攝影日記●日日記 (一)
(o係開始之前, 小弟我先自我介紹一下 (^_^).)
我係亞John, 朋友都叫我成成/John John,
20歲,現時係澳洲留學, 修讀護士.
攝影知識十分有限, 不過正義務跟隨一位攝影師工作,
希望可以改進一下~!(XD)
(好啦~入正題)
早前識到一位馬來西亞女同學, 佢有眼無珠, 想請我為佢拍一輯"私影" (@_@).
我從未有單獨拍攝女模既經驗,因為以前都係跟住"師傅"去既,
根本就冇實際經驗...
不過同學再三表示唔介意結果, 於是我就膽粗粗答應左.
(廣告時間: 請支持下我既Page 啦^^")
"外國地方風景如畫"
冇錯, 澳洲地方大, 四圍都係花花草草,
照道理係好容易搵到合適既拍攝場地,
不過原來一大片草地都會有問題出黎.
因為女主角冇拍攝經驗, 表明 "所有Pose 都會難到我" (=_=") ,
到時女主角可能就會呆呆咁,一碌木坐係度OR企係度.
取易不取難, 於是我去左一個兒童遊樂場, 做左2次實地視察,
發現上午8-11點同下午既4-7點都好適合拍攝,因為陽光都偏向柔和.
(猛烈陽光會令主體同背景既光暗差別加大, 好可能要捨棄背景, 令背景死白.)
(主角面對太光亮既環境亦好可能要"蒙蒙眼", 即使唔洗, 胴孔亦會縮細, 顯得比較"無神")
係8-11點 同埋4-7點之間, 我揀左下午.
大家起身照下鏡都知咩事啦, 口腫面腫仲話影相 (=D).
我又搵左一個舊相機用黎做道具, 希望主角拎住D野個心可以定D,
又可以用佢幫助擺下Pose.
原來同Model 既溝通真係好緊要, 唔止係拍攝既時候, 拍攝之前都係.
係我好緊張既時候, Model 都早已為拍攝做緊準備.
Model揀左衫同鞋, 不過同我心目中有好大分別,
發現左問題, 原來係我冇好好交代我心目中既拍攝氣氛,場境同題目.
溝通過後, 雙方對髮形, 衣著等都有共識.
(不過拍攝當日發現Model既友人為佢化裝同揀衫,完全冇理會我提出既意見, SoSad.(-.-") )
開始拍攝
拍攝既時侯Model 對住鏡頭笑笑笑, 所以影相既我忽略左Model 其實真係會笑到"累".
休息時間同Model 分享剛才既拍攝成果, 可以增加Model 信心, 又可以令氣氛更加輕鬆~Good =D!
係拍攝既前段, Model 同我都比較緊張, 我唔夠膽講出自己既要求, Model 都唔夠開懷.
如果Model 未能投入, 讀者會係Model 既眉梢中感覺到.
所以我提出先拍攝比較動態既照片, 就係傳說中既 "飄浮照" (@0@) ,
玩完一輪之後 Model 開始習慣鏡頭, 亦放心係有路人既情況下擺POSE.
拍攝途中, Model 既友人表示好悶同好累, 係長椅訓左.(但係當時只係影左20幾分鐘)
冇左呢位友人, 雖然唔至於有咩大損失, 但就添左唔少麻煩,比如說冇人幫 Model 整理頭髮等等.
所以搵朋友,最好搵個對攝影有熱誠既, 而唔係搵個只係對攝影好奇既人.
因為佢地可能只會視攝影係一種吹毛求疵既玩意, 往往只會令有要求既你失望(~_~").
今次既拍攝令我發現左...
1. 訂立主題同地方後要馬上同Model 溝通溝通, 以免浪費Model 一番心機.
2.實地視察好緊要, 加快拍攝效率!!
3.Model 原來唔係住係我肚入面的(偷笑)!! 要狠狠地提出我心中所想, 等Model 知我想點.
4.我唔洗怕羞, 因為Model 仲怕羞過我(@v@).
5.要注意Model 既狀態~比佢休息, 仲要係休息時間同佢溝通溝通, 把握機會緩和緊張氣氛.
6. "飄浮照"可以令Model 好High, 付出少少時間可以令之後既拍攝更順利=D
7.有得揀既話, 揀個好D既朋友, OR 熱愛攝影既朋友做助手.
多謝大家咁有耐性睇晒呢邊日記^^~
我會繼續努力, 希望大家都"攝影進步"
THX^^~
(廣告時間: 請支持下我既Page 啦^^")
(廣告時間: 請支持下我既Page 啦^^")
我會多多加油!!