Sony Cyber-shot DSC-HX50V

-防震勁 (不論拍片或者影相)
-有曝光轉盤，模式轉盤(雖則A900都有，但請繼續聽我娓娓道來)
-拍片對焦能力依然夠快

-廢話嗰啲唔寫，Sensor細，咁細個機身仲想Sensor大嘅話，就買返近期嘅機啦下，話晒呢個都係10-11年前嘅機，仲想要求啲咩呢？
-方向掣有少少難禁，尤其係中間個粒掣，不過用用下就習慣喇，比大家仲想買呢部機嘅人做個參考
-開機，關機略慢

首先，我要講本人只係拍攝小白一名，而且我買呢部機主要For拍片用，如有不足，請多多包涵
因為我手上冇乜機種，亦唔係專業，高手類，所以我會用Nikon Coolpix A900呢啲傻瓜機做比對(手上亦有呢部機)

Nikon Coolpix A900
+影相油畫化冇HX50V咁嚴重
+有4K拍片
+反Mon
-冇手動對焦 (最大敗筆)
-拍片經常out focus (Nikon機通病兼敗筆位)
-螢光幕得98%視野！？(就連新出嘅A1000都係咁！？)

Sony HX50V
+防震勁，拍片時防震更加強
+擺到落褲袋，兩部都擺到，但50V放入Nikon嘅小機袋都仲擺到 (你用明朝嘅劍去斬清朝嘅官? 大誤)
+拍片對焦能力比A900強好多
-影相油畫化比A900更嚴重
-無反Mon (老實咁講，呢點喺我黎講問題不大，因為本人好少玩自拍，不過想用呢部機自拍嘅人要注意)
-影相過後要處理張相處理得有啲慢

講到呢到，我真係想講，Nikon呀Nikon，一部傻瓜機居然連手動對焦都冇，而且對焦都唔係特別勁嘅，冇咁個人唔好戴咁大頂帽喇。
面對住HX50V呢啲10年前嘅機，當我用A900拍片時，有10個目標有成6個都係out fo嘅。相比之下，A900就有啲雞仔啄米圖喇，話晒A900都係喺2016年出嘅，居然比2013年嘅機仲勁過你，What?
總括黎講，雖然A900係一啲都唔適合拍片嘅，但作為傻瓜機影相，都算係唔錯嘅選擇。拍片嘅話，用呢部或者其他更好嘅機喇
多謝大家，如果以上有錯處同令你不舒服嘅，請多多包涵🤝🏻

只講我覺得最重要的優點，其他的唔講了，太多。
1. 24 - 720 + 30倍光學變焦！！我相信係全球最細既30倍變焦相機。
2. 有GPS + WIFI
3. 二千萬像
4. 相片質素比我預期的好
5. 微距都好近，2cm以上無問題
6. 一掃全景！(勁重要)

1. GPS 要在室外才用到，不像手機般咁易使用到。
2. 機相軟件安裝在電腦後，認不到部相機？！唔知係軟件問題定係相機問題…不過我都唔會用軟件過相，影響唔大。
3. 沒有RAW
4. 4:3時，二千萬太大，想減細少少便一下子要降到1千萬像，可唔可以俾我揀，減到1400或1500萬像呢？得！但要改成16:9，唉！
5. 埸景模式中，沒有模型模式。
6. 下載的說明書，內容太少，而且我覺得唔夠詳細，失敗。
7. 沒有四防(我太貪心了…)

目標明確!
想找一部相機去行山，要細、要夠wide、要zoom得遠、要輕、要有一掃全景，但又要有咁上吓質素。
有行過山的都知，如果要攞水又要攞背包，若再攞大機，會死的！因此，這部機啱晒！
看過晒幾個大牌子的相機，只有這部合我以上的條件！
只有Ricoh GR咁大的size，竟可有30倍zoom，焦距仲有24-720，厲害！2cm微距！
如果GR可以造到咁厲害，再貴我都考慮買。
第一次用SONY相機，爬文後發覺好多人話部機影出來的相「油畫化」？！
這是事實！真的！無論ISO幾多，或多或少都有少少油畫化…
但…我又唔會聞相
放大後才油畫化，對我沒問題。
若正正常常地看相，或share出去，啲相其實好靚！就算真有油畫化，出來的都是一幅靚油畫，OK的。唔好用單反去比！買得呢部機就要明白它只是一部snap shot機，唔係用來影poster的。
在百記買機，3千有找，仲送SONY尿袋，計埋信用咭回贈，2千幾便買到，真係好鬼開心。望住佢，又覺得佢幾靚仔，想到這個size內藏咁多功能，仲咁有實力，我開始對SONY有好感！

個曝光轉盤畫質都算ok, 操作易，設定仔細，機細zoom得遠，wifi自拍好方便，電量好，機細但手感算好。

配件貴，如有nfc及touch screen 更好，機仔黎講真係無咩投訴。

本身部機仔壞左，自己有部大機又想有部機仔出下街，呢部機功能好齊，Wi-Fi 好方便，我女皇用過讚不絕口，呢d機最緊要係方便功能多。

外表維持SONY嗰種好華麗既感覺 (自己認為)
有 30X Optical Zoom, 可以Zoom 到好遠 (影到月球表面!)
有 Wi-fi, 可以隨時傳相落自己部電話再後製, 又或者可以用電話控制部相機
有 GPS, 旅行時就唔洗再靠自己記憶記得尐相喺邊度影
相片特效好好玩, 有好多settings 可以較
咁細部既DC仔竟然可以有Hot Shoe 接上另外既配件, 玩法又可以更多
舊電耐用好多, 用左一日都仲有 1/4 電, GOOD!

1/2.3" 感光元件... 都係唔好有咁高期望 (= 睇得到就算)
Hot Shoe 既配件都略貴
光圈都係略細 (3.5)

我上一部相機係 SONY DSC-TX7, 嗰時係為左可以方便影相,一推即開機
好可惜TX7 內置既photo effect 好少, 加上又係傻瓜影相機, 所以要玩專業既始終都唔適合
其實我知SONY 既 消費型相機相片質素唔會好高 (RX 系列除外), 但係我始終都係俾SONY 相機既外型吸引到, 所以我今次揀左呢部作為我既新相機
佢呢部有哂 PASM mode, 可以俾我呢個新手去熟習下玩半專業相機
我之前有諗過買 NEX 系列, 但係一來就貴, 同埋如果只係玩KIT 鏡既不如用返DC好過啦, 所以我最後就取消左呢個念頭..

暫時蒞講仲用得好開心, 所以有咩就再補充啦.

1. Zooooooom 到西班牙聖家大教堂(現時)頂都好清
2. 夜景手持都影到清楚
3. 拍片時可以Zoom, 聲音好清
4. 可以用iphone遙控拍照
5. 一掃全景

1. 佢個樣..俾我妹話佢好「薯」....(我不介意)

本身想拿單反去歐洲, 不過要照顧家人, 行李, 實在不能加大負擔, 所以決定用傻瓜機。剛好見SONY 廣告, Sony Cyber-shot DSC-HX50V 話可以Zoom到好遠, 所以即買, 第二日就上機啦。

1.操控簡單，什麼人都識用
2.防震出色
3.30x超長焦，zoom盡防震都可以

1.沒外置充電器
2.外壳很膠
3.開機關機比較慢

到了這一代，wifi及remote功能已成熟，很實用。作為一台全能傻瓜機非常稱職。
照片在電腦看有點散，但在手機或8吋pad看就很好。