攝貓之旅

 今次我想同大家分享自己對影貓的心得，係未接觸影相之前，我已經好鐘意貓，好鐘意望佢地，同佢地玩。 貓本身有好多特質都好吸引我, 佢地眼大大，毛色, 行路姿態都令到不行了。 

所以接觸相機之後，佢地當然係一個絕佳的攝影對象啦。

機身方面 : 輕便 + 畫質 + 操作

• 由於我自己影貓係當作一種娛樂, 所以8成半時間以上都係用無反去影，現在的無反相機實在太方便了，機身+鏡可能只係單反一支鏡的重量。重量非常重要，影貓多數會去好多比較遠的地方，例如大澳，茶果嶺等，所以若帶著5DM3+24-70F2.8，實在太重，整個人都無心情影。
  
  
• APS-C篇幅確保有一定的畫質，所以SonyA系列，Fujifilm，我都比較推介，當然有全篇幅會更好
  
  
• 大家可以選擇有反Mon設計的相機，反Mon方便各種不同的構圖，可以同貓係同一個視線水平，係一個非常實用的設計。

鏡頭方面我推介使用大光圈定焦鏡, 確保畫質之外, 可到做到淺境深, 

而焦段選擇方面，其實使用 35mm/ 50mm / 85mm 都不同的感覺。

• 85mm
  85mm 這一個距離本身有種用第三身角度睇事物的感覺，影像比較有故事性。
  用85mm來拍攝貓的好處就係可以保持一段距離不會嚇唬了牠，因為有時候捕捉牠們既時候，走得太近牠們很快會走開。拍攝期間與貓咪保持一定既距離的話，牠們大多數都會迎面望住你。85mm能夠做到的壓縮感會更大而且容易做到淺景深，令主題更突出。

• 35mm
  在35mm的鏡頭下，景深相對無咁淺，而好處係可以帶入更多景物，運用不同場景/物件去帶出message，增加相片的內容，可是若不會決定哪些元素要留在畫面，就會有反效果。另外如果遇到唔怕生人的貓，就算行得近，35mm就得夠應付到。
  而且帶住35mm其實可以影題材好多，可能有一日係為左影景/人，而巧遇靚貓一隻，35mm都發揮得到。

•  50mm
  我個人就比較喜歡用50mm的定焦鏡來拍攝貓咪，50mm係35二85mm中間，影貓果陣唔會怕太近同太遠，能夠與貓保持一定的距離唔怕影得唔夠近又唔怕同吸引唔到佢，另外50mm好容易就做到美麗的散景，50mm鏡頭一般比較輕，入門的價錢都比較親民。

講完器材上的建議，還有一些拍貓的小技巧

• 連拍
  連拍功能唔係必須，而係對於捕捉貓咪動作時的確係個好幫手，現時好多相機的連拍速度已經高達1秒8張，Sony的A6300更加有11張，當然訓練自己有一拍即中的攝影眼係非常重要。

• 提高感光度和光圈
  提高ISO的目的係為左能夠使用更高的快門速度，因為貓咪的動作快，要捕捉清晰的貓咪相需要高速快門，當光圈開到最大，而快門又未足夠的話就要提高ISO，高ISO的缺點係要犧牲畫質，因為越高ISO就越多雜訢，而現時的相機就算ISO開3200都有唔錯的畫質，所以問題不大，我個人覺得高ISO的夥粒反而令相影片更加有菲林味，有時候我反而會後制加夥粒，下圖為ISO6400和3200為拍攝的相片。

• 細心&多感受多了解
  未必每一隻貓貓都鐘意比你影相，有時候佢地會反感，所以影貓要細心點，有時候見到貓貓受驚要走就不要追拍牠，有時候見到佢地訓緊教就要離遠小小，安靜地拍攝，如果貓貓親近你，不妨同佢玩下。
  要影得好一隻貓，溝通＆同佢玩好重要，研究佢一些小動作，眼神，作息時間等等，都有助你捕捉佢，就好似追女仔一樣，要花時間了解佢。