相信有唔少人都試過係飛機飛行途中囉部相機出來,對住個窗係咁影。
坐夜班機既,都期望可以一拍「天空中的銀河」。
但有唔少人都會有種錯覺,就係要坐長途機先有機會影到 !
其實大家只要係出發前做足功課,就可以影得到。
首先 , 係買機票既時候記得選近窗口的座位 ,
同時需要留意機翼的訊號燈的位置及飛機航道。 (小弟多數選飛機左邊近窗座位 , 而前後排就因應訊號燈位置)
銀河出沒時間 , 每一個地區的出沒時間都有不同 , 大家可以先下載 Stellarium。
Stellarium 是一款開源的虛擬天文館軟體。她可以用 3D 方式模擬真實的天空，看起來就和使用肉眼、雙筒望遠鏡或天文望遠鏡看到的一樣。她在多個天文館中被廣泛使用。您需要做的只有設定好您所在地的坐標。
所需工具
- 八爪魚腳架/零號腳架/苦練幾十年既石膏手
- 紙巾或小布 , 用於清潔玻璃窗
- 一件大不透光的外套/忍者板作阻擋飛機內光源
- 快門線
以我所知 , 台灣返港的航班是不準腳架作手提行李攜帶上機。
飛機起飛後 , 需要一段時間先會達到均速。而大家就要在這段「均速」時間下拍攝 , 將震盪減致最少。
鏡頭選配 , 建議使用可拆遮光罩的大光圈廣角鏡頭 :
例如 FA 20mm F2.8 , FA★ 24mm F2 AL 或其他
圖中為由台灣返香港的航班 , 使用Canon EOS 6D + Samyang 14 mm F2.8 。
因為前置遮光罩不能拆除 , 未能緊貼玻璃窗 , 所以擋光十分困難。
當大家都打開腳架 , 接好快門線 ! 對焦 , 光圈快門ISO都萬事具備 , 跟住就係不斷影!直到你滿意為止。
雖然飛機到達「均速」,但難免少有突發事件如 : 開燈 , 少量震盪 , 或者是氣流。
係相機螢光幕睇縮圖,眼看似成功,實則是fail。
你要放到最大,先會知道係龍定鳳。依一張當然係失敗啦
你有可能要影過百張,先會有一張成功。
係三萬多呎高空下影銀河 , 我都係第一次!
圖中為香港往英國的航班。
Pentax K-1 , Fa* 24 , 15s , F2.0 , Iso 12800 , SR ON , tripod
係飛機上影相有機會騷擾到隔離位休息 , 記得適可而止 !
FaceBook:
其實我影左百餘張,只有一兩張先係沒震動的
但做好準備,成功影到既機會就會大增