* 相片質素（不是像素）非常高，其他片幅（APS-C, 4/3 等）無法比美
* 機身輕巧（相對其他全片幅單反機）
* 造工優良，防塵防水滴
* 內置閃光燈，補光超方便
* 雙 SD 卡插槽，內置水平儀，非常實用
* 有齊D花巧功能（D-Lighting, Effects, HDR .....），好夠玩
* 感光度廣闊（ISO 50-3200 都可用）

* 自動對焦覆蓋範圍略小，偶有對焦失手
* 又唔係專業機，LCD熒光幕竟然無得轉角度（無得高低抄，不方便）
* 用左無耐sensor 左上方就出現塵粒（網上傳聞因快門設計問題，尚待考證）

用菲林機的朋友，定必明白大片幅的好處（135, 120, 6x4），等了多年，終於等到一部價錢合理、質素優良的全片幅單反機，講功能及級數，D800 或 EOS 5D 當然更好，但價錢又差一截，而 D600 其實功能非常全面，重可以用番我所有舊 AIS 鏡 （1:1 裁放，有光圈先決及輔助對焦，正！），除非要靠佢搵食（要上天下海，又要 1/8000 快門，又要 1 秒 8 格快拍），否則 D600的功能及相片質素絕對能滿足大部份真正『攝影』需要，剩下來就是用家的技術和造詣。

另外一提就是此機的 kit 鏡（24-85mm f/3.5-4.5G ED VR），本人買此機時曾考慮不買 kit 鏡，但參考外地攝影網站的評價評此鏡性價比高，結果連 kit 鏡買下，用後證實此 kit 鏡影像質素良好，VR 好實用，鏡身輕巧，配 D600 去旅行用是絕好組合。

11 月 19 日後補資料關於sensor 左上方的塵粒問題：
著名攝影網站 DPREVIEW 剛發表 D600 測試報告，有分析此問題，各位師兄師姐買機前可以參考參考。
http://www.dpreview.com/reviews/nikon-d600/12

防塵防水滴,有閃燈,不時之雖,白平衡準確,二千幾萬像素夠用, 高ISO 表現不錯,有HD full 1080p 拍片一流
有WIFI.對焦準快!
Full frame入門機已$15100呢講算係可以接受!
用 APS-C 單反轉Full Frame覺得係好正
貨源充足唔會比人炒起

機身太細,本人覺得,大返少少好D,底坐太貴唔值得買,WIFI要另買有D怪怪地,傻瓜機都唔使已經有WIFI,拍片時自動對焦時收到摩打聲,用手動對焦好D,光管」燈下, Auto WB不準1/4000s比較少左d..應該大方d比返1/8000s人地啦..

由NIKON D200專去D600 用後覺得唔錯,反應對焦都好準確,白平衡都好準,MON準確性都好高,試過影相睇MON去調教白平衡,攞出街晒相,晒相師傅話沒雖要加減顏色去調教已經覺得準,好滿意部機!對焦點39 點就太集中係中間,不過我用開一點對焦呢個唔係問題,雙咭係一比用家好好既事,影相時可以分開JEPG & RAW,有時唔可以去用D700 D800 D4機比較既,只係覺得合自己要求已經可以!
比上不足，但比下有餘!

與D700(FF)比較：
﹣ 機身較細及輕
﹣ 對焦反應快少許
﹣ 影相較明亮，色彩自然，接近肉眼所見
﹣ 影相像數較高
﹣ 色溫較準確（在室內及黃燈下）
另外，拍片暢順，色彩濃郁，很美（自動對焦速度不錯）

與D700(FF)比較：
﹣ 對焦點過於集中
﹣ 相片立體感不及D700
﹣ 色彩濃郁度不及D700
﹣ 在日光下，影像會少許偏緣 (Auto WB）
與D7000比較：
﹣ 在正常的Setting下，影像不及D7000的利
﹣ 在室內「光管」燈下, Auto WB不及D7000的準確
盼望可於firmware改進!
關於拍片：（我想這也是D300s, D7000的共通缺點）
﹣拍片時，加了機頂咪，也會收到自動對焦聲
﹣加了機頂咪，只有單聲道
﹣沒有反mon

小弟鑑於看到有用家只試機不足半天就發表劣評，有點對d600的設計者不公，故不得不談談用後感不可！「感覺」必會有主觀成份，但都希望給各有意購買此機的師兄多點略為「客觀」的參考！小弟用過D90, D5100, D300及D700（每部都用多過一個月的時間）而D600的確有「刻意設計」的不足地方，如對焦點過於集中及快門沒有1/8000s等,但以約16k（新機）的身價來說，D600已是不錯的選擇！
總結：如閣下是D300/D300s或D7000的用家，而且以影微距，打雀及風景為主，建議可省回差價，多買一支好鏡頭吧！如是D90，D5100, d300或D700(FF)的師兄，同是以影人為主及須要拍片功能，D600是值得考慮的！小弟未真正用過其他牌子的單反，未能比較！工欲善其事，必先利其器... 不錯的，可是過份追求，就成了玩相機，不是攝影了！（這是毒的所在，我中了！）

- 機身輕
- Full flame
- 白平行好
- 反差控制好

- 39 點比較少
- 快門比較慢
- 價格偏貴

- 我感覺等它趺到$12000 ,就差不多合理,不過Nikon 一定不會被它趺的~~哈哈XD
我個人意見買2 手的D600會比較好,不用蝕太多!!

1) 我用35mm /2 對焦好快，無走焦
2) AWB 好準
3)好輕身，用35mm/2
4)用埋wu-1b 可以即時send 相去電話，ipad,好好用
5)有色彩調控制，正，方便
6)電池足夠一天影幾百張
7)有HD full 1080p 拍片一流
8)快門聲都幾好
9) ISO 6400 都好好，同auto iso 好好用
10)機身都好紮實，唔膠，裝上鏡頭都好實

1)唔係full metal 機身，(可能因為要輕身同平)
2)容易有唔知塵定係脫漆問題出現係cmos 左上角上，希望nikon早日有方案解決
3)1/4000 最快快門，但對我無問題
4)唔可以用cf card, 我有幾張cf card 宜家用唔到
5)wb-1b 唔係太穩定當離開2 米到

我之前用d300, 又用過canon 50D ,都係喜歡nikon 機身紮實同操控方便。現在玩到d600,玩左有一個月多啲，佢機身好輕，反應快，操控好好，fx 機價錢合理，加個wb-1b 又可以send去電話or ipad, 非常正。係一個大決點係容易有唔知塵定係脫漆問題出現係cmos 左上角上，希望nikon早日有方案解決。 這部機對我好滿意，用得好開心。

1.低光環境下與D300比較，簡單D講係冇得比，D300用到iso 1600已經冇晒細節(放大聞相)，相反D600用到iso 6000依然乾淨，細節保留，相信呢個就係像素上同片副上既分野。
2. 好多setting都方便左，如ISO同picture control等巳經可直接操控，都未識用U1 U2設定。改善左D300要禁到好深先打到快門既問題，快門聲音爽快。
3. Mon都靚咗

1. 手柄設計細少，手感不佳，Nikon通病，簡單野就係突登吾做好佢，如果可以好似K7咁，機細手感好就good囉
2. 原廠直倒貴，肯定吾用，買副廠算數
3. Nikon算死草，轉新電，新電又冇咩特別，去電快過D300
4. 吾鐘意Nikon代理，不知所謂，地方細，機少鏡少，慌死人玩蝕，攞野去維修永遠話你用得吾好，吾關佢地M.I.T同M.I.J事，仲要有條黑面佬鬧客，俾面色人睇，仲係未知咩叫客户服務
5. 雖然部機吾錯，不過真心咁講，售價依然偏高

作為D300用家，驚歎竟被D600大幅拋離，始終係FF, 同像素上優勢，明白二手區為何滿佈D300
雖然快拍少左，對焦區域又細左，但我冇蝕左既感覺，相反覺得部機精練咗，始終呢兩點係可以技術上撘救，但畫質就非個人因素所能改變。
提起代理係講多左同有怨氣，不過D600係好機一部。

雙SD卡，好放便，經濟，手感幾好，但千萬唔好買直倒，唔係就無意思...個Wi Fi 好好玩(另買)

D600 個Cmos 感光都ok...但係好似回到用D90年代..裝閃燈同裝靚小小鏡頭都好似裝唔實。老實講 用D700 現有咱一問題就只係用CF卡....太煩同貴，如果你個Card Reader 唔掂跟本發揮唔到CF Card 的傳送速度。 個Body 做功就同D90 同D7000一樣，好唔掂...裝閃燈同裝靚小小鏡頭都好似裝唔實。

D600 個Cmos 感光都ok...但係好似回到用D90年代..裝閃燈同裝靚小小鏡頭都好似裝唔實。 本人用開D700，其實一向都好滿意....只係等左幾年，D800個Spec 一出我都開始有疑問，同一Size Cmos ，但係要3千萬像數，感光就會係大前題(科技四年後唔知)....不要盲目追求像數，經驗教我的，仲要每張相jpg 十幾mb.....Raw 就七十幾一張，見D600 用雙SD卡同有Wi Fi 傳送先買黎玩再放D700 ，但現在我睇我會想清楚先。

手感好 WB準 輕 象數高 有專業感

好學唔好學C記個功能轉換轉盤要按下先轉得 KIT鏡易入塵買前小心

作為单反業餘的玩家,我想每位都希望一嘗擁有一台full frame的滋味!但一看見D800的價格及其重量,心底裡暗嘆一句算吧!但Ｄ600的出現,像是一道柱光從天而降射在我心窩,D600最大的好處是輕身,和我用開D7000差不多,連KIT鏡出街全日都很輕鬆,最初都想換部無反玩吓,貪輕便及相0K!但又覺無手感及買过曬其他鏡都幾咁,最後在Dcfever買下我第1部FF機,加支50mm1.8照人好立体好好色水!正

只是一部普通入門 full frame 機,價錢偏高,唔值得購買.

CMOS 嚴重 入塵 , 清洗完一按快門又入塵,不知塵何處來,買了好後悔!!!!!

像素 2426 適中,機身輕巧, 重量 760g. 內置機身馬達, Full HD 1080p 拍片.
處理器：全片幅2426萬像 CMOS、新的EXPEED 3 影像處理器.
ISO1600 以上可以接受,DX鏡可以用.買了 D-600 是一個錯誤的選擇

象數高，2400,;iso用到1600無咩雜訊，比Olympus OM-D E-M5
來得有立体感，kit鏡戶外也交足功課，隨時做到淺景深。
大前提；本人要求輕便的ff機。故要求不是太高。

暫時未有。

買了d600約20天，可說是d7000的後繼機，輕便、連kit鏡買19x00，
加上支nikon35.2夠哂。
出相立体，平ff機，有短片，2400象數。抵玩。