對焦速度頗快
成像銳利
有多個multi-functional button
防震能力頗高 可用低快門
內變焦方便拍攝

重 但係比其他廠輕好多了
需要95mm綁匪價的濾鏡
遮光罩冇膠邊 放地下較容易出現痕跡

飛機愛好者一名 賣咗TC 2.0X換呢支鏡😂
對焦同成像方面提升咗好多都應該係廢話
一皮野嘅水貨價竟然同罪大差唔多
雖然冇S line但係都保持到水準幾sharp嘅
Lens breathing都冇乜點出現
係一支好抵玩但係好重嘅鏡
各位帶出去旅行前請擔憂你個背囊同搏頭嘅壽命😁

Ditto

1. 同XS10比較, 冇鈕mon, 只有反mon, 反唔到去自拍, 而且部機唔用時, 冇得180˚鈕轉泊埋個mon, 所以要準備好玻璃mon貼去保護個mon. 好似XT4咁就perfect啦.
2. 手柄位比起XS10淺, 所以我係淘記買左底座連實木手柄(人民幣$2xx), 問題解決了, 相機外型更"文青化".

如果有XT20/XT30/XT30II/XS10等等，升級是時候，如果有XS20就要按自己需要考慮升不升級（因為XS20唔算出左好耐，二來XS20只係同XT50差左個像素，可能未必需要太過急切升級）。至於需唔需要再等下呢?（現在富士趨勢都似係將所有product line都加入IBIS）例如pro4，例如XE5，等等都好有機會加入IBIS，要唔要再等等先升級，按自己需要而決定。

本人由XS10升級過來TX50，當年一推出XS10就馬上買，三年前，當時只有X100V炒賣中，其他型號沒有人炒。所以XS10價錢很合式。三年後的今天，XS10新機連15-45kitset都要$10000以上，而且不是你願意比呢個錢就有，仲要搵到有現貨先得。
所以我部XS10 kit set放左一個基本上同三年前平手的價錢，冇蝕過。
所以各師兄如果有XT20/XT30/XT30II/XS10等等，想升級XT50，我覺得現時時間合適，直頭"食正條水" 。

先講講XT50，單機$11xxx，連15-45kit，$12xxx。

Kit set來計，XT50比起XT30II貴大約3.5k。以body計，XT50比XT5平$2.7k左右。

但XT50比XT30II多左7級防震，以及像素提升到4000萬。個spec直迫XT5，但平過XT5 $2700。 所以XT50雖然過萬蚊一部APSC機，但性價比爆燈。（XT50身為一部APSC機比我之前讚不絕口既全片幅EOSR8貴，但我仍然認為性價比爆燈。）

我用左幾年XS10，覺得部富士機好正，愛不釋手，色彩調校等等功能好正，快門聲好清脆，雖然後來都長放防潮箱，但每個月拿出來玩都好有感覺。但可恨之處就是XS10的操作是單反式的操控，即是P-A-S-M mode。玩不到古董菲林機的操作。只不過當年（三年前）根本冇得選擇，XE4冇機身防震，XT30II都冇機身防震，XS10有機身防震但單反操控。
當年如果要菲林機操控及iBIS, 只有XT4可以選擇, 但kit set要成16K-18K，呢個價錢真會令從來未玩過富士既人卻步。所以三年前, 我選擇了XS10, 而沒有選擇XT4.
現今，富士大發慈悲，終於肯將iBIS下放到中楷的菲林式操控機, 而且kit set 12k多少少有交易, 相對易入口D。齋body$11k, 所以富士老玩家升級到XT50都係時候。

XT50及XT5怎麼選？（大家同樣是4000萬像素, 同樣機身iBIS, 同樣6.2k拍片）
1. 操作方面:
XT5有5個獨立轉盤：快門，ISO，加減光，模式，影相/拍片 (使用鏡頭光圈環控制光圈)。
XT50有三個獨立轉盤：快門，菲林模擬，加減光 (使用鏡頭光圈環控制光圈)。ISO要共用公家轉盤，影相/拍片/其他模式在瑩幕操作。
以上操控能不能接受，人人要求唔同，反正我覺得OK，我可以接受到。但菲林模擬轉盤我都唔會用到 (順帶一題: 菲林模擬轉盤，係唔可以用家自訂其他用途，例如不能改為控制ISO，就只能用作菲林模擬），我個人覺得本代有一個菲林模擬轉盤既調動，為左打入小紅書巿場，我就一般般，我都係常用我自己調出來既色系，所以什少用菲林模擬。
2. XT5有防塵防水滴機身，XT50冇，我個人覺得OK，小心D用啦，落雨唔好用Law...
3. 但XT50輕好多細好多(438g vs 557g), 而且機身XT50比XT5細左成個碼(其實望落去都好覺)，所以我較為取向於XT50...
4. 電量方面, XT5用大電, 可以影700張, XT50只有350左右, 要考慮帶多一粒電出行.
5. XT5有雙咭, 睇你覺得重唔重要.
6. 以上項都可以看得出XT5既配置係旗艦級水平, 雖然影出來相片同短片幾乎完全一樣, 而售價方面: 齋body相差約2.7k

但如果不考慮以上旗艦機既配置, XT50已經做到XT5既野, 所以本人選擇較為輕身的XT50了.

本人現主力用16-80mm f/4鏡頭, 但聽聞鏡頭唔係太過食得晒4000萬像素, 會否需要換支新鏡16-50 f2.8-4.8呢? 我持觀望態度, 不竟支鏡都唔平: $5600, 同一價錢可以買到好多好靚既副廠鏡, 我都係等等先, 等多人用過支16-50 f2.8-4.8, 睇埋評測先決定.
但我自己反而睇中另外一支鏡: "Sigma 10-18mm F2.8 DC DN", 有富士Xmount, 又輕, 又細支, 又恆定大光圈, 又超廣角, 價錢平過富士16-50 f2.8-4.8(而10-18呢個焦距正好連接住16-80呢個焦距). 都有得諗.

當我有幸walk in用官網價（非炒價）入手到XT50，仲要買到極罕有既灰色，我第一諗到真係想炒賣出去賺兩千蚊應該問題不大。
但後來了解清楚部機個spec，再睇睇個實物，深深被吸引住，最後決定賣XS10，keep XT50...

呢D就係富士品牌的魅力。

其實功能上已經好好。像素低小小之外。
定價太高。21,480的話，加幾千蚊不如直接上Z8，一步到位。
大陸開賣都是18999，匯率換成港紙都比港行平1000幾蚊。如果大家都有保養。我不如買大陸行。
EVF的確是最吸引人噶地方，因為Z9,Z8都無甘高清。

- Sharp到不得了
- 造工極佳
- 防震有料到
- 100-300mm效果世一

- 250mm開始光圈收得略快
- 真係有啲貴，但考慮到鏡一用就用好耐，其實攤長計都可以
- 好容易hide到較光圈果part
- 稍重咗啲，不過相信已經係佢能力做到最輕巧

貴係貴咗啲，不過真係一分錢一分貨
本身有支A035，但用落Z50表現欠佳，最後終於等到Nikon出呢支鏡，想當年真係一鏡難求

1️⃣依家平 $1500 機+ 50.8
2️⃣當年Canon誠意嘅作品，好有親切感
3️⃣用料紮實
4️⃣操控簡單
5️⃣數碼菲林色
6️⃣外型好復古

1️⃣大嚿？我唔覺得係問題，反而好揸手
2️⃣重？唔係問題，因為應該50 1.8已經好夠用
3️⃣連拍慢？都係嘅，不過我少用
4️⃣讀咭慢？唔覺，因為我喺SD Card轉C F
5️⃣得九點對焦？其實影相，淨係中間一點就已經夠

缺點，眼你習唔習慣架姐

依家已係2024年6月
已經踏入咗成熟嘅無反年代

我用過好多唔同種類嘰單反，無反，菲林機
4大品牌都用過，轉Mount 手動鏡。。。

點講呢。。。。
就係5D 1 佢俾到嘅，就係好原始原始嘅感覺
ISO 800-1600 可能係依家市面上菲林嘅極限
就正正因為5D嘰1600 iso 果種顆粒感
5D嘰果種有缺陷嘰測光，所以
佢能夠數碼影出菲林嘅感覺
大大慳咗買菲林同曬菲林嘅錢😅😅

由人生第一部5D2 ，每次換上上到而家R8 Z6ii
結果今日就回歸原點，
買咗部2005年岀，當年為Canon 打響頭炮嘰5D1+50mm 1.8 ii，當然5D2影響力更大啦。。。

依家啲無反機，係好勁，畫質高，又1秒連拍幾多百張，又預先影相，又追乜追乜，影出嚟嘅相就係太靚太靚太靚，乜嘢都係畫質優先
結果就係好假，好多修正，欠缺真實，最重要係冇左操控感。


依家回歸起點，發覺Canon 5D 嘅相真係好靚
好真實，而且個顏色好有當年八九十年代嘅風格。

依家咁平，大家如果買返一部玩吓，可能會有返唔同嘅感覺。

2千零蚊嘅APSC鏡頭，同之前嘅EFM 11-22一樣咁抵玩，有防震，1.6X之後就係16mm，都算係幾廣啦，輕輕鬆鬆帶去旅行超正

光圈太細，真係細到死，得F4.5

平靚正，超輕超細支，裝上R10之後都係勁輕便，畫質唔錯，邊位都掂

....

....

作為一名熱愛攝影的我，最近終於入手了 Sony a7r V，這款相機給我留下了非常深刻的印象。

首先是它的畫質表現細緻、有層次感，人像、風景還是細節特寫，都有出非常出色的解像度和色彩還原度。即使在高對比度場景下，相機也能捕捉到豐富的暗部和亮部細節，動態範圍表現相當出色，目前非常滿意。

ditto

ditto

R8出了一年, 我都係咁講:"如果5年內只想買一部相機, 就R8吧."

由RP升級上來 (近來二手相機價錢都好硬, 特別係富士, 二手價可以貴過兩年前一手, sony的A6000竟然有人放$3000, 即係6年前呢個價買入新機, 6年後今日呢個價賣返出去.), RP都放左一個本人覺得滿意既價錢.

近年來, 興趣由拍照轉為拍片, 其實是一個趨勢, 以前手機網絡傳輸速度, 仲講緊3G/4G年代, 社交媒體之中的播放影片都是360P, 720P已經好勁, 而家1080P, 什至4K / 8K 影片都好流行.
一個講法應該絕大部份人會認同, 就是: "影片比相片更能講說話". 加上像素相對較高既短片越來越流行. 再.再.再.加上拍片器材越來越細, action cam細過無反好多.
所以小弟早就把興趣轉為拍片了.

以至家中部RP, 待了5個年頭, 一直少用, 除了"去旅行如果唔帶無反, 好似對唔住個旅行咁" 之外, 基本上是沒有用的.

本人作為一個用量極少佛系用家, 為何千選萬選 選了R8呢? (本人本身有幾支鏡唔係一個必然的不轉會原因, 反正而家賣出去都唔係蝕太多).

原因是:
R8的重量 比RP還輕, 461g, 接近天花板的存在
40fps連拍, 接近天花板的存在
萬元以下的全片幅, 你仲想點?


- R8的重量 比RP還輕, 461g, 接近天花板的存在
雖然唔係最細部, A7CII細部過佢, 但都冇佢咁輕, 輕先可以隨意帶出街, 去旅行都冇負擔(唔會重到唔願意帶出街), 買左既野容易成日用得著果樣野先至係真正屬於自己, 因為我係攝影愛好者, 唔係古董收藏家. 5年內什至更長時間，都好難有全片幅機超越到佢既輕, 就算有都可以能輕得果少少。

- 40fps連拍, 接近天花板的存在
即使有機出到50fps, 60fps, 都是數字問題, 你用得著先算啦, 以及平唔平過R8先?? 40fps我都唔太用得著. 我影公司藍球賽係R8+24-240mm F4-6.3.. 用20fps, TV mode 1/500s快門, 室內場打捉全場. 我覺得好夠玩(順帶一提: 一粒電, 影3300張相, 影左一個鐘, 剛好冇電, 完全冇投訴, 我有三粒原廠電, 都唔洗換電.) 睇返D相, 大約有80%中, 因為比賽場上人數太多, 所以你要對果條友比人遮左係成日發生.

- 萬元以下的全片幅, 你仲想點?
M43系統旗艦機$2xxxx; 成日睇到/聽到人地買m43機原因貪佢輕，但其實部機比R8重喎。
唔出全片幅果個復古品牌APSC機, 旗艦機接近16000, 但都只係APSC機. 部機都係重過R8, 所以R8適合我多D.

^反駁隊上身1:
別人: 你冇野呀師兄? 部機咁輕因為閹左機械快門, 你咁都接受到?
我: 你要玩30fps / 40fps都係電子快門啦. 用起來冇分別; 況且, 呢部機係 電子前簾, 我買之前特意上網查下點解, 意思是: "電子的前簾快門". 係唔係後簾快門就係機械?? 為左求證. 我去連鎖電器店試左一樣野(其實唔建議大家學我, 好採冇整壞部機, 否則要賠): M mode, 快門調到30秒, 按下拍攝制, 扭開鏡頭睇下.. 嗱!!! 大大塊快門簾落左呀... 所以師兄唔好再話佢冇機械快門呀.

^反駁隊上身2:
別人: 冇機身防震, 震到你嘔.
我: 我而家拍片都主要用action cam, 以及360相機拍. 唔太用R8拍片, 而我有一隻無反相機云台(一手好貴, 二手唔值錢, 有需要可以用前買二手, 用後放左佢), 我一直以來幫人拍wedding都係用無反加云台的... 我部富士XS10都係6級5軸防震, so what? 拍片要有最流暢效果一定要配返個云台.
如果影相就用鏡頭防震，一樣掂。機身防震都只係近幾年先有，邊有可能話冇佢影唔到相拍唔到片？

^反駁隊上身3:
別人: canon冇開放mount, 鏡頭選擇少好多.
我: 的確係要考慮既一點, 但以前ef年代開放過, rf會唔會開放, 係遲早既事, 況且, 唔同m系列, 佢地好積極開發新鏡頭, 其實本身條line都夠用, 例如藍球賽就用24-240, 足球賽就用100-400, 打雀可用200-800. 都係平民價錢 以及 輕便之選.


如你睇到呢度, 感謝你睇左咁耐先...
我而家5支鏡: 35/1.8, 50/1.8, 16/2.8, 24-240, ef 17-40/4. 為左進一步輕便自己, 我可能會買28/2.8 , 會放走35/1.8
唔好問我點解, 我鍾意law...