ISO3200乾淨,保留細節多,係我買佢既原因之一
ISO6400亦唔差
發色靚,係我買佢既原因之二
有WIFI過相,定位,係我買佢既原因之三
細機身,ASP-C感光元件,有EVF觀景器,係我買佢既原因之四
機身夠輕

對焦速度一般
難以正確對焦較細既焦點
算係耗電,但不停拍既話頂到約兩個鐘既(過程包括埋WIFI定位)
無反MON
要JPG直出,RAW係機內後製會幾麻煩

之前用開GX1+12-35mm f2.8,但比唔到我要既銳度,更係差少少
iso800已經接受唔到,聽講GX7係ISO1600都既得,但都係一般般
白平衡問題同無反MON,WIFI都係一個問題
決心博一博轉富士X-E2後,ISO3200下既細節令我感動
第一次咁放心比部機係ISO3200內自動變換
配18mm f2.0後,照片放大後可以見到同細節位比GX1清
X-E2既測光方式我都幾中意...(我唔知其他機都係唔係咁樣)

對焦方面,配18mm f2.0下,速度係到預期內
速度同gx1+20mm f1.7既速度差唔多
但難以正確對焦較細既焦點,明明要對焦既焦點係晒對焦框內,佢都夠擔死同我對左後面遠處既野(焦距遠於官方最短焦距範圍)

較耗電,如果一日內(早到晚)不停拍既話,建議帶3舊電

玩復古外型依然係富士嘅強項
色水唔再講
個Mon靚咗好多
畫質細致咗
Wi-fi好方便好易用
反應有明顯改善

鏡頭群未夠用，起碼超廣角恆定2.8同18-55恆定2.8都未見有先啦！有改善空間
冇反Mon,高炒底炒唔方便，但如果加咗反Mon就唔夠復古架喇！

本人重用緊X-100,曾經用過X-pro 1，但pro 1慢夾底能！最後頂佢唔住放咗，本來想轉a7，但未有貨返！就算返咗都都有機冇鏡用！見X-E2出咗！見重有幾支富士鏡係手！咪試埋最後呢次囉！再唔得就真係轉會！用咗幾日！同之前用開富士嘅感覺完全唔同晒！反應同對焦都有明顯嘅改善！個LCD Mon靚咗好多！個Q掣改咗位！唔會再成日按錯掣！電力就見人見至啦！帶多粒都無防！富士嘅鏡質素唔講得係最好！但唔太差又唔太算重！剛剛好！好過帶住C記D大鏡周圍走！其實唔明D人要買部輕便嘅無反機！但又要用返D原廠大鏡長炮！咁唔爭在帶埋部FF大機出去啦！輕得幾多丫！依家覺得呢部機加兩三支鏡都唔太重！各方面都有唔錯嘅表現！好滿意！

- 相機對焦反應比預計中快
- WiFi 過相去手機上facebook,快速非常簡單易用，正
- EVF 質數高，無投訴
- 非常輕便，相機連鏡頭都係六佰幾克，去街和去旅行一流
- 色彩非常滿意，因小弟剛剛攞佢去韓國影紅䈎，真係靚到無朋友
- 相機操作接近菲林機，非常就手

- 如果常用WiFi有2粒電會安心D
- 鏡頭選擇不多，可惜支55-200唔係2.8-4, 不過如果係又未必有咁細和輕
- 價錢平D會好更好 :P

小弟因用慣DSLR相機, 第一次用EVIL無反相機，而又係第一次用Fuji機，真係有驚喜尤其係佢呢色彩度，不過因為我係唔拍video, 真係唔知道呢部機呢方面得唔得 ...

成象銳利細節多；Fuji 色彩，名不虛傳。

自動 ISO 和暗位對焦時有偏差，不宜盡信；耗電量頗高，資料說一塊電可拍 350 幅，恐怕全是用 EVF 拍下去，沒有用 Live View 和覆看照片，否則該沒可能，一句話，帶多一、兩塊電吧！

我用開單反 Sony A580 + Sigma 24-70 HSM（現在有 X-E2 但仍會繼續用），但有時實在嫌重所以想多買部輕巧一點的，因想換個味道，所以便不選 Sony Nex 系列。網上看過不少 X-E1 的照片，很欣賞它的畫質和喜歡 Fuji 的顏色，所以 X-E2 出了幾天便買下，是跟 18-55 Kit 鏡的。

用了 4 天，覺得非常合意。但容我大膽說一句，想買 X-E2 這機的朋友，最好有些攝影的基本知識，把 X-E2 當做舊式菲林機，全手動調節（對焦可以例外），即是一般說的「M Mode」，否則可能未必合大家理想。（這機沒有 P/A/S/M 直選，但只要將快門和光圈都不撥去「A」即是 M Mode）

如果買這機而只想當作一部「傻瓜機」用，又或只是用「光圈先決」、「快門先決」等，不是不可以，但最多只能發揮它 60% 的質素或更少。只要光圈、快門、ISO 有一部份不是自決，都最多只能發揮它 6 成，因它的自動設定不時都是怪怪的，雖然出來的效果一般都不算差，但總是不太理想，得要完全手動自決才成。又，它廣告說它對焦快，其實一般只屬合格可用，但我自己對此就收貨了。市場上有不少機總標榜自己對焦快，但我自己的取向卻是「準」比「快」重要，幸而 X-E2 只要夠光，這 4 日暫時都未試過不準焦的，但若暗一點就要注意了。此外，它的白平衡還算準確，可堪信賴。

在菲林年代，已有不少菲林廠家標榜自己的顏色最準，但事實呢？其實是各家都有自己的色彩和性格，那怎麼辦好呢？我自己就覺得只要自己喜歡便可以，這次選富士，就是覺得它夠味道，而且畫面銳利細節多，這機的整體設計取向是取畫質而非功能，我自己覺得 Fuji 這是對攝影的堅持和誠意。如果是對攝影和畫質有要求、願意犧牲一些性能和方便的話，該會覺得這是一部好機，但若是追求功能的話，則這機未必適合了。

部機反應, AF, 暗位對焦, SAVE 相, 都比XE-1 快左唔少, WB 比XE-1 再準D, 有 fn2 與 Q
制按鈕操作比XE-1更方便, noise control 有少少進步, lcd 大左又有wifi...

好食電...冇兩舊電唔敢去影相...
鏡頭選擇少...

本身影相都用過好多不同品牌, 始終都係富士色彩最令我滿意, 可惜機能差一直係富士死穴, 不過今次 Xe-2 機能終於可以叫做追到其他廠, 可以放心地代替我部 6D 同 5DIII ...再黎都係等富士出FF先再考慮換機...

1. AF真係快左好多, 特別係室內正常光度, X-E1 o係正常光度都會拉風箱, X-E2未試過...
2. 部機反應快左, 用起上黎爽左好多
3. EVF 真係好大分別, 依家唔會lag了...
4. LCD靚左好多, resolution高左, manual focus易左
5. Wifi好用, 仲有GeoTag, 普通Wifi SD card太慢, 機身有wifi, 可以用Sandisk Extreme Pro影 (95mb/s), 再用機身wifi過相, 用Wifi SD....得Class 10......
5. Fujifilm Color Tone~

1. 電.....部機好食電.....影一日要起碼兩粒電...
2. 好貴......可能Made in Japan.....

用過二手X-E1一陣, 見到X-E2就出, 就換X-E2....
如果係一手X-E1用家應該覺得唔值得升級...
但係未買X-E1的朋友, 直上X-E2吧, 特別常在室內影相的朋友, X-E2 AF的提升好明顯