優點:
對焦快而準
用料窄實,冇野講
大光圈俾倒我很多方便,除了散景外仲有安全快門,即使我用了cpl減了1 EV
hood 設計好,有效防塵(真係估唔倒係2002年的產品)
型....其實對我來講唔重要,帶機出去係為自己唔係為左俾人睇!
缺點:
重......真的嗎?我又唔覺,我唔嫌佢重係嫌佢阻訂!一機一鏡已霸了我大半個袋,加埋個外閃就真係.....
冇IS....真的重要嗎?日光日白出去影個快門至小都過800啦,除非閣下有老人痴呆(笑)
膠邊好痴塵,(鏡身底部果個)哩個先重要,用膠紙整走晒又好快痴番晒(服)
評價:
有買貴冇買錯.何況我係早買平好多舊,二代一出即起價.一早下決心真係冇錯!同二代比佢真係唔蝕幾多,但$$$$$就.......$10110(我買果時)同$18800,各位自己諗!(依加好似係$13XXX)有幾可會放到張相油畫咁大來睇吖.......問心,A4已係我最常用到!就算用到hdtv來睇相我都真係分唔清!睇左咁多評論,來來去去果幾樣!走焦/失焦/變形/冇IS/冇內變焦/重....自欺欺人罷了!
走焦同失焦會唔會係自己問題?用大光圈影風景?買果時唔試清楚?定係對自己相機個對焦系統唔了解!認真了解下先賴支鏡吧!佳能係大廠,上萬元的鏡頭會有咁情況?QC check唔倒出離?等執啦!
變形....有咩鏡頭用廣角端係唔會變形?大家可以做個測試,系你前面擺三個杯,用廣角同遠攝影(要影晒三個杯)就會明白了,想要冇變形用50MM以上吧,有時鏡頭嘅變形也是一種樂趣,正如曝光不一定要準確!可過曝可欠曝!用咩焦段去影咩野係由你自己去想要咩去決定,唔好咩都唔知就賴支鏡!咁用17-55,apsc的用家米要鬧到佳能七彩?不會吧(笑)
冇IS....我估冇人會帶哩支去影動物,馬仔同賽車,IS係一個偉大發明,但唔係俾人依賴!大家係人,唔係機械,對手唔係打左石膏唔會郁(笑)你要影動態被攝物,請放下你的何包換一支小白2吧(\囧/)
想要拍出清晰照片係應該從自己技術先埋手!唔應該賴機器!
冇內變焦....唔好笑話了,有內變焦佢會同小白2一樣咁大了.....
玩得單反係重,想要唔重又要玩係冇可能,面對現實吧(汗)
哩支鏡已經係業餘攝影的奢侈品了(囧)我影齡唔長,我的知識唔知算唔算得上夠!但都知道一支鏡點為之好!對焦快/準/解像能力/銳利度,佢已俾倒我差唔多十分了(冇鏡頭係完美的,可惜哩度冇半粒星星....囧)朋友叫我等二代,好在冇等,性價比哩支最好!
最常用的一支鏡,但都係果句,買器材不送技術!各位入手時請三思自己的能力,自己最常拍的係咩?對攝影認識有幾多!真係要好好問下自己!唔好買左又走去同人講話哩支野點點點唔好!