Canon EOS 5D Mark III

評測報告

實拍照片

- 相片質素好
- 高iso 相片仍可用。我個人覺得如果唔放大iso25600 仍見得人...
- 終於有雙重暴光
- HRD 好用

- 貴
- 重
- 冇內閃

一直想由40D轉5D，5DMII 無轉！終於等到MK3入貨。 真係比40D高幾班...
用來影小朋友得心應手 ，就算推高個快門，都唔怕唔夠光！因ISO 個RANGE 可以去到好闊！
都係個句：最買早享受。

其它師兄己講

不重復

有一樣我覺得係好神奇0既0野想同大家分亨，就係當用對焦點影動物園裡邊籠中0既動物個陣，巨竟然能夠忽略前面鐵絲網而影到後邊既動物而且十分清楚。可能係高手會覺得不足為奇，但係對於初戀相機0既我來講係十分之驚嘆，我玩左7D2年而7D只能忽略5一7成，始終係可以見到個網，但係5D3影出來既籠入邊既老虎就好似企係你面前甘，因為個籠唔見哂呀!

1) 1DX嘅對焦系統, 快! 準!
2) ISO 6400同5D2嘅iso1600差唔多, 大大提升使用範圍, iso12800不放大其實都ok!~
3) 新增多重曝光同HDR, 易用好玩, 如果有埋PANO.仲正
4) 很有NIKON機身感覺, 爽快!

1) 售價令人卻步
2) 未有內建離機引閃, 頗意外!
3) 直倒約$2480, .....貴!!!!!!!!!!!
4) 重量不跌反升, 個人覺得5D2外型靚仔d

由5D2 "upgrade"上嚟第一個感覺係爽快咗好多, 首先係對焦系統, 其次係快門, 另外比較少用嘅連拍都快咗好多, 而我最關心嘅ISO控制, 5D3沒有誇張地提升機身解像度加上新cmos同ditigal V嘅強化, 機身直出jepg iso6400係可接受範圍, 比5D2 iso 1600係差唔多, iso控制有很大進步, 不過RAW檔o係電腦睇就冇咁大差距...

$27480抵唔抵俾? 我咁諗5D3o係畫質方面其實同5D2係唔差太遠, 大約有15%進步, 如果係影一般家庭照, 人像, 其實唔必需上5D3, 相反從事婚宴搵食嘅影師或需要更爽快感覺嘅朋友, 可以話係必買, 因為你會影得更得心應手, 提升靚相成功率! 而用緊或諗緊 5D2+7D或者1D4嘅朋友, 我相信5D3係更加吸引!

現今電子產品cycle很短暫, 5D依個少少highend嘅系列三幾年先轉款, 有心upgrade倒不如早買早享受, 經濟情況許可盡對有新買新... 我好好彩老婆知我成日心思思買5D3, 所以一出已批准我上車!! 在此要特別多謝佢嘅通情達理!!

1）手感好
2）連拍需然唔係全球最快，但一秒6張我覺得夠玩！
3）型仔

1）貴咗D
2）未有直度賣

我加入單反行列差唔多兩年幾，之前因為550D同我阿仔係同一日出世，我又鍾情CANON,所以用到宜家都冇轉牌頭，鏡頭都係SIGMA50-1.4,70-200-2.8OS,10-20-3.5,需然lee幾支鏡都唔錯，但越嚟越發覺個body唔係咁夠用，跟住開始睇其他機身......換7d又好似冇乜用，得個快字，5D2又太慢，結果5D3突然出咗，但聽到個價錢都幾嚇人，跟住都想咗好耐，我老婆突然係結婚12週年送咗支小白2比我，結果我把心一橫，買埋部5D3kit,需然都幾貴，我覺得佢係7D+5D2嘅混合體，超正!!學好多師兄話齋「有買貴，冇買錯」同埋「早買早享受，遲買平幾舊」！！！

比較5D II，新對焦系統提高了對焦速度 +1500
61點對焦對影家中跑來跑去的動物特別有用，亦一改以前只用單點對焦的習慣 +1500
連拍提升至每秒6次，對影運動中的動物很有幫助 +500
View Finder提升到100%，內置的可更改觀景器令整體感覺的確不同 ＋500
可微調的功能多了許多，加強操控 +500
多了可改動的快速鍵，再加強操控 +500
高像素配合靚鏡能後制crop及改構圖
硬性NR後的高ISO直出JPEG的確低NOISE左近兩級，用上25,600無under的話都可以接受 +500
提升至102,400的超高noise高ISO在必要時也有點幫助，不理有冇自動後制，我用35 1.4L的確能在沒有開燈的房間內靠街燈映到睡著的愛貓 +500
雙插卡有很大幫助，唔駛驚delete錯左相或冇卡用 +1000
mon靚左及大左 ＋200
易用了及更靜的靜音快門模式對影動物及documentary十分好用！ +1000
內置HDR 及多重曝光對創意有幫助 ＋200
加強左Live View對焦，快左及有更多參考資訊 +300
拍片易左及順左，多了靜音快速鍵，拍片質素亦見有改進+1000

無內閃而不能機身引閃玩fly燈
加強功能時不能減低重量嗎？很多人因此要看物理治療
沒有內置對焦朝助燈，如有紅外線內置對焦燈會更好，因為那麼高ISO也難以在太暗的地方影相，不過可手動Live View對焦解決
觀景器感覺沒有頂級機種般大，但我沒有真實同場比較過
感覺真的有某些師兄所說，這系列開始有人工化SHARPEN的感覺，失去少少自然感

逐個功能計，整體比5d II多了$9,700的可量度功能，但整體加起來對提升攝影捕捉能力，節省後制時間，加強構圖創意等的整體增值卻難以量度，我是用過D700，5D II的用家而不是研究家，這部機的確是十分不錯及沒有大批評，只是仍然太重，當你配上頂級鏡組及閃光燈用上半天，體力下降時自然沒有精神影相，這是現實的考慮，當然可以靠做jim解決，但可易輕一點就更好了。
對考慮由5D II upgrade的用家，我可以說若你想加強捕提剎那間的光與影，或是更佳的拍片，或是在晚上及暗暗的室內仍能影相以加強你的創意空間，這部機會是不錯的選擇。但對於人像，風景攝影為主的我實在不太建議去upgrade，因為5D II已經相當不錯。

買前我比較了5D II,D700,D800,D4
5D II: 對焦實在較差，沒有以上的優點，難以影好動的小朋友及動物
D7/800:對焦應很好，因為D700也很不錯，但本人不喜歡玩太多執相，而D700及D800偏黃的直出JPEG及以前用D700的人面易爆光經驗也不想再試，而且沒有靜音模式
D4:整體確實會有upgrade，但太貴及太重，同一budget可買多兩支頂級鏡配在5D III上兼輕400g，而且偏黃問題聽聞亦有存在但未確定

這是我浪費了多天時間爬文所得出的結果（我不希望再試了），希望能幫助大家多用時間在學攝影而不是在學相機設計及比較上

對焦準快iso,比之前更加優勝

太重而且未出直倒~~~

比之前使用5d mark 2 對焦準快,而且回彈少。iso比之前更加優勝。