外型: 全面革新, 不論鬼面罩及前所未有的尾門一睇就知係新款車, 收視極高.

引擎: 全新型號L15B, 1500cc turbo 直四引擎, 表現出本田高水準制作, 幾乎是全時介入的turbo 散發出跑味. 就算Full Load起圍都有心有力, 一眾紅跑都望塵莫及.

波箱: 無段變速技術相當成熟, 轉波順暢, 反應快, 對減低油耗是其中的幕後大功神.

錶板: 全新設計液晶錶板, 光暗分明, 資訊一目了然, 還有多種燈光顏色供車主自定, 可制造出獨特氣氛, 令沉悶的車箱加添不少樂趣.

多功能呔盤: 呢樣係小編最為欣賞, 呔盤尺寸只有大約13.5吋直徑, 不會像貨van的大, 尺寸縮小, 操控會更加得心應手. 呔盤還增設定速和音響控制功能, 方便到暈.

WakuWaku尾門: 雙開式設計, 橫又得, 直又得? 得左!!
尾排坐可以單手操作, 令整排凳即時唔見左, 其實係隱藏在車尾底下, 令存放空間快速變大, 呢個設計可見一班, 確實落左唔小功夫.

油耗: 小編個人最高記錄49L 行721KM 重要8成開冷氣.

安全: 有VSA 車輪穩定系統& HSA 斜坡防流後, 重有左前車頭輔助鏡, 真係好有用, 泊車及窄位出車都唔驚Goodbye&Kiss.

避震: 如坐船, 呢樣係同級最為一致的問題, 但又唔係個個人認為係缺點.

制動: 同級黎講算係最理想, 但都不足夠, 特別Full load落斜時, 建議廠方頭轆改用大孖遮為基本制動系統.

小編最欣賞呢部車係1500cc turbo, 有氣有力, 又慳油, 地台低, 小朋友及老人家上落冇難度, 尾排設計及waku waku 尾門岩晒我呢D 一車多用的人士, 放假去下野營, 放埋單車都好輕鬆. 平日當腳車返工又唔會太老土. 正所謂出得黎行, 更係要見得人.