續上回，一行五人睇完鯨魚後，駕車沿路駛向冰島北部另一主要城市Akureyri途中，在公路上遇上翻車意外！
我出海觀鯨後有小小眼訓，上車一陣就訓著咗，冇幾耐，突然感到一下大力搖晃，當眼睛張開的一剎那，車已失控drift打緊白鴿轉！驚魂未定，感覺車已經凌空翻轉，從車窗望岀去個地平線係斜成45度！過一秒後不知撞擊了什麼，然後整個人已經被泥水浸著。
當時發覺自己仍然清醒後，就先把朋友救出，再將插在水氹（望落似一條小河的長條型水氹）中的車身翻返正。
公路上經過的途人見到情況都幫手救援，其中更有一位印度醫生，他立刻為各人檢查及做保暖工作。
眼見個相機袋已經totally濕曬，就即刻睇下個iPhone影唔影到相，然後就用車禍當事人身份去紀錄這場車禍。
影咗多年新聞攝影，估唔到會有一次係"自己炒車自己影"嘅經歷，這之後對我的攝影體會都有唔少影響。
之後五人即時送院治理，當局安排了Hostel給我們暫住，待了兩天後，我們再繼續那還剩下1/4個冰島的環島旅程，不過不再是自駕了，而是坐巴士，兩日後返回首都雷克雅未克(Reykjavik)。
如果失控drift救唔到架車，就撞欄冲咗落海，全部五人變雪條。
已經夾手夾腳翻返正部車，之前架車係打側插入水氹中，見到車頭"泵把"成個飛咗岀嚟，倒後鏡爛曬。
從另一角度睇，車尾玻璃碎曬，全部行李由車尾飛曬出，醫護人員和路人都幫手救援中，好清楚睇到個水氹真係救咗我哋五個人，如果架車繼續失控drift撞向山，都會係兇多吉少。
左手邊的同行朋友，佢成面成身都係泥，當然同影緊相嘅我都係一樣成身泥。
行李好彩全部搵得返。
這位冰島小姐用自己的身體為我的朋友保持體溫。
幸運地現場有名印度的醫生幫手進行急救。
當日相機全都壞了，我們之後把全部相機用水清洗乾淨，打算風乾後做紀念品，神奇地當中的OlympucPM2竟然可以影返相，仲一切操作正常！好痴線！炒車撞完落水一次，再用水洗一次，咁都仲影得！
下一篇文章我會講用這部返生的PM2，向救返我哋五條人命的水氹（望落似一條小河的長條型水氹）致敬嘅相片。
我隻手多處被飛碎的玻璃
兩日後，當然要去位於首都雷克雅未克，全冰島最大最高最壯觀嘅哈格陵姆教堂還神。
