話說當日,我同隊友商量好,覺得天氣不佳,不利上山作戰,行平路探新路比較有着數。同埋之前講個陰澳有個小連島沙洲,所以我哋搭巴士去到青馬大橋收費站落車。開頭諗住影完陰澳就算,不過時間尚早,我信口開河話不如行去去東涌,隊友話好!我哈哈回應,好咪好驚你啊!於是就展開左嗰日嘅旅程~
是日出動鏡頭
青馬大橋收費站落車,開波我哋又係咁傾偈,唔經唔覺一個鐘之後就到第一個打卡點。從前呢度有好多木塘,宜家只剩數十條。可惜可惜... 再唔打卡,可能遲啲連呢10幾條都冇埋...
105mm ios64 f8 1/320
一路行行到入村,陽光一時出現一時消失,要把握好好機會,先有陽光!貼地構圖,儘量顯示第一身感覺~
58mm iso64 f? 1/640
因為Helios 44-2 58mm f2 八羽怪,係無斷控制光圈,因此相機沒有記錄,自己亦唔知調教左咩光圈。,一切憑感覺。
我哋本身諗住去連島沙洲欣賞下,但係可惜去到嗰時開始潮漲了,連打卡嘅心情都冇。好彩無啦啦有位師兄疊石仔,我見幾有feel,就用相機記錄一下。
58mm iso400 f? 1/2000
離開了呢條村都冇咩野影,行行吓突然間想影地鐵、高速公路,於是突然奇想,行上去影囉不如!點知真係有路!哈哈!我哋當機立斷,等埋日落夜景先走!其實我用咗菲林相機影一張,不過仲未晒出嚟,日後後補~
58mm iso64 f? 1/1000
日落冇咩野睇,所以唔出相了,直接夜景車軌。睇吓每一條行車線都充滿車軌,呢個係長時間曝光嘅結果,並非疊相~(我知個水印斜咗少少,不過好心歷修正返)
105mm iso64 f22 171s
正當以為今日旅程已經完結,無相再影嘅時候。突然間經過一個打卡位,我諗咗好耐都唔行動,但係經過隊友慫恿之下,結果都係進行自拍撚時間xD 呢張相真係兩個人先影到,因為要兩支腳架,一支腳架掛起支燈,一支愛黎拍攝。同埋確定位置都係兩個人比較好。
105mm iso1600 f2.5 1/3
嗰日旅程,算係周圍行吓打發時間,加上當日天氣唔樂觀,發掘一下新景點。你話有咩特別其實真係冇咩特別,特別長路程就真~
希望黎緊有機會或者有mood分享其他野,老鏡、新鏡頭又好,日常遇上大景出動經歷又好~唔知下次幾時,會遇咩大景又可以成個故仔咁呢^.^v
歡迎加ig交流!
instagram: andrewncy.images
多謝收看!多謝睇我分享!