優點:
1. 17mm f/2.8大光圈
2. 17-35焦距實用過14-24, 亦都易掌握d
3. 可用落FX機, 有17mm wide
4. 用落DX機度都有25.5-52.5mm, wide至中距好實用, 是我的kit鏡
5. 變型控制極強
6. 影景CPL點少得呀
7. Boby built極佳, 結實, 手感一流, 雙環操控很就手
8. 外表靚仔, 一睇就覺得好pro
9. 色水靚又自然, 影人好好睇
缺點:
1. f/2.8不太利, 收到f/4開始好
2. 再wide至16mm會好d, 依家16-35好似係standard了
3. 跟機個袋超高檔, 外面硬皮入面軟, 仲有埋個斜揹繩添. 睇落超高級, 但超唔實用... 其實個套大大舊硬掘掘係帶唔到出街的...
評價:
小弟裝在D80的kit鏡~ 質素高, 成像好, 色水靚, 對焦快而準, 值得信賴.
影function真係一流, 人少就tele到盡, 人多無路可退的話, 一扭就去返wide端頂住. 公司影相成日就係靠佢.
影生活照一樣唔少得, 室內唔夠光有大光圈, 地方淺窄有wide angle, 好方便.
裝埋CPL影景好靚~ 旅行攝影又點少得佢?
最後就係支鏡裝上去的氣勢... 第一次見d人都impressed by大大塊0既前組鏡, 俾塊大鏡包住自己已經俾到哂d信心俾model... 唔識影相0既已經覺得好型, 未影齋睇個樣已經好pro了 (雖然自己一d都唔pro... XD), 俾人掂下果種金屬質感, 識貨0既人已經哇哇聲... 呢種感覺真係好正, 無法, 17-35個賣相同built body真係勁得! 不過, 最後記得要improve埋你個技術... 唔好剩係得個樣呀~ :p