高像數全幅面
iso高不用閃嬁
手持好

二手都貴

好用

很多ching已說過，在此不多說了

很多ching已說過，在此不多說了

我是由7D升級上來的，先說一下對焦吧！論對焦點，7D當然無得比，但若論對焦速度則不相伯仲，可能mark3會快一點，但不會爭好遠，亦不會太察覺得到，始終7D係一部速度型相機。若論畫質，相信唔使我講都會知道係天淵之別，不是說7D差，只是mark3太好罷了。這沒什麼好說。操作或操控上，二機亦相似，都屬於易用，選項功能亦見user friendly。而重量上，對我而言分別不大，因二機小弟都係用直倒再加閃，已習慣了那重量，所以沒什麼影響。
說了那麼多，其實都係好多ching說過的，我只想說mark3係一部好好用的相機，我也在6D與mark3之間掙扎很久，我的意見是若要影小朋友的話，就那種不可能企定定給你影小朋友，mark3真的是首選。雖然很多ching說器材只是輔助，重要的是技術，對的，但不要忘記，凡是都會有極限，mark3能比你的，6D絕對給不了，否則出mark3來幹麼？
我的結論係如影會動的人和物，且速度較快及不規則的話，mark3就岩用。但若被攝的是較靜止的話，則6D已足了！

人地講曬

我14年5月買機部機返呢都係漏光，CANON你想點？
2年後都係咁

配SIGMA ART 35 1.4對焦有D慢，之前用60D好快好爽
5知點解

PS：5D3會detect到副廠電，會問你會5會繼續用
似乎有D多餘

1)Full-Frame
2)1DX 61點對焦系統
3)100% View Finder
4)1CF+1SD雙卡設計,可以多種配搭~(現時我的配搭是90MB/S UDMA6 64GB (CF)+CLASS 10 32GB (WIFI SD)
5)61點對焦/中焦好快,比較之前的550D(9點)/7D(19點)/1DMIV(45點),於本人來說簡直是飛躍進步!!!
6)靜音模式 3FPS在要求比較安靜的環境或不想嘈到目標幾好用,在婚攝有攝錄影片時亦防止收音咪收埋拍攝之快門聲.(呢點對婚攝好緊要!!)
7)價格回落令此機BODY價顯得抵買(拆KIT裝$18XXX有找)
8)作為搵食1DX副機,或平時旅行不想攜1DX但又想好質素來說,5DIII是不二之選!!
9)C1,C2,C3自訂功能模式勁好用~!!

1)原廠直倒價格勁貴($21XX),我是用副廠的($330),6倍多價格差.我用落按鈕感覺/功能/手感/重心分佈同原廠沒大分別.
2)反光板箱堅持不用金屬物料製作.官方聲稱用新物料更耐用.要時間同拍攝數量去考驗是否堅料定老吹了~(我個人感覺要同1仔系列作出分界)
3)新的表面物料好像不及以前耐用,很容易弄花.
4)RATE分級按鈕唔可以設定成其他功能.(希望日後可升級FIRMWARE解決問題)
5)如果用USB 3.0便更好.
6)如果有埋6D的內置GPS以及WIFI功能更好!!

小弟攝影年資淺(10年左右),以下只是本人用後感,不喜勿插.

本人約65%拍攝家庭,女朋友,小朋友多,20%拍攝婚攝,15%拍攝野鳥

由550D~7D~1DMIV~最初都幾滿意1D4.但太重,加上開始常拍攝婚攝1D4 ISO於3200打後比較質素下降,令自己心中始終想上FF.
由今年1月已經上網刨文加去SHOWROOM試用.
最終買了5DIII以及1DX二部機回來
同1D4比~5DIII只是連拍數量,以及1系才有的對焦連動測光功能/金屬反光鏡箱不及1D4,但在Digital 5+晶片加持下,5DIII在ISO處理能力,對焦.機身功能,後製以及HDR能力全面反勝1D4.
現在同1DX一起作搵食雙刀流,以及休閒輕鬆拍攝,5DIII都給予本人極佳體驗!!
快樂攝影中~!!!

(利申現有裝備):
CANON EOS-1DX (DSLR)
CANON EOS-5DIII (DSLR)
Speedlite 580EX II
Speedlite 270EX II
EF 40mm f/2.8 STM(LEN)
EF 50mm f/1.4 USM(LEN)
EF 85mm f/1.8 USM(LEN)
EF 100mm f/2.8L Macro IS USM (LEN)
EF 16-35mm f/2.8L II USM (LEN)
EF 24-105mm f/4 IS/USM (LEN)
Extender EF 2.0x III
EF 70-200mm f2.8LII IS USM (LEN)
EF 300mm f/2.8 L IS II USM (LEN)

最後我有一伴我十年的攝影左右銘給大家分享:
基本攝影功必須打好根基,才能駕馭好的器材
吾係器材好就一定影到靚相, 但是好既器材更能助你捕捉最美的一刻.
謝謝各位!!

一、61點對焦、對焦模式選擇多、對焦快而準
二、連拍速度快，照片質素穩定
三、操作簡易方便
四、Full-frame 畫質有保證
五、色彩自然、成像銳利
六、機身堅固紮實

一、稍重
二、沒有內置閃燈
三、對焦點範圍好像較集中於中間位置，左右分布不夠闊

早前租用EOS 5D Mark III配70-200 mm f/2.8L IS II USM為朋友拍攝演出劇照，效果喜出望外。在拍攝複雜多變的身段、動作時，充分發揮61點對焦和單點、分段、分區對焦模式的效用，對焦快而準，有助捕捉舞臺上精彩的一瞬。曾試過在一幕升堂審案的戲中，把對焦點隨著官員與嫌犯說話而不停轉換，如今把照片連在一起當連環圖看，可表現一問一答的戲劇張力。又試過連拍多張揮舞長袖的身段，把長袖在空中猶如靈蛇翻滾的一刻凝住，盡顯演員身段的優美和動感，全賴此機對焦快、操作容易的特點才辦得到。
機身沒錯較重，長時間舉機的確有點辛苦，尤其是配上70-200 mm f/2.8L IS II USM鏡皇，就像扛著一袋白米，半晚下來兩臂不免酸軟。猶幸第二天已習慣，拍到好照片的滿足感也足以抵償了。
不過，這次拍劇照時，發覺對焦點似乎集中於中間區域，有時想捕捉演員一左一右的對立氣氛，可惜對焦點分布不夠闊，要等他們走近一些才勉強拍到，但感覺已有分別了。另外，沒有內置閃燈的確稍有不便。有一天臨時要到另一地方拍攝活動照片，但當地燈光奇暗，即使推高了ISO和配備2.8光圈的鏡頭也只能勉強應付。
我本來用EOS 60D，拍攝一般風景和旅行照相當滿意，但拍劇照始終稍有不逮。不是拍不到，而是質素始終稍遜。租用5D Mark III後，終於見識到full-frame相機的威力，畫質果然不可同日而語。對焦點和對焦模式選擇多，對創新構圖幫助甚大；快速連拍和對焦，對捕捉舞臺上稍縱即逝的一剎那更形重要。如有更多機會拍攝劇照的話，我會認真考慮購置一部5D Mark III。對於照片質素有要求、喜歡拍攝動態照片（如舞臺劇照、運動、雀鳥生態等）的朋友來說，相信這部機不會令大家失望。

雜訊少！ISO 6400除noise標準直出可用，甚至12800只需簡單處理即可用，同以前部60D一但過1600唔做後製除noise完全唔見得人冇得比。
測光好左好多！以前一但影夜景用評價測光，系統一定會將畫面較到鬼咁光，搞到光位爆哂，但而家系統識分影夜景，唔會再有爆死既問題，評價測光可靠左好多。
寧靜快門不單快門聲細，抓拍對像會聽唔到（試過係麵包店近距離影人，對方完全冇反應，換左一般快門保證轉頭啤我），更重要係反光板輕左好多，提升手持既成功率。
電子對焦屏，有埋分格線同電子水平儀，方便好多。
操作鍵多左好多，表面好似複雜左，但用慣就會發現比以前方便好多。
全機防塵防滴！旅行好重要。
100%觀景器，睇幾多影幾多。

重！要全防塵防滴又要防撞，冇計。
SD咭唔支援UHS1，比較慢。
分級鍵唔可以設定成其他功能，只有保護同分級，如果可以設定其他功能會更正。
設定好複雜，搵到頭都暈。
冇內建閃燈，唔好講笑，有時補下光內閃都有佢既用途。
冇70D既反芒，但依個係無理要求。
唔係USB3連接線，想快過相都係要拔咭再插咭reader。

出左接近兩年，其實乜都俾其他師兄試哂出黎，所以我只講我既感想。
三年前買60D而唔買7D其中一個冇講出黎既原因係日後升到全片幅冇咁肉痛，如果當時係7D而家就會考慮等7D2。不過部60D半送半借左俾個妹，有時都可以問佢借黎做後備機，冇浪費。
5D3相比起對家既3600萬像素，2230萬似乎少左尐，但其實已經足以應付雜誌跨頁海報，要影報紙頭條，雜誌封面卓卓有餘，推上3600萬像素係殺哂，但雜訊既控制就會比較差，而且除左商品攝影之外有幾可需要玩到3600萬？當你真係要商業攝影，都係儲多筆錢買部中片幅如645D比較實際。
重量中於我用24-70　F4又或者40mm餅鏡，所以重量可以接受，防塵防滴係我捨6D要5D3既重要理由，以前覺得60D既有限度防塵已經好夠用，但自從去完北京，番黎拆鏡頭見到個金屬接環有一層砂之後，我唔敢再挑戰60D又或者同級防塵既6D依方面既本事，有可能去強国攝影相機必需肯定防塵。
寧靜快門對手持攝影好重要，配合IS成功率高左好多，可用ISO夠高亦減少拿三腳架到處走既需要。
畫質提升左當然好重要，雖然只係比上代高左少少，但新技術既CMOS令畫質好左唔少。
新既對焦系統由於少影動態野所以未試到佢既威力。

老實既，如果只想平玩全片幅，又唔會拿黎上山下海去強国食沙，6D已經好夠，雖然樣樣都差少少，但真係少少，例如多重曝光少幾張之類，又或者finder唔係100%，但正常攝影已經好夠，更唔好講因為像素少左200萬，所以高ISO甚至會比5D3好少少。
但如果係拿黎旅行，仲要去環境幾惡劣既地方，又或者打雀需要連拍但又買唔起1DX既話，5D3既強勁性能令你安心好多。
因為真係差幾千銀，夠買一支紅鏡，所以無必需硬逼自己上5D3。我都考慮左好耐至決定，主要係想起60D去完北京番黎之後食哂塵既樣－好運唔會有咁多次。

-對焦迅速, 即使我在用50 1.8
-造工紮實
-景深預覽鍵在右手邊

-暗位對焦好慢, 甚至對吾到
-重

至09年4月份入手450D後, 一直以來都很稱職, 用了4年一直都很健壯, 唯獨高ISO處理不是很滿意, 且處理速度較慢.
今年我的姪女出生了, 由於經常在我家出現, 她還未出生我已經很想為她拍攝很多照片作紀錄了. 由於我家燈光較暗, 我經常把ISO推至1600, 光圈推至2.8才能獲得1/30秒的快門速度, 對於表情多的嬰兒確實顯得力不從心. 今年7月2日, 我下定決心, 忍痛購入5D MARK III的機身, 本應打算購入套裝連24-105的. 但要加付5400元才能達成, 對我來說壓力太大了. 想想家裡已有50 1.8, 福倫達40 2及百微, 我想暫時沒有入手鏡頭的需要. 皆因我現在只是一心一意拍攝姪女. 讓她年長一點, 能一起出門旅遊時才補一支廣角吧!
至從入手以來, 已為姪女拍了數百張照片了. 對機器的操控也越來越熟識了. 我最喜歡它的靜音快門, 我現在只用靜連拍, 需要也有一點聲音, 但還可接受. 另一點我喜歡的是它的明亮觀景窗, 我用手動對焦很方便. 而它也把景深預覽鍵放在右手邊, 實在方便極了, 我有時只用單手操控, 按下預覽鍵便能調整光圈.
5D MARK III的高ISO畫質確實比450D有超級大進步, 我在家經常把ISO調至6400~12800來取得較快快門速度.
唯一有投訴的地方便是它的暗位對焦表現, 在稍暗的地方對焦較慢, 再暗一點就沒法對焦的, 這是我購買前未有預料的, 雖然在試機時也有發現, 但心想未進一步使用不能確實. 使用了數月, 我終於確實了(或許是我的50 1.8本來暗位對焦就是慢). 不過不打緊, 不能對焦就用MF或開LIVEVIEW.
5DMIII給我很明顯的升級感覺. 對比450D, 唯一要輸的就是低ISO, 即ISO 100情況下, 450D的RAW檔用RIT去轉檔畫質確實比5DMIII的ISO100還要好, 高光細節是5DMIII不能比擬的.

高iso，對焦快，2230萬像素好用,連拍速度也不錯！

不到一周出現了故障，對不了焦，內部還有出油情況，本是工作用機誰知道直接送廠大修，兩萬多的機五天報廢，WTF~

不到一周出現了故障，對不了焦，內部還有出油情況，本是工作用機，誰知道直接送廠大修，兩萬多的機五天報廢，WTF~

-機身依人体力學設計,質感唔錯。手抦的手握位置及操作按鈕非常舒服。
-操作鍵排列得一目了然,"Q速控按鈕"快捷方便。
-2230萬像素非常適中,兼顧了影像質素外,亦有不錯的連拍速度。
-有HDR可供使用。
-夜間拍攝,用高ISO能保持低雜訊,
-Sharp得嚟色彩自然,畫質出色。
-Canon 的品質控制出色。

想不到有什麼缺點,只係在鷄蛋裡挑骨頭。只係覺得在放大張相作檢視時,要分別按3不同個鈕,有稍少唔方便。此外,若能在"照片風格"上,再加入"鮮艷模式"就更正!

我本身是Nikon的單反用家,因新買只用了兩個月的NikonD600出現內部甩油,經過多次修理仍無法修好(Nikon今期的產品好唔掂,且CS職員的態度又唔好),因而感到懊惱！有一天忽然行入相機店,剛巧Canon 5D MK3正在推出暑期優惠套裝(送Canon相機袋、EF 40mm f/2.8餅乾鏡及Canon T-shirt)，於是便約埋朋友幫手試機。那天我們以EF 50mm f1.4作測試,由我朋友作Model,用5D MK3拍出來的人像照,膚色自然,白裡透紅,估唔到用一支平價的鏡頭也收貨有餘,事前有一位朋友告訴我: 「Canon啲色點唔好,又泥灰色,對焦又慢,只係影人像得個靚字,影風景又點樣唔掂呀!」,我自己只相信事實吧!在我手上的5D MK3並沒有他口中所講的問題,經過和朋友一起分析,我們有以下結論:

1) 該人兄所用的Canon相機是入門級機種及低階鏡頭。
2)他在拍攝時,沒有用適當的setting(舉例:"照片風格"上只用上"標準",沒有改用"風景模式",所以,出來的效果才強差人意。
3)相機或鏡頭出現走焦,沒有回廠校正。

於是立刻付錢(我買的是EF 24-70mm F/4 L IS USM kit set,額外再加EF 50mm f/1.4 lens),回家充電試用,在開啓相機後,覺得Canon的操作介面非常易上手,基本上不用看說明書已能熟練地操作,這是我第一次使用Canon的單反,感覺非常良好。在接上Kit Lens後,便往公園拍攝了不少綠色植物及紅色的花朵,包括遊樂場設施,藍天及小孩玩耍等。結果,非常滿意!顏色鮮艷,又不會太濃。綠色植物,顏色非常接近原物。此外,我覺得Canon今次以24-70 f/4 or 24-105 f/4作為Kit Lens比對手Nikon更有誠意,加上Canon產品品質穩定及良好的售好服務,這都是令我有驚喜的地方。希望Canon有一天會推出「無反、全片幅」啦!(又輕便,既擁有單反的速度,又有全片幅的優勢)相信到時一定是我們用家之福!

ISO上萬都可以接受
手感
其實好多人都有講過佢D優點
不過優唔優點係睇你點比較, 你同細機比,除左重量,都一定贏
同1系比實輕D, 但輸好多野
物有所值
同N記S記比我又冇用過...SORRY

重...由500D 上5D3真係天壤之別.....重過6D...
貴.....而家都平左DD
冇WIFI(我唔MIND)
冇內閃(正常大機都冇...)
唔支援舊一代閃光燈 飛燈..(580)
搞到我都用唔到....又冇理由賣左支580上600 (雖然諗過...)

之前用緊500D, ISO 唔夠,最多都係1600....(已經好多粒粒)
即係玩得快門同光圈, 快門..唔用腳架你平時影人可以幾慢? 我最多咪就係安全快門低一兩級...即係得番光圈....即係鏡問題...
加上有次部500D唔知做乜係咁有ERROR.. 整完都覺得終有一日玩完....的起心肝上FF, 我知又要換晒D鏡之類. 但可以玩耐D.
我買果陣岩岩出6D, 但我係果D追求畫質多於WIFI 或者新野, 5D3 同6D都 WITHIN BUDGET, 不過都冇乜點諗就上5D3, (後來有D後悔)
我知之前有D咩漏光問題, 我都有試, 換完5D3就已經去EXCHANGE
影到而家, LEE半年, 除左因為佢好重令我覺得好支力好辛苦, 都冇乜大問題
貴都真係幾貴
但我又覺得值
起碼用到我第時返工都係用緊LEE部(冇必要上1系[更重,更貴....])
我又唔係做記者/開STUDIO
ISO真係一流, 可能暗位對焦比6D 差(可能)
冇WIFI又唔係太大問題, 即係好似你去到外國TRAVEL 都未必有WIFI
我又唔覺得用手機控制好吸引...用手機我不如用埋佢影...仲輕
有人話電量有問題,我就俾人FAKE左去買左個直倒...最後好重都冇乜用...唔用都算幾好拎

自己第1次出POST唔係博咩認同, 唔係博你讚, 只係想分享一個影左幾年相既學生心入面既睇法同用後感而已