Sony Cyber-shot DSC-RX100 III

評測報告

實拍照片

細
iso 1600 可接受.......800以下好好嫁啦!!唔聞相
evf超掂
我本身用開canon 5d mark III,今日出相到FB,D人以為我用小白2影
f1.8可用,1吋大sensor散景堅唔錯,以DC仔出到咁ga效果超晒班
zeiss鏡保持水準,收一收光圈唔計邊緣....中央成像很利
連拍超....超....超..快
人面追焦....又係估唔到咁.........勁
講多無畏,睇圖最實際,請click以下連結

http://www.dcfever.com/photosharing/view.php?id=1440038
http://www.dcfever.com/photosharing/view.php?id=1440037

得一粒電跟.......D電好快無........sony死症
funtion key唔夠多,始終係DC
差電要插機.....仲要熄機差.....好唔方便
D app好貴
一定要用套唔係好易跌....一係俾錢配ag-r2 grip

本身自己用大機,因為多次去旅行,先發覺機動性ga重要,等左幾年都無一部細機滿意到我,當年我用Nex5,唉!太味精同埋可能個mon靚得劑,一係電腦睇,大獲~~原來Sony D機就係咁........直到今日買機,個相熟sales係咁叫我試,一試就中毒了...原來DC仔已經進化到依個地步,好多人話好鬼貴$6千幾,但真係值回這個價.......

細、輕，唔睇個型號，相信好多人都只覺得係普通DC仔一部，呢部機望落仲細架過HX-60V個類小型天涯機。

有齊Sony無反的介面及功能，同自己部A6000的軟件介面比都唔覺少左功能。

鏡頭雖然唔覺點有蔡味，但成像極細緻，又唔界眼，日景成像我覺得軟硬適中，係電腦開100%睇都仲覺得好detail好舒服，係f/4 - f/8係利度頂峰。係夜間影燈光，就算最大光圈都唔覺有紫邊。對焦速度高而且準，無投訴。

EVF好細，但聊勝於無，用得咁細部機雖然唔多會著意個EVF，但係烈日下佢的確幾有用，而且仲清過A6000的EVF，仲有水平呎。

F1.8-F2.8，全開都全段sharp，但唔好唸焦尾F2.8可以比到完美散景，呢部始終係卡片機，1" CMOS唔夠大去提供奶油散景。

係室內用ISO 800或以上影就會覺得成像軟化，尤其室內需要使用大光圈時。

冇左hot shoe，雖然多左個內閃，但係咁的價錢得個咁冇力的內閃始終都有點覺得唔值。

放大率不足，5cm 微距只係係30mm樓下才有，再上就要0.3m，用呢部機影細花唔多掂。

點解我用Fiat 500 Abarth形容呢部機？Fiat 500原本只係一部唔太起眼的小車，但被Abarth tune up一番後，有了跑車配備和馬力，仲可以落場比賽。RX100 M3 就係一部本來細細的DC，Sony將最好的塞哂落去，令佢唔再DC畫質，步上無反級戰場。

優缺點上面都講得7788，各位師兄都講了唔少我都認同，最需要改善的係成像的成色，Sony的成色始終係唔及對手豐富同亮麗。去了Vivid mode，又太搶，如果standard mode可以再改善下就完美。

買呢部之前考慮過C記 G1X M2，試玩過同事個部G1X M2，我唯一唔like 的就係C記的介面真係太複雜，用佢好似做左飛機師咁，玩部機多過玩張相，我始終覺得買得呢類咭片機，就係為簡單就手，要玩複雜的我不如買同價單反。不過c記粒大CMOS的確冇得輸。

真係細緻論質素的話，呢部機的成像質素我覺得係無反同DC仔之間吧，比上不足，比下有餘，日間下降到ISO80，基本上都睇唔到任何Noise, 反差較大的位都好細緻冇紫邊，但夜間或室內的noise performance 始終唔係G1X或者無反個級，Sony的多框降噪會提升noise performance 少少，但夜間你要考慮手震問題。如果下一兩代可以有更大的CMOS就完美。

總結RX100係一款為方便而不失質素而生的機。一攞出褲袋即影靚相，隨左呢部仲有幾多部

1. - 1 吋 CMOS+ 1.8 - 2.8 光圈，有效降底快門速度，少左好多鬼影相
2. - 內置 EVF 陽光下都可以取景
3. - 有人面追焦，仲好快好準
4. - 輕、細(我已經同 EVIL比)
5. - 有 WiFi ，傳相去電話好方便，都好快。用低resolution(2M) 計，190張相唔駛五分鐘
6. - 電夠用，我半日影左190張相，無用閃燈，無乜 preview ，再經 play memory mobile 傳當日所有相去 iPhone ，之後仲有 80%電
7. - USB 叉電

1. - 貴，成五千三蚊，計埋Sony d 超市 coupon回贈， 都要四千
2. - EVF煩，要彈出來，再拉一下先用得，
3. - 跟機唔送電池充電器，反而送USB火牛，要用相機叉電

之前玩單反，再玩無反，到宜家玩 DC,
覺得DSLR / EVIL 畫質雖然好，但帶出街、去旅行的話實在太唔方便.
但用手機影相，我已經用 iPhone6 plus 同G4，室外大白天就無問題, 但一到室內、暗位等等，d 相成日有鬼影，又唔 sharp。又無得 optical zoom

RX100 III 其實解決晒我所有問題，輕、細，室內/暗位對焦準，full auto mode d 相仲好有質素

24-70 f1.8-2.8是我由mk2升級到mk3既主因！
180度翻轉的自拍螢幕，自拍無難度！
有電子觀景窗已經可解決一時面對強光既需要，顯示品質都幾好『遲滯、色溫、對比各方面』！
可機身進行充電，去旅行時當無機會回酒店充電時，一舊外置電就可解決問題，有需要亦買多個副廠充電坐，幾十蚊有交易！
電子性能真的只有sony可以獨領市場 nfc 、wifi 、web download app擴充功能都做得好好，特別一提nfc過相反應卒之可去發展到可用既階段，一拍即過，mk2反應做不到！
iso可用程度提高一級，個人接受範圍是iso 3200，加上tele光圈提高到f2.8『mk2 f4.9』，實用程度大增！
可錄製1920x1080 AVCHD的高畫質影片，又可同一時間錄製多一條mp4影片，可用APP上載到電話即時分享！

舊有鏡頭配件不能通用在mk3上，要等各廠家再開發！
用電量較mk2流失得快！
無了hots ，不能外置閃燈了
d掣唔夠用，如開埋眼球對焦，D自訂鍵唔夠用！『又唔俾個觸屏，有咪可以解決晒』
性價比越黎越底！DC都要過6K

感覺上RX100產品越黎越成熟，DC黎講應有盡有，暫時1吋底只得sony用緊，畫質無得同其它唔同尺寸cmos作直接比較，但作為日常用機 iso 、畫圈、size，鏡頭質素、重量，以經是好好既平衡！唯獨價錢方面每創新高，機身外觀，開發cmos各樣既成本在之前兩代以經歸本有突，回饋下給sony忠實既用家好喎！

-機身細with1吋sensor係最吸引我既地方
-加埋彈出式EVF同180度反mon就構成左我買佢既原因
-Smartphone wifi遙控幾好用，反應好快,而且update後連光圈快門都有得較，好玩
-個Evf無乜遲滯，幾準確
-個1.8光圈有料到，機仔黎講淺景深既表現好出色
-無鏡頭蓋，方便
-連影幾幅減 noise依個function幾好

-個whitebalance唔係好岩我河車，一係偏黃一係偏藍，好難捉摸
-個彈性定點對焦唔係一禁就有，嘩，堅估佢唔到wo,定係我set錯野呀
-一收個evf就熄機確實有d on9
-功能鍵太少唔夠用
-無微距依下有d失望
-Evf彈出黎仲要再拉多下先用得，而且我戴眼鏡，經常會唔覺意隊返佢入去，煩
-成日覺得部機會跣手

我本身唔太like Sony,因為始終覺得佢唔係相機起家，但今年既A7同RX系列都好吸引wo,響機能上有好大突破，做到其他牌子無既野。

我本身有部XE-2及X-20，部X-20要黎平時隨身用，對佢既畫質係十分滿意ga,只不過始終用起黎唔太方便，尤其是佢開機果下，我個人覺得機仔最緊要可以單手操控同袋到落褲袋，加上上次去旅行，發覺其實有反mon自拍既機仔係好好用，Rx100m3既出現，驅使我狠心放左部x20(其實唔多捨得，因為部機個樣幾靚）

依部機既機能十分吸引，試過上手就知，機仔細細有齊反mon,彈出EVF,加上無鏡頭蓋，單手操控基本上無乜問題，拿，係基本上呀，講真我係玩左一兩日ja,但有2樣野令我好糾結，就係上面提到佢既whitebalance同單點彈性對焦

佢個white balance,偏色都幾勁wo,影景都仲ok,影人d膚色好似死屍咁，我都試左幾個setting,唔係好掌握到佢呀，各位師兄有無d咩竅門呢，可能用慣左Fuji,佢d色平時基本上auto再微調少少已經好靚，依部我真係攪佢唔掂呀，買機仔係為左方便 ma,難道每次都要我set一大餐先影？第一批相入左電腦，結果逢係有人既都要tune過d色，OMG

其次係個對焦，基本上其他牌子係default左個彈性定點對焦wo,就算iphone都係la,佢竟然係default個乜鬼眼球對焦，乜佢依部機既強項係影人咩?結果我要set過d功能鍵先用到，影既時候要禁多2下先郁到個對焦點，超唔方便呀，定其實我set錯左d咩lei?救命

至於佢既畫質，1寸sensor都唔係揸流攤既 ，近鏡連毛孔都睇到，但色彩層次比起fuji差一大班，F1.8光圈，影人影上半身大約心口位置，都仲有明顯既淺景深，依樣係其他dc仔未做到

佢缺點就唔係話好多，但2樣都有d致命（對於我黎講，始終人人習慣唔同）
如果佢色水好d,對焦唔好咁on 9,我會覺得依6千幾蚊使得值d囉,而家心情真係好矛盾
佢用係上黎係好方便ga, 但d相既效果我又唔多滿意，唉，我痴心妄想地希望，
終有一日會有一部有富士既色彩，sony既機能，olympus既操控既相機出現la

p.s.用左2個幾星期，響影人像既時候，試左好多唔同setting，都搵唔到一個可以應用大部分情境既setting，佢室外就偏綠，室內黃光下就偏黃好勁，即係可以話，依部機必須要手動先可以較靚D色，如果諗住用auto既話真係唔駛考慮依部

機身細、輕。成像極細緻。 室內影相比Canon EOS M1 更好。AWB 幾準, 藍天白雲一樣Handle 到, 藍芽過相好快好方便, 自已會Resize方便Sharing。 EVF係烈日下好有用。可用USB 直接叉電，旅行用一流。反Mon 影寵物好好用。

缺點:
配件小小貴，電量用得快。MIC。

旅行用或輕便性一流。但要後備電。