100-300mm遠攝鏡、柔光箱、日清閃光燈等。
我總部上司在得知我換系統後也於第3天將Nilon系統全賣了，轉而購入GX1連3支鏡。另有一個女同事也購入了GX1套裝機。