自己有D800，此機確有不同之處，但係只有那麼一點，換了個先進些許的處理蕊片，但是基本功能卻如同上代機一般，成像方面更難用肉眼看岀，好與不好可以自己用舊機與新機對比一下。但如果你用D6xx系列或D7xx沒有升級的朋友完全可以滿足的。

缺點？除了新一代蕊片就沒有多少新技術了，再加多個新的對焦系統就是新機，就把之前所出的d800或e壓低價格，想問一下，出一樣新的產品卻要用戶承受風險，這和我認識的nikon背道而馳。不信的話可以自己對比一下，差不多多同樣價錢的貨品但是要貴一些，商家不過就是傷家嘛，真心不覺的有比舊型號好多少！攝影還是靠技術，總是以為靠器材幫助的朋友可能會喜歡的。

一位好友入手，價格自覺不值，不過在現今商業模式又無大不可，但必須提醒一下，有了高像素，好鏡不可少，有了好鏡技術更不可少。一機一鏡一心能否做到就是靠自己能耐了。像素在現今社會是不少攝影朋友掛在嘴邊的話題，因為可讓自己讓別人覺得是個高手！此機和D800等前輩一樣，雖說像素高，但是攝影者自己能耐不夠，此可以認為是人的能力範圍也。有好器材也要用心拍照，不是的話，就好像你不是美斯又代表巴塞正選上場一樣，輸的一塌糊塗！但真正的美斯他可為你卻不可為之事，分別何在，請自己分別。

像素高, 帶來細緻度
有ISO 64
塞打寧靜
色偏暖, 適合人像
新sensor同一曝光值會比以前光D
顏色濃D, 可能冇低通
高ISO Noise控制強
AWB準
重量適中
景觀器夠大夠光
對焦系統強, 暗位都少迷焦

價錢貴, body索價萬八
一闊三大唔細講: 記憶卡要大要快, 電腦要多位要快, 鏡頭成像要高
電去得快 (同一舊電對比D610用得快好多)
連拍低 (不過我唔打雀唔影運動, 冇問題)
直倒索價三千...
冇wifi (雖然唔算重要, 但好過冇, 估個原因係舊電去得塊, 再加埋wifi唔得掂)

小弟先後擁有過: D5200 -> D600 -> D610 -> D700 -> D810
其實如果唔係做job, 都未必換
未入D810前同時間用D610同D700. 最後放哂兩部入D810.
D810有哂我要既野:
- 色水近番D700, 影人膚色好, 強過D610好多
- 對焦系統同D700差唔多, 強過D610好多
- 重量係兩隻之間, 用大三元都可以配合, 唔會唔平衡, D610要長期用直倒, D700加直倒又超重
- 雜訊控制, 佢都幾強, ISO1600冇問題, 呢樣真係D700做唔到既野
- 我記鍾意佢過靜快門, D700超嘈, 如果影行過堂, 或者其他莊嚴既活動, 呢個真係佢強行. 我係講緊未用Q mode
- 唯一較差係連拍, 不過我真係用唔著

因為自己做開影婚紗, 本身已經有大三元 同基本人像定焦鏡, 所以手上鏡頭都夠解像力去應付36MP. 幫過用5D3既朋友影婚紗, 佢地都話D相細緻好多. 雖然像素大唔一定好事, 尤其一般人都唔會哂大相, 但係有時候做job後制時栽相都重有好大空間的確對工作有大幫助. 雖然好似D700只有12MP係好夠用, 但係以今時今日各大廠對像素既競賽上角力, 就算依家係高位入亦唔係短期內out.

而Expeed4擺明就向Canon果邊發展, 越來越暖色, Nikon係人像上面算係一個好大改變. 所以我先放棄D610, 佢實在太青色.

當然. 好多平D既鏡頭已經捱唔住呢個像素, 想用天涯鏡既真係唔好用D810.

對於D750, 因為本身已經用緊24MP既D610, D610升D750, 真係冇咩大進步, 除非我未用全片副, 唔係我可能會揀D750. 不過D750 對焦都冇D810咁強, 同埋好多制都冇左, 唔係太合格. 如果係新人想上全片副, 我會建議: 慳錢就D750, 影宴會/婚紗/做影樓就D810, 打雀又錢多就D4S

3600 pixl
吾蝕電, 耐航力強
怏門輕, 吾易震
連拍有6-7張都算ok
拍片質素好靚

高反差問題, 高光位易爆光無左細節!
長炮午間時段拍攝地面或海邊熱氣頗嚴重, 相片張張鬆郁蒙>.<
日光下自動白平衡偏冷, 晚黑及室內未知, 因為呢方面環境少用!
拍攝高速移動生態系統追焦能力雖強, 但過度敏感難掌控!
Capture Nx2 吾再支援, 無左最好既NEF檔後期製作軟件
要1秒7, 要直倒+用en-el18A電,同用原廠個MH-26叉差好貴!

新歡舊愛:
試用左部D810兩日, 發現有幾樣問題, 但唔知係硬件定自己技術吾好,
要再多幾次磨合一下!
問題1) 試機由中午至黃昏時段, 於米埔濕地泥灘拍攝水鳥,
熱氣問題相當嚴重, 尤其在背光情況下, 基本影十張有九張都出事, 雖然我部老爺D3X都會有呢D問題, 但絕對吾會叫我張張相都想DELETED左佢, 吾知係咪因為無左塊低通慮鏡問題??? 有機會要試清楚, 如問題依然, 咁再遇同樣情況, 分分鐘只可用返部老爺機做主力>.<
問題2) 先進既AF系統配備400MM+2X, 於充足光原下追焦速度不弱, 但本人覺得反應太敏感, 有時會好難控制鎖住高速移動中物體進行拍攝! 就算對住在地上較慢移動中既物體, 也會時不時焦佢前移! 用開D3X呢個問題比較易於掌握!
問題3) 相片反差較大, 就算用STANDARD MODE 高光位依然缺乏細節, 用D3X就好少呢D情況, 只要於後期電腦-EV就可以修正, 下次用D810於日光下拍攝可能要減對比, 試試效果會吾會好少少!
問題4) 自動白平衡影出來相片比較偏冷, 睇黎都係用返手動設定K值會比較適合!
問題5) 雖然36K像素係好高, 但裁出來既相片雖然清晰卻感覺缺乏立體感! 之前用16K 像素既D7000 跟24K像素既D3200也有同樣感覺! 自此之後我一向都認為高解像吾代表高質量!
問題6) 呢個問題頗為麻煩傷腦筋, 原因我一响用NIKON自家既CAPTURE NX2作後期處理, 可惜早半年前NIKON已經停止更新呢個咁好用既軟件, 所有新機種既NEF檔都吾再SUPPORT…! 所以家下只可用TIFF/JPEG存檔, 方便可繼續使用呢個原生軟件執相! 但如用TIFF/JPEG存檔就會無左後期修正白平衡同加減補償功能..唉~
另外TIFF存檔也相當大食, 以FF相片計可以去到60MB一張相, 記憶咭會好快乾塘!!
總括而言: 我覺得D810呢部機比起我部老爺D3X, 優勝之處只在於高iso表現較好, 快門較輕, 而且又可以拍片!但我都係覺得舊愛影出黎既相片質素較佳同喜歡佢既操控可以得心應手, 最重要係影完相可以用自己最favor既軟件去執相!
所以真係新歡雖好;但舊愛更難忘…真係吾知點揀好@@

功能強勁
畫質細緻
滿足心裡欲望

要比好多銀両

由外觀講起!型過D610，D800E小小，但D800E嘜頭字樣位置又型D喎。握手位反而覺得差過D700 & 6D。
最大與D800E明顯進步係對焦時有" GROUP " 4點凌形迸列(即四點一齊對，睇吓邊點中先)令到對焦時間更加快！(以前感覺上D800E有時遲滯)，D810接近D4速度！！
對我嚟講重大察覺係人面膚色有別於D7100,D800E，接近返D700年代，比以前好咗好多！但整體色又比以前暖(有DD)，似乎D810同D4s為咗改良人面膚色，無咁D銳利(外評係泰國測試D4s講)，值得留意係D800E嘅jpg每張約20M，而D810嘅jpg每張約15~16M，可能就係改良人面膚所致。
AWB比D800E更加準!好接近D4 AWB，但想啱口味可能自己調較好D(因為D810色暖咗)！！
ISO今次先似D樣高咗一級，另外拍片到1秒65張正，但我用85.4G拍片成日錄埋鏡頭對焦時轉動嘅聲音(好鬼响)，如拍片可能買外置收音好D！一張可support拍片一秒65格嘅L牌子CF咭(1066MB，32G)要$850，對我嚟講好赤！
見到D810同D800E，D610比較，好似幾個月前我揀6D或5D3咁樣!6D抵&正(6D vs Df小比垪ISO，兩者好接近)。其實不如D810同D750比! (已上過Nikon cs了解過D600，D610,D750裡39或51點範圍係一樣，&同比D700，D8xx細D)
D750係ISO&反芒&價錢上佔優!要更高解像(聞相'&無低通，咁要買D810啦，就要比多D銀両!
如想upgrade或換新(D800E除外，因D800E已經好強)咁都係D810啦!好強勁，D750亦好接近D810。
現在轉會回D810，已配85.4G+16~35/F4VR，對於我影家庭相多，閒時影雀影花，之後計劃考慮入70200/4VR或小黑3或200/4marco或384，咁就叫大致(上中下路)完成裝備。
我玩單反由Canon 650D開始，跟住就已經Nikon D700，Leica M8，Canon 400D，Nikon D80，D7100，D800E，再Leica M8，再Nikon D7100，Canon1D4，Nikon D4 ，Canon 6D 到現在D810(中間夾雜無反&菲林)，好多部我都覺得好正，高中低階乜都玩!但眼見好多人仍然抱住好似嫁咗部相機咁嘅款。
唔試唔知堅定流，莫信未試就九up當秘笈。
6D係一部好好如何投入攝影樂趣嘅相機，而D800E，D810係再推高要鑽研&較講究自身技術層面(即有D搵嚟煩)！
係用後感有D師兄講得幾好，買器材的確唔送技術，但有好嘅器材先至幫助到你。。。。
第一次後記 : 小弟都係覺如非影商業相(要放大)，2400萬像已經足夠，但其實現時3600萬像對比2400萬像又只係高1.5倍咋!唔係好高呀!而總括無低通真係好D，期待8字頭下部機可有61點對焦點&對焦範圍再闊D！

第二次後記:又回歸nikon!第三次入全新D810，E部D色有別頭兩部DD…，人像mode略略無之前兩部咁黃???似有微調過!

第三次後記:D810新增咗個重點測光*(高光優先)。出嚟效果人面白咗或叫無偏黃，將略帶偏黃情況減去，對室內一般影老婆仔女更加接近現場，又似光猛D，非常有用。功能&效果與canon 5DS,5DSR嘅AWB白光優先相约。

1. 像素高，比D600及D610影像細緻非常多，幾乎是兩倍以上。拍團體照不用說，用200MM拍攝月球CHOP出來都仲夠SHARP同顯示細節。
2. ISO表現比D600/D610強，ISO3200可用。
3. 動態範圍比D600/D610更大。
4. 手把經重新設計後比D700/D800更好握，使用同一支鏡感覺不會比D600重很多，使適應時間減短。講真，我覺得D700及D800的把手不好握。
5. 自動對焦速度極高，基本上一按即到，反應快。即使在暗光或光源複雜場景亦然。
6. 靜音及靜音連拍夠快亦夠靜，不會容易引起其他人注意，而事實上正常拍攝已經比D610在靜音連拍時更靜。
7. 可以設定錄影按鍵為ISO按鈕，方便設定。
8. 新增的高光重點測光令拍攝高光差情況時更易掌握正確曝光。

1. 因為像素高，手震的影響比使用D600/D610時大，以前用24-120去到1/30秒都仲得，現在要1/80以上才完全看不見震動。
2. ISO表現確實不如D750，但呢樣一早知，亦無辦法，亦無後悔。
3. 測光選項果粒制放到左手先按到再用右手調較，同D600/D610/D750等機可以快速用右手調較不一樣，個人認為起碼都應該容許用家設定PV或Fn按鈕及轉盤改變測光選項，像錄影按鈕可以設定為ISO按鈕，可以用右手快速改變。
4. 像素太高挑戰鏡頭的解像能力，使用24-120F4明顯能發現沒有16-35F4或80-200F2.8一樣高的解像力，雖然夠用但可以明顯看出那些鏡頭將不能應付未來新機再升的像素。
5. 設定目錄真係幾複雜，有時SET一樣野要搵好耐，不過隔多排都會慣。

由D7000開始用NIKON相機，到D600，再換D610，亦有長時間用過細佬的Df，而D810已經是第五部NIKON單反，專登買去日本旅行，而現金價19500比當時買D600或Df也不是貴上多少。陪伴我去過三次日本、台灣及澳洲的D600都已經十分滿意，而D810表現比D600及D610更勝一籌，沒有失望。

本人拍攝的東西較多，自然風景、城市景物、古跡、天文、FIGURE及COSPLAY，基本上要動也不會動很快、快都不會好的對像。基本上先前D600/D610在靜態上已經很滿意，但要拍動的東西或在複雜光源情況下的對像就比較痛苦，尤其是拍攝在舞台上舞蹈或大幅度動作好難張張準。但D810的自動對焦基本上就可以應付到，而街拍也可以很迅速，只要快門速度留意一下就是。

而景物拍攝絕對是D810的強項，細節及場景都能細緻呈現，放大再CHOP出來也沒有問題。而拍攝數十人的大合照也不會放大後也看不清人面。

而天文相片方面，先前也擔心高像素的D810會出現更多的噪訊，但事實噪訊相比D610的更少，使用高ISO開LIVEVIEW時星點也更明顯，可以更輕易對焦。使用天文望遠鏡拍出來的M42獵戶座大星雲也因為高像素可以放更大更清晰。不過對比D750，D750高ISO表現更好，而拍攝星雲的效果也更好。配合高光重點測光，降低兩級EV再手持80-200F2.8就可以輕易拍攝準確曝光的月球。

我認為買高階機，最重要的是在拍攝過程中能更專注構圖及準確曝光，以及不錯過重要的時機，D810在這方面絕對不會令人失望。


我覺得享受拍攝過程的人，知道世界上不存在完美的相機，但也不會有不理性及無根據的劣評，因為他們知道這部相機可以如何做到他們的要求。

這只是很膚淺的心得，留待日後再修補。

速度比想像中快,
我由D7100轉過去,
影雀比D7100好.

貴,我買$21000

我覺得值得一買,
值回票價!!!

由D610 轉上D810, 整体表現都十分滿意。
拍出來的相較之前D610更Sharp及自然。
拍Movic 時配合ME-1,影像及聲音……好有現場Feel!
至於塵問題，由出机至今都差不多1個月，還未發現……Shutter 聲音更輕

較D610食电，拍movic時32GB常怕不夠用
(由於60FPS,Size非常大)

比之前用D610滿意很多

應該係無咗低通濾鏡原因，個色彩自然咗。

唉！都唔知講咩好...買咗兩星期出咗街4次兼無係outdoor地方換鏡都搞到無拉拉入塵...兩萬幾買，真係還灰...

FF機裡面應該是顏色，速度相當令人接受的新機。唯有入塵問題的確令人頭痕煩惱。

推底D800E和D800二手價

NIKON根本諗爆頭都出吾到新技術,咪求其改小小就出部機,如果吾話你知,比D800同D810你用,你都分吾到有乜分別,
但係如果你有部D800E或D800,咁你就仆街啦,雖然無乜分別,鬼叫你係上一代啊,你想賣個合理價錢,吾該你食屎啦,
我吾壓你價,點對得NIKON住,

咪又係果D野,相機出左百九幾年,乜技術都成熟晒啦,只係改小小,又出部野來呃你錢,講真果句,以前無咁多靚機,咪又係咁影,
有無人夠膽話,住部新機,影贏晒以前D人影的相,以前的相,一定吾夠現在咁靚,總之一句,鐘意買就買,吾使講部機點靚點靚,以前的無得比,
講出來,只有比人恥笑

還未發現入塵情況，覺得D810整體質量不錯。

1. 不到10天就出現入塵情況，真的不可接受，這十天內小弟一直只用同一個定焦鏡頭，沒有更換其他，懷疑這些麈埃是由相機內部操作而產生；後來利用氣泵進行清潔也未能完全清除所有塵埃而問題仍然存在。最激氣是拿相機到Nikon太古城的服務中心，他們推說入塵是不能避免，還說小弟清潔反光鏡時已經將它弄花，建議我花$240元更換新的零件，但現在沒有零件在手，要等2至3星期，同時他們表示將來也不能避免繼續出現入塵現像，真的是傷心又激氣。
2. 拍Movie時，雖然可以變焦，但一邊變焦、一邊一直出現吵耳的齒輪雜音，如果是現場收音，一定不能收貨。

希望Nikon正視問題，不要重滔D600的入塵問題。