青衣公園之紅葉 - 港版加拿大湖景

it is time to find some place not so crowded..... HK really too small to fit 8.5M people....

那一排共廿八棵青衣公園裡的水松水杉（當中有兩棵樹幹較粗壯的落羽杉）每年的一月份葉子都會準時地轉為濃郁的橙色（把它說成是紅色實在牽強），對我這個資深青衣街坊來說，這是每年的麗景和例景。過往沒太多人留意這景致，今年很不一樣，青衣公園突然火紅，元旦日吸引了很多遊人，週末更驚人地熱鬧。有些遊人亦將水松水杉跟大棠的楓香比較甚或混淆；當然，兩者各有其美。如果是一家老少總動員去觀賞紅葉，市區公園確是比大棠方便得多，雖然大棠賞楓也祇屬於低難度。而且除了水松水杉會轉橙色，很多樹種也會在冬天轉紅葉，在青衣公園就有長在後山的熱捧楓香和很當眼的葉片如乒乓球拍那麼大的欖仁樹。

攝友發相分享不注重物種甚或混淆是預期之中；但導賞文的要求就要資訊正確了。

sigh....wasted such good place

麻油，多謝你既留言同分享，利用"災難性"來形容此情此景，Chaionardo是絕對認同的，要完全避開人群去拍攝純風景照，基本上係絕對無可能。

就係因為無可能，所以我地可以用心尋找，係青衣公園發掘更多紅葉以外既趣味點，如果只係為左影一排紅葉而到青衣公園，多必會失望而回，但如果係為左遊覽青衣公園而到青衣公園，這個想法，會令一切變得更美好。

對於一個由出世到依家，係青衣住左廿幾年既Chaionardo黎講，可能係對得多，麻木左，Chaionardo對青衣公園既印象係咁的: 
1. 青衣公園只係一個中學時期，上運動堂，圍住公園跑步考體能既地方。
2. 青衣公園只係一個接駁青衣邨同青衣城既一條小徑。
簡單講，青衣公園只係一個平平無奇既公園。

經過今次"傳媒風"吹過後，青衣公園真的迫爆了，但與此同時，Chainardo亦有以下感受:

首先，傳媒風為青衣公園帶來了人氣，青衣公園裡唯一既小食肆，人流向來都係冷冷清清，今次事件為青衣公園帶黎左人流，帶動左小食肆既生意額，傳媒風，簡接幫助了這個小食肆，亦為小食肆既員工帶來新希望。

另外，呢個世界有好多人，因為身體行動不便而無機會睇到紅葉，去過大棠影紅葉既人都知道，要成功去到大棠紅葉區，就算搭的士去到閘口位，都要徒步30-45分鐘先可到達，當中仲要上斜落斜，對於老人家，行動不便既人黎講，大棠紅葉對佢地黎講，實在太遙遠。
青衣公園呢個地方，由地鐵站出發到紅葉區，十分近，全平路，正常步速5分鐘即可到達，途中亦無任何一個台階，你我他，咩人都可以去到，咩人都可擁有觀賞紅葉既權利。

青衣公園，除左紅葉外，公園內亦有一個小小既草地，為一家人，三五知己提供一個免費消閒場地，渡過一個輕鬆愉快既下午。

凡事總有兩面，從攝影師角度去睇，人多一定唔係好事，但從在一般市民角度去睇，報道亦有佢存在既地方。

傳媒風未必會為一個地方帶來破壞，破壞一個地方既係去該地方既人既素質，只要去既大眾唔係破壞緊青衣公園一花一草一樹一水，被"傳媒風"間中吹下，亦未嘗唔係一件好事。

只要不是極端瘋狂，"傳媒風"有時亦會為社會帶黎正面影響。

上年影過一次，非常好影，沒什麼路人…
不過今年就可以用"災難性"形容迫在公園…
報紙威力認真厲害！再加埋肥花宣傳力…
想影得靚都難！