評價:
我原本係550D用家, 自從上年多添一個小朋友, 550D既對焦能力對於成長中既小孩漸漸令我感到吃力, 兩三個月前開始考慮要換body了; 太太通常都會用手機影BB, 因為方便上載FB而唔用相機, 所以新機一定要有Wifi, 而且呢個係說服太太既重點.
開頭考慮6D, 有Wifi, FF係有較好畫質, 但係要換走手上既EFS鏡頭, 而且佢既無60D既扭Mon, 又無7D既對焦性能, 皮幾野買6D袛係換來Wifi加較好晝質, 硬係爭D爭D咁.
到個令月前話出70D, 一大堆550D無既野: 19點對焦; 7fps; 扭Mon; Wifi; 內置無線引閃; 重要個LiveView對焦鬼咁快; 影movie追焦又掂, 個Spec完全滿足晒D願望, 一於等. 到20/8行過李生間電器鋪入去八吓, 見kit同body各返咗一部, 雖然遲買平幾舊, 但係都敵唔過早買早享受既誘惑, 咁就買咗個body返黎. WTF! 果然係我杯茶, 所有嘢都比550D正一皮.
最滿意係個操控性能, 對焦快而準, 高ISO雜訊好咗可以提升快門, 家陣影小朋友既空間大好多, 低抄有反Mon唔使腰骨受罪. 影到得意既相又可以即時connect手機或者平板揀埋相放上FB. 雖然好多內置功能都未試真, 不過可以好簡單咁形容呢部機: “夠晒實用”
N.B. 個Spec話7fps既jpeg連拍有68張, 我用跟機張所謂Class 10 卡只能影到56張, 但係換咗張有80/40 m/s既快卡就最高造出85張. 一張好卡係唔慳得呀!