Canon EOS 70D

評測報告

實拍照片

對焦好快, 好狠, 好準
重量適中, 加埋直倒兩電我都仲接受到
三種對焦模式好實用
反MON好實用
就算唔用直倒, 舊電都好噤用

not FF

若干年前, APSC機係主流, FF機只係可以遠觀
今時今日, 入門FF機, 已經相當親民
買70D變成人生之中, 其中一樣最爭扎既事情
70D定6D? 6D 定 5D3?
買70D既人, 好多人都會爭扎係咪應該"上"6D
但用過70D既爽快, 加上佢完善既對焦系統
佢基本上係完勝6D,
6D 只係羸在FF, 中央暗位-3EV
70D, 要比, 只能同5D3去比,
但5D3真係唔係果杯茶,
佢既重量, 我真係接受唔到,
用完70D, 再玩5D3, 你會發覺 touch screen 原來好重要.
仲有就係, 5D3 既重量, 會令我減低影相興趣.

古語有云, 一係就攻頂, 唔好重覆投資
所以真係頭都痛埋

我買黎係影BB, 快, 真係好緊要
你冇辦法叫BB唔好眨眼, HOLD實個位置比你慢慢構圖
完善既對焦系統, 同埋超強既連拍速度,
可以令你得心應手

反MON對我黎講係極其重要,
好多位置真係好惡影, 除非你屋企有studio咁既空間去影生活相,
如果唔係反MON真係好有用

我最後都係選擇左70D,
寧願投資落鏡頭
上個月開始入手
28.8,
50.4,
50.8,
24-70 2.8L USM
70-200 2.8L IS II USM

一開始既時候唔清楚自己最想要既焦距, 所以有D鏡重覆左
室内就淨係用定焦

等BB大個D, 唔需要再用反MON,
先再換FF機都未遲.

買一部自己可以得心應手既相機,
總好過迫自己去買一部唔岩自己用既機.

我深信, FF不是萬能.
70D 唔會令你後悔
佢個 dual pixel AF 唔係講玩, 係改寫左歷史

遺一既遺憾, 只係佢不是FF. 搞到支支鏡都要x1.6
我唔打雀, 呢個x1.6, 可以話係缺點

1. 有swivel screen, 影event高炒真心好用!
2. 有wifi, studio影完電腦即刻顯示output image極方便
3. 用手機through wifi控制好好用, 影大合照唔洗再搵人幫手影/數2秒衝番嚟 (given that你有帶腳架lol)
4. 重量適中, 手感良好!
5. 成個操作係極方便就手, 機頂芒超好用+user friendly
6. Processing speed快到痴線, 長曝成分鐘後1秒收工有相睇.
7. 價錢合理, 性價比不錯!
8. Dual Pixel絕非浪得虛名, 極快極準, 完全係革命性改變做job嘅方式!
9. 好多customisation (都係最近先發現...)
10. 19點全十字對焦極好用

唯一嘅缺點: 不是FF!

一出就買了.
差唔多用咗4個月, 已經開始對佢有份感情.
講真有wifi真係唔同d. 我知好多師兄成日話Pro嘅話wifi根本冇用.
所以真係唔洗爭論.. 真係你有你用, 我有我用.
我就日日都喺度用緊個wifi功能, 一影完助手即刻iPad睇, 方便快捷, 一目了然又清楚.
仲有, 個反芒真係好有用!
影clubbing/banquet時成日見倒同場用D7100/其他冇反芒機嘅師兄高炒盲拍一通..
(唔好問點解要高炒, 你做過就知..)
真係想笑... 但靜係swivel screen係冇用.
我之前用開700D, 反芒照有用, 但係對焦慢到hihi
但upgrade到70D, dual pixel真係嚇死你
快到你唔信, 而且極準確, 從未試過迷焦.

仲有, 影大合照爽到痴線.
以前用700D, 照落腳架反芒睇住影
大佬你成20幾人re u大合照時, 部機起碼同你隔4,5米, 好鬼辛苦...
仲有, 成日要走去禁制然後2秒極速衝埋嚟擺pose, 成個小丑咁...
再唔係就用個remote狂指部機, 然後成班友用一種"得唔得架你?"嘅眼神望住你係咁禁極都唔work, 呢一切一切嘅羞辱, 我忍夠了!
自從入咗70D, 一切變得輕輕鬆鬆. (我發誓我不是打手 -.-)
手機用EOS Remote即時睇倒live view, 一禁就影, 唔洗再等, 唔洗再衝嚟衝去, 唔洗再用紅外線remote指指吓! 萬歲!
嗰種感覺就好似終於有得Jailbreak iPhone一樣... (嗯.. 好多年前喇, 而家轉會了^^)
仲有, 影完唔會再成班傻仔衝埋去圍你部機整冧佢 -_-
手機即刻有得睇... 呢種爽快感你未試過真係唔好同我講住.

舊電同塊chip真係要讚吓.
N年前用D3200影300幾張就收皮了
而家影event最少都900先冇電
加埋直倒嘅話有時成2千張都冇問題..
仲記得以前影event要帶埋charger周圍搵socket插... 呢d噩夢終於完結了.
仲有, 仲記得帶住部D3200去影巴黎鐵塔
hi, 又話咩EXSPEED 3好快呀又乜咁
結果長曝1分鐘都要等番半分鐘, 激到我炸炸跳.
而家長曝1分鐘都係等1秒... 你明唔明? 差成30倍..
你話我以偏概全/bias/打手/乜都好我都係咁話, 以後唔好再叫我用番N記... Never.

最後, 我只能說
如果呢部機係FF, 佢真係完美.
一切一切都係極好, 就只差個FF sensor...
唉. 又係因為個定位問題... :(

All in all, this camera is highly recommended for all amateur photographers.

1. 算輕，但佩上18-135的KIT LENS對女仕來講較重
2. WIFI過相去IPAD，IPHONE算方便
3. 低光下拍片OK
4. 水平儀很好用
5. Touch Screen好方便

1. 引發外閃時，機身閃燈亦必要閃
2. VIDEO的FILE SIZE超大

11月尾買，帶過去海洋公園同濕地公園，最暗的魚缸同濕地公園的"鼷鹿"都可以影到相，試過係海洋公園的鸚鵡螺拍片，都好快咁對到焦。

用55-250MM長鏡時，對焦環少左轉來轉去，50mm 1.8II對焦唔算快，但就好過佩1000D，係室內都成功對焦，全開光圈都冇問題。

當然佩18-135 STM同40mm STM，更加係爽啦，又快又準又靜。

至於個外閃，上網睇左好多文，都係話機身閃燈都要開住先引發到外閃，自己試左好多次都係一樣，所以學唔到人地影屋企魚缸。

買機果陣係想用下Dual Pixel CMOS AF，實際上就算有呢個FUNCTION都好少用，都係鍾意用VIEW FINDER多啲，所以留番影啲奇怪角度時同個反MON一齊用就好啲。

水平儀算係最多用的FUNCTION，而家所有相都好"四正"

至於個WIFI，應該幾食電，唔用時要自己SET DISABLE，而過相去iOS Device就要留意啲相的次序可能會亂左，我估係佢同時開幾個SESSION SEND 相，令到FILE SIZE細的相SEND完先，而iOS就跟呢個次序排相，而唔係影相時間。如果去旅行的話，呢個FUNCTION會幾好，坐車時可以過相去tablet再慢慢睇。

革新AF-CANON的自動對焦改變拍攝方式、
約2020萬相素-帶來高精細成像既CMOS圖像感應器、
約7張/秒連拍、
觸控.Wi-Fi-數碼單反的全新拍攝方式、
創意功能-豐富圖像編輯功能充分發揮數碼優勢、
多彩短片-可自動對焦拍攝全高清EOS短片、
基本性能-自動識別拍攝場景和被攝體，拍攝理想照片既先進功能、
設計.拓展性-進一步拓展相機功能既豐富輔件。

LEICA M240既BODY約7萬既價錢都有缺點!
咁70D以7千幾蚊既BODY有這樣的效果， MADE IN JAPAN，仲叫唔叫缺點?

和60D相比，70D主要改進有幾點
1.雙核COMS AF，實現了視頻拍攝AF和即時取景拍攝AF
2.對焦點從九點增加為全十字十九點
3.像素提高了二百萬
4.連拍提升為7張/秒
5.增加了HDR、多重曝光和恢復了對焦微調
6.增加了觸控和Wi-Fi-數碼單反相機的全新拍攝方式，可以通過顯示幕觸摸操控拍攝，也可以通過智慧手機遙控拍攝。

上面大致介紹了70D的特點，實際拍攝情況又係點呢？這恐怕才是大家關心的問題。為了試機拍了很多不同題材。感覺70D不論AF速度和精度、測光和曝光的準確度、成像的品質等各方面都有不錯既表現，確實是一部性能比較完備，也比較優異的APSC，完全可以滿足日常拍攝的需求。
但同時也必須看到70D它只是一部中高檔APSC相機，對它的期望也要符合它的定位，不要過高，機械化生產有一個技術狀態凍結，就是任何產品都係按照它的檔次，性能絕對不可能超過它對應的檔次。所以對70D過高的期望，再與1DX，5DIII等等在對焦速度、精度和畫質比，只會帶來失望。
是次70D在AF下苦工，改進和提高了自動對焦的自訂設置，我認為黎點才是最大的改進和提升。增加了區域對焦，全19個自動對焦點可以分為五個區域進行對焦。另外就在自訂設置C.Fn.II自動對焦設置內增加了：追焦靈敏度、加速/減速追蹤、人工智慧伺服第一張圖像優先、人工智慧伺服第二張圖像優先等幾項設置，可不要小這幾項自訂設置，佳能過去只在7D、5DIII和1系的機器上才有自動對焦的自訂設置，70D是第一次把這個功能下放到了中高級機型。

實拍感覺首先係70D AF確實不錯，暗處對焦乾淨俐落，不拖泥帶水，邊緣對焦精度不錯，但不能與1DX，5DIII相提並論，大約跟7D和5DII旗鼓相當。只有一樣，就係Live view係比1Dx的對焦速度快。係以下犯上? 一部中檔機的Live view對焦速度快過了頂級機? 另外雙核COMS AF 可能係以後發展的方向，目前處於實驗階段，離實用還有點距離，什麼時候C記把這個技術用係1仔機上….就差不多可以實用了。

而70D的ISO得益于全新COMS和D5+的處理器，確實係唔錯，實拍下來，對這一點我係好滿意的。不論是靜物，還是人像，甚至河邊拍的白鷺和林鳥，表現相當不錯。它比不上1DX，但肯定要比5DII強。

另外很多人係網上總喜歡意淫所謂既畫質，什麼低感如何，高感如何，對此我不敢苟同(一張好既相首先是要突出主體同鮮明既主題，其次係準確對焦和曝光，畫質雖然重要，只能排未位)。(一張無心思內容既相，畫質再好也是一張爛相)。如果整天像宅男咁係電腦前，把每張相都還原到100%去吹，瑕疵總會有，何況70D只係中高檔APSC，機價7千幾，別太認真了。過於糾纏係同自自己過唔去。

-輕

-沒有大驚喜

幾句講晒，加左啲功能，但係啲功能對你影張靚相沒大幫助，
ISO亦唔係明顯強，
KIT SET都成萬幾銀，不如買二手6D

WIFI功能。。。講到好似好有用，實際上唔大，比GO PRO更屎波
70D只能夠影相時用WIFI功能。

畫質不錯，電子水平儀和自訂色溫很有用，
電池夠力，可照900張左右，
重量適中，比 50D輕，長拿較省力。

曝光似乎暗了些，光圜我要調高1/3 或 2/3 ，照片
才夠「精神」。

我從 50D升上來，感受70D進步頗多。
不論對焦、錄影、畫質、Wifly都比50D強，
此機功能可說是全面性提升，
以中階單反來說，相信它整體表現
能排在前兩名…。不論對入門者或
進級者，都是一部不錯的相機。