優點:
4600萬像素系主賣點, 相片細緻度一流, 裁相一絕!
50% corp OK, 67% corp 可接受, 準焦低iso高快門 100% corp 都出睇得相!
機身重量適中
有慢動作拍攝
9張連拍
XQD CARD 儲相快, 緩傳無問題無塞車
D5 等同對焦系統
AUTO WB 比D5 好
Wifi 傳輸功能
特大光亮觀景窗
4K VIDEO 同 8K 縮時拍攝
靜音拍攝好掂, 尤其系要超慢快門拍攝曝光既相片, 真系好過用MIRROR UP!
缺點:
第一件事就一定系貴...仲有炒+缺貨!
雖然有D5既對焦系統, 但吾覺得佢有D5拍攝既穩定性,
快門有啲膠膠地, 吾知耐吾耐用!
ISO表現平平, 話好過810, 但吾多覺, 一裁相即見弊端
刪除左D4/D5 既2.7 CORP 剪裁影片拍攝功能...嬲嬲!
電磁續航力不過不失, 打雀大約可用半日, 一定要帶多一兩舊旁身穩陣!
VIDEO Live view 既對焦好易迷, 對焦速度如龜速, 主體郁得怏少少都死得.@@
評價:
對我地啲鳥攝人來說, 高速高像素是夢寐以求必然之選, 由用左幾年D3X再轉用左兩三年D810次後, 等等等....等到終於有部更啱鳥攝用既機出台, 更系一定吾會錯過! 雖然早幾個月放左部D810後等吾到佢入左部D5, 事隔兩個月就出左D850消息同spec. 搞到真系有少少後悔入左D5! 但到最後都系忍不住要嘔血掏腰包入埋呢部生態機! 真系風吹雞蛋殼....廢話講夠, 講返部機先^^! 沒有訂貨, 幸得老友識人幫手留比小弟, 儲夠錢貨到即過水! 昨日第一日試機, 原本都好大期望, 但用左一日之後, 期望又有少少落空, 可能之前個spec.傳得太美好, 又或者我要求高, 所以吾敢肯定是否部機吾好! 可能早4個月前用左D5代替D810打雀之後, 發現D5除左像素差少少外, 其他方面真系無咩可挑剔! 到昨天試用呢部850之後又系另一回事! 因我主影生態, 裁相系必然既關注問題, 850無可否認真系好裁得很! 但最大問題系iso表現同對焦穩定問題, 昨天試機, iso 1000以下大可接受, 但再調高一點, 只要放大相片看就自然問題出現, 雜訊真的不太可接受, 但其實都系意料中事, 只是自己諗多左以為真系佢地個廣告講得咁理想啫! 所以都吾太驚訝, 但我最注意既其實都系所有鳥攝人都會關注既問題, 那當然系對焦系統得吾得!昨天一試之後, 相比起D5既速度及準成度, 全完系兩回事, 吾好講話一秘幾多張既問題, 因為大家吾同級數, 跟本就吾可以比, 但影出來就既結果就肯定系兩回事, 我用左D5三個月, 屋企個HARD DISK突然用得好快!何解?之吾系因為D5十發近九仲囉..每次連拍後睇相, 命中率真系可達8-9成, 但昨日初試850之後, 發覺有背景既時候, 追蹤連拍時命中率大約只得6-7成, 超失望!有時就算企定定都連打幾張都吾一定張張得@_@!我一向喜歡在相機AF設定為對焦優先, 即系按得落怏門就系中到焦!但響850到好似吾多WORK, 所以就算影到出來, 中焦都系只得一半半! 雖然吾系話佢對焦吾準, 但穩定性就真系有少少問題, 經常咬吾實走左焦去後面比較近主體既背景, D5就較少呢D情況出現! 講真呢個真系死穴, 希望只系我未熟習如何使用呢把劍吧...唉! 除左呢個大問題外, 熱氣影響相片質素問題都幾重, 用左咁多部nikon機, D3X同D5既表現最好, 熱氣問題最少! 除此, 其他既都系少問題或者問題吾太關我事, 所以不太在意! 當然如果佢下放埋D4/D5既2.7 CORP 既高清VIDEO 就更好啦! 好過自己後製裁剪咁煩! 總括而言, 本來想留返部D5入防潮箱做後備機或影其他野用, 睇黎家下都吾太可能, 要雙機輪住用至得! 如手上有D5既朋友如果想放左部D5換D850既話, 就請三思而後行! 上述意見系以鳥攝為主, 對於其他方面場合拍攝又未必相同問題感受, D850依然系陽光機一部, 但絕對系N記既代表作, N粉既旁身機! 有心有能力既真系可以考慮入手, 當然最好水位落到20K樓下才算合理!