優點:
1.外型靚,好靚仔!!!
2.真係係比往日嘅富士無反或X100快好多,準確度亦高咗好多,而家應該只有XE2係同呢部XT1差唔多速度,但人臉追焦就XT1贏!!!
3.輕身,有摺mon用起嚟好方便,尤其係俾老婆用嗰陣!!!
4.富士首部防塵防水滴無反機身,造功一流夠扎實,用起嚟有信心好多!!!
5.掣位就手,iso,快門,光圈,ev值全部都有外置調較,尤其前後兩個轉盤同我用開Nikon單反一樣,好易上手!!!
評價:
首先想承接番樓上有兩位師兄講AE-Lock嘅問題,
因為小弟影相全部用M mode一味靠估嗰隻,
所以呢個問題由部機到手直至現在我都發掘唔到,
認真慚愧,我都認為真係唔應該發生喺呢部機身上!!!
至於撇開呢點之後,一個字,好爽!!!
一貫富士色彩,呢點極之滿意,唔係都唔會買呢部機,而家a7跌到同佢同價咁滯!!!
另一點係iso,好過我用D800E多多聲,iso6400絕對可用!!!
而且呢部機解決咗我以往用X100對焦唔準又慢嘅問題,所以對我嚟講呢部機真係不可多得嘅好機!!!