Fujifilm X100V

評測報告

實拍照片

成皮嘢無防震十個優點都補唔返一個無防震

無防震 今時今日仲焦防震 無翻MON唔介意甚少用 無防震每次影完都要睇睇 一唔係影六七八張 所以話 唔好聽大師吹 講乜色水靚 又乜又物 懷疑佢有少少主觀

無防震無防震無防震無防震

街拍真係好好好好用

Mobile app 僅次垃圾

整體表現出眾，輕巧實用，使用方便，成像夠用。配上TB JJC嘅手把後，整個手握感提升200%。至於很多人會裝配嘅熱腳指抦，使用後覺得裝了手把後其實不太需要。

本身係鍾意佢個實體轉盤夠懷舊所以想課，點知用落後，為求方便會轉去C／T模式（使用前後轉盤）比較方便，特別係街攝時。

第一次使用fuji嘅UI，相比起Sony，fuji人性化很多。相較Canon/Nikon，個人認為係習慣為主。但Sony嘅UI係認真地比機械人用嘅（哈哈）。

除了成像同機身質感冇投訴外，其實我個人最鐘意係佢好直覺性嘅功能鍵。我甚至認為，設計呢部機嘅功能鍵數量／擺位／切換嘅團隊係神班底。就算唔自訂功能，初設嘅功能喺不同模式下嘅擺位都好貼心，唔會覺得wtf。

不少ching都提及過熱，因主要拍硬照為主，除了「正常運作」溫度會右手心感受到微溫外，其實室外行山長開（DVF only）模式下冇咩運作影響。

如果要講可進步空間的話：
－首先係個穩定／成熟程度衰過啲TB車cam app嘅劣app。先唔講個wifi過相同live view係「靠運氣」先勉強work，個依靠長駁BT嘅遙控快門都可以死app真係吹脹。出奇地，點解機配DUI有咁嘅質素，但mobile app會差咁多？
－其次，真係覺得有得usb-c叉著影會開心好好好多；唔通同以防過熱有關？
－最後，snap咗8xx張，試過2－3次會開機／拍攝－重播模式轉換時short咗，即時重開回復正常。懷疑係切換時個OVF/DVF/Display指令有bug loop瓜咗。

再推介TB嘅JJC手把座，真心最值得入手配件！！

(1) 外觀靚仔，機仔細細，日後帶去旅行一流；
(2) 對比起寫上代X100F，枝鏡突飛猛進，開盡F/2都好Sharp；
(3) 對焦速度快同準，快門都夠靜（Leaf Shutter嘅功勞）；
(4) 富士色水真係好靚，內置菲林模擬係其他機/後製所比擬唔到，都唔滿意嘅網上有好多recipe可以自己跟住set；
(5) OVF/EVF互換，互補長短；
(6) Made in Japan，呢個唔需要多講我諗；
(7) 可以Type C叉電（真心唔明點解去到2022年，咁多廠都仲未肯加入自己嘅機度；
(8) 呢點純粹私心，可以直接連落富士Instax Printer Print相；
(9) 內置ND，慳返筆錢！
(10) 有weather sealing（終於，雖然要加配件...）

(1) 如同其他師兄所講，自動ISO偏高，一個好光嘅室內都用緊ISO 1600；
(2) 富士個App真係好垃圾，零操作邏輯可言；
(3) 冇防手震（皮幾嘢買部機返嚟，真係唔明點解可以咁基本嘅都冇）；
(4) 無位裝Filter，要另購個Ring，仲要唔平（都喺個句，唔明點解冇）；
(5) 內置ND唔可以拍片用；
(6) 因爲冇防手震，基本上唔可以用嚟拍片，即使佢有4K；
(7) 容易發熱，尤其電池位（其實唔影響操作，係用落好不爽）；
(8) 細電池，即使開OVF都喺400張左右；
(9) 貴！

本身一直都喺Full-frame用家（Canon 5D4爲主），但用嚟去旅行／出街影相真係太重，本身覺得無所謂，直至疫情前同X100F朋友去咗轉歐洲，真係體驗到個分別。 除咗輕便同靚仔，佢個價錢真係對得住佢影出嚟嘅質素。

有好多人可能唔明白X100系列究竟個魅力係咩，1萬蚊買部APSC，又冇得換鏡嘅snapshot機，咁同電話影有咩分別？但自體驗過帶住佢去旅行，35mm呢個焦段，風景又得，人像又得，街拍又得，食物亦得，基本上係萬能鏡。同埋好多嘢電話係比唔到咁嘅質素你。

但小弟認爲相機應該要係帶出街影相先有佢嘅價值，無錯其他Full-frame機真係靚好多，但咁重你又想唔想帶佢出去呢？而正如前面有師兄講過，呢部機的確唔完美，但佢就喺有令你想日日帶出街，去到邊影到邊嘅魅力。

每代X100系列都玩過，單純與X100F比較
1.畫質更銳利：X100F即使縮光圈，放大看細節其實有頗鬆散。
2.微距畫質大幅躍進：假設微距畫質X100F是55分，X100V絕對有80分。
3.增加觸控功能：這優點不必多言
4.EVF使用中時，仍可以用觸控方式快速選擇螢幕對焦點。
5.新增4K錄影
6.依然有內建閃光燈(這也是我不選擇GR3主因)
7.最大光圈依然是F2.0 (這也是我不選擇GR3 F2.8主因)
8.充電與傳輸接頭為TYPE-C，可邊使用邊充電(EX.行動電源)，
可以把電池錢省下來(真心不騙)。
9.一目了然的MENU選單(我SONY全幅系列玩過五台，
RX、RX1R2、A7、A7R2、A7R3)，SONY選單真的這些年完全原地踏步。
10.行雲流水的操作體驗
11.完整的手機APP聯動(可傳圖、手機即時預覽拍照。SONY APP跟渣沒兩樣)

1.最低ISO只有160
2.沒有防手震(對拍照我覺得沒差，但錄影時有差，必須上腳架或穩定器)
3.取消十字鍵(對我而言沒差很多，因為有撥桿跟觸控螢幕功能，
但就少了幾個快捷鍵可設定)
4.機身持握處依然太淺，手大的人持握時得小心翼翼(或加裝手把)。
5.高光比場景動態範圍選擇數值要慎用，否則照片會變很平。

因工作需求，使用全幅機很多年，但對於DC使用也從未放棄，
雖然畫質不及全幅機，但體積樂勝，這種輕便的快樂難以言喻。
「體積」有時候是一種日常時必須妥協的選擇，
自己工作主力機A7R3，當它掛上了A036，看起來身型就變成小砲，
或換上SIGMA 35mm F1.4 DG，BIGMA不是叫假的，整個變超肥。
無反全幅機這些年機身體型沒啥變，但鏡頭愈作愈大顆，
有時想就純粹想輕裝拍照，當體積隨著畫質的增加而愈來愈大時，
放假時出門，只能請他們躺在防潮箱，而選擇DC。

個人喜歡玩非主流的DC，例如SIGMA DP3 Q，對焦爛透，
儲存速度超級慢，但個人就是喜歡 Foveon X3層次感，
即使他不再是1:1:1，而是變1:1:4，但DPQ系列依然是我慢拍時的首選。
但快拍時，X100V快速的對焦、可靠的畫質、成熟的介面與系統反應，
這也是我賣掉X100F兩年後，再度選擇富士的原因。

日常中拍照目的是什麼？我想重點不在於照片放大後的數毛，
而是沒壓力信手拈來的拍照。我們無法阻止時間的流淌，
但至少可以把眼前的瞬間留下，並在未來慢慢的品嚐。

如果你吾係X100系用家：
1）內置閃燈👍🏼 影人補光超方便！我set個function dial 開flash，通常set -1to2用黎補眼神光，開flash差唔多快過iPhone
2）leaf shutter👍🏼 無聲無震吾嘈人，用閃shutter speed可以上到1/2000，太陽下都可以補光
3）內置4級減光ND👍🏼 強光下都可以F2.0
4）富士色彩和黑白的處理手法👍🏼 加上佢d film simulations，網上仲有好多recipe 可以玩！ 黑白和彩色的recipe 都有。佢d色真吾真實？！ 玩左佢d film simulation 你會明由菲林開始顏色從未真過 😂
5）OVF！？ 係獨特而且可以幫助capture decisive moment。不過我都小用

如果你係X100用家想升級：
1）鏡係明顯進步左，幾千蚊當買支新鏡都合理。當然有啲人會覺得舊鏡有味道或者好夠用。
2）反Mon👍🏼 之前冇，現再有先知會成日用。高低炒，影小朋友和動物，特別是腰半位街拍真的好方便，加強構圖靈活。
3）多左film simulations 和可以set clarity，Chrome effect之類👍🏼 就算唔係直出JPEG，由嗰個base 開始執都可以慳好多功夫
4）Mon 和EVF靚左。有touch screen，不過我冇用
5）對焦和追人面速度稍有提升。不過我通常慢拍，唯有街拍時有幫助

1）冇咗上代個view mode制，要特別set
2）手握位好似比上一代暖，不過冇乜影響
3）拍片功能一般，未必啱要主力拍片的師兄
4）如果clarity 不是0，影完save 相會慢好多
5）冇十字鍵冇咁方便
6）冇IBIS！ 不過如果部機要加錢加size加重量才有IBIS，我寧願冇 😉

如題，如果只能帶一部機去孤島，我會揀佢！ 內置閃，內置ND和leaf shutter，係獨有的。佢IQ 吾係最Top（始終細sensor)，但是好夠用，如果你要玩鏡，鬥spec，呢部機滿足吾到你！ 但是佢可以每日陪伴你去一d 你未必會帶幾Kg器材去的地方，影一d手機俾吾到的相！

1) 都係貪型靚正，又Iike rangefinder, 造工細緻。
2) 我用了3代X100，今次最大升級係鏡頭銳利度大幅提升，F2全開都好利下，可常用F2出更淺景深。
3)影像質素在APSC來說算是一線，顏色吸睛，jpg 機直出還不俗。noise 去到iso 6400都可用，細節都不致命於磨走太多。
4)有閃燈，補光方便。
5)AF準確，一般生活照，近攝花草，都好少走焦。
6)難得made in Japan, 越來越少。

同意之前其他師兄所述，其實都幾多下…
1)就算 update 咗最新 firmware, 部機揸手電池位照舊發熱。就算只用OVF，都係熱。不過我試過大熱天時用1小時，都運作正常，所以只係心理上麻麻地。
2)可能我用錯...點解只選用OVF時，按menu 制，仍然要係EVF內睇menu?! 而不是LCD; 除非你選用 eye detect 自動轉换OVF/LCD, 但當你放下相機時，又長著LCD浪費電量。依個只係其中一個例子，我想話: X100V 好似好貼心，好多custom setting, 但唔好用，有d煩，多餘，就像設計者本身唔係影友，為設計而設計。
3)希望將來原廠 filter ring adapter and lens hood 會平d。而且個hood 扭入 adapter 後，無位click 實，有時會鬆出嚟。而且用咗 hood 後，又用唔返原本個 lens cap, 難道每次落 lens front cap 都要扭走 hood 同 adapter ? 即時叫你自己另買坊間 49mm /55mm lens cap，可見設計粗疏唔 user friendly 。
4) 顏色雖靚，但唔忠實，尤其紅色，例如你去影法拉利紅就會明，總之休閒機唔好太認真。
5)Auto iso 偏向用高iso (就算大好陽光)。

其實用 fuji official software silkypix 轉RAW去 jpg 質素會好過用機出jpg，貪方便用家要留意。
如果你對 rangefinder 無情義結，绝對唔值1皮野。而且影像質素不及Z50 和M6Il。
如果旅行便攝，28mm會常用過35mm，XF10或GR3會實用d，至多影少d淺景深。
所以X100V係好個人喜好嘅 fun fun cam，要實用就揀其他。
另外，我真金白銀去大舖買行貨，為什麼不即埸送電? 又要上網登記搞一輪，之後去另一個地方先收到電池，簡直擾民。