《輕•定•細》-Flexshooter Pro Silver Edition
一直以來,鳥攝者都愛用液壓雲台,由10多年前筆者開始使用 Sachtler FSB-8到2017年Sachtler 推出的 Ace XL 都是筆者愛用的系統,雖然重量對於經常上山下海的我們都頗為吃力,但鳥攝者依然愛用液壓雲台有以下原因:
1. 超遠攝鏡頭需要對雲台組合安定性要求較高,由於輕微震動影響相當明顯
2. 於拍攝林鳥常遇光線不足場景,因此不時用上超慢快門(1/30s)拍攝以保持畫質,液壓雲台可以調節後保持器材平衡,不需鎖定,亦可調調阻力以提升拍攝成功率
3.液壓雲台可以調節不同級數阻力以方便拍攝者就自己習慣的擺鏡力度調整,以提高擺鏡與主體同步率
以上3大要求除了液壓雲台外,市面上一直實在難以找到取締產品,因此重量不輕(ACE XL 1.7kg) 依然廣受鳥攝者愛用!這重量困局已經維持多年,直到2020年11月 終於有新產品打破困局!就是本文介紹的Flexshooter Pro Silver Edition!有留意開鳥攝器材的朋友一定會覺得熟口熟面,不就是UniqBall UBH 45X!? 唯雖然外型量大小都差不多,如你認為他們是一樣的東西那就錯!!筆者最初接觸都這樣認為,加上香港用的鳥友太少,亦不敢冒險做白老鼠, 直到最近香港終於有代理引入,怎知一試愛上!當你見到呢篇文時我已經賣左ACE XL 啦!呵呵!到底有甚麼吸引之處可以取代油壓頭使用呢!?
就係以下咁樣!就係可以係完全扭鬆所有鎖下定位唔跌!!現時承重約4kg(3899g) 器材為Sony A1+SEL600F40GM+SEL20TC(實際承重為45kg!!)
單單看照片你可能未必感受到特別之處,一看以下短片我想大家應該會明白更多!
從短片可見就算雲台沒有鎖緊,都能夠於你想要位置定位!亦可加強阻力提高穩定性!擺鏡亦相當順暢,表現與液壓雲台差不多!看到這鳥友可能有以下問題......
與UniqBall UBH 45X不同之處
擁有UniqBall UBH 45X 的朋友到這應該完全能明與UBH45x 的不同之處, Flexshooter Pro Silver Edition同樣像 UBH 45x能做到雙波頭應有的全方位連作跟2維運作切換,最大分別是能做到定位操作,擁有UBH45x 的朋友一定明白被數公斤器材夾手指的滋味!(利申我亦是持有者!)
與平價液壓雲台不同之處
平價到不用$1000的價格,性價比當然是最有優勢,普遍6-700g 的規格亦與Flexshooter 差不多,但最大分別就是不能於解鎖下定位,仰拍必需鎖定,但鎖緊時普遍有移位問題影響構圖,會用過的朋友都會感受到仰拍時需用很多力氣支撐重量,鎖緊但又移位使用上相當困擾
與高質素液壓雲台比較
兩者最顯註分別當然是自重跟承重,自重輕一半有多!亦是筆者換頭的主要原因,仰拍角度方面Flexshooter會有缺點,自身經驗常大部份場景都足以應付,ACE XL 這方面優勢較大,阻力調教方面,ACE XL 需轉動中間的阻力環,亦只能以一整個級數調整,個人使用經驗上拍攝其間調較相當不便,亦不像Flexshooter 能無段式調較想要的擺鏡阻力,這細緻度其實相當重要!因每位使用者習慣擺鏡的阻力都不同,使用ACE XL 有時總會未能調較出個人想要的阻力,而且 Flexshooter 只需一個扭鎖便可處理2維鎖緊及2維阻力,在ACE XL 上需要2個扭鎖加1個阻力環共3個掣處理,對經常面對一瞬即逝場景的鳥人來說其實頗為不便。定位及順暢度方面兩者使用感覺其實差不多
使用不同類型超遠攝鏡表現
個人經驗上使用400mm/600mm大型定焦鏡兩者表現差不多,但使用200-600mm之類小型超遠攝鏡,Flexshooter 就算阻力調較到最低,感覺阻力依然會有點大,需要用較大力擺鏡,順暢度沒ACE XL這麼好。雖然Flexshooter 有推出較小型號(Mini Arca) 但用家budget取向上應該不會再多買一個吧!而且200-600mm 小型遠攝鏡,出動1.7kg 的ACE XL 實在有點過大過於不便,因此只有200-600mm 之類鏡頭用家,個人建議需要先試試是否適合自己才決定入手!又或直接考慮Mini Arca。
實際擺鏡表現可以參考以下短片:
面對突然變速、不段轉換主體、不規則飛行的場景最考驗雲台順暢度,個人使用經驗十分良好,與一般高階油壓雲台表現無異
Flexshooter Pro Silver Edition 設計介紹
Flexshooter Pro Silver Edition 為雙球設計雲台,外層銀波用法與一般波頭無異,內球為彈簧平衡球頭設計
外球附有水平珠,其中一個十分方便的用途為調較水平
外球由一個鎖定把手將球固定住
雲台亦設有轉直倒使用的開口
裝上Sony A1+SEL600F40GM+SEL20TC 穩定性相當高
左面是快拆鉗扭鎖,雲台相容 Arca-swiss Type 快拆板,而右面銀色扭鎖可作2維鎖緊及2維阻力調節之用,一鍵操作相當方便
快拆夾上亦附有鏡頭裝著方向拍示,左手操控鎖緊及2維阻力,右手擺鏡,操作時完全不需要望雲台本身
快拆鉗設有彈簧,遇上夾住快拆板過緊時可推動彈簧解鎖
Flexshooter Pro Silver Edition 設定流程
總結
Pros:
1.輕量化設計680g,但承重能達45kg
2.雙波頭設計,外波為一般全方位波頭,內波為二維設計,可用於一般風景類主題拍攝,外波亦可用於調節水平,鎖緊後使用內波可作鳥攝常用之二維波頭使用
3.內波頭有非常大覆度嘅阻力可以調節,用家可以按個人喜好擺鏡力度以一個扭鎖調節阻力,以達想要嘅順暢度
4.最亮眼嘅地方係佢“weightless support”嘅設計,就算內波頭調節到完全冇阻力,只要於開始使用前調較好平衡,佢都可以係何一點固定而唔會失重!!係呢個重量大小等級從未有過咁既能力!!(比較輕能夠做到咁嘅Sachtler Ace XL都需1.7kg)
5.擺鏡順暢度如一般油壓頭差唔多
6.無段式一鍵解二維設計使用上相當方便,加上weightless support 使用上冇負擔,基本上可以唔洗lock 頭,有突發擺鏡需要時可以慳返解鎖波頭時間,可以更專心拍攝
7.另一個亮眼點,就係佢嘅設計緊密度相當高,大風環境下,就算冇鎖緊,微震依然相當輕微,表現甚至優於ACE XL
Cons:
1.上下擺鏡調節幅度有少許不足,有時需要解鎖外波以達更大幅度
2.價格定位較高
3.扭緊需扭動副度較大,要扭多幾手
4.搬動需完全扭緊,否則有機會因平衡不足而失重,但還好因承動力度夠只會慢慢跌向一個方向
結語:
市面上現時唯一做到動靜皆宜嘅超輕量雲台!慢快門使用可以調高阻力,於拍攝時隨時定位而不失重!阻力同低微震嘅特性亦大大增強穩定性,好適合慢快門拍攝,真正擁有大型油壓頭(1.7kg以上級別)嘅能力,可能大家會問點解定位同高阻力下可以勉鎖擺鏡咁重要?影過林鳥嘅朋友都知環境嘅惡劣,用上600mm以上全開光圈只可用數10快門係等閒事!高阻力免鎖定位就係為左增加穩定性同爭取時間!好多時見到雀就要即刻擺鏡,可能攝影嘅機會得幾秒,我真係連花時間解雲台鎖都覺得阻住!!!!呢個亦係油壓雲台於鳥攝廣受歡迎嘅原因!而於動態拍攝時亦可細緻調較鬆緊以配合個人擺鏡習慣,使用上做到非常順暢順手!定價約5千價錢比起現時流行嘅油壓頭高,買之前我都真心猶豫咗一段時間,但講真你上山時真係會諗起佢!!多年黎大家一直諗計減重,但其實花錢去換機鏡減重成本遠比腳架雲台高,你可以話佢貴,但我覺得佢對得起佢個價!