1.真係抵到爛 $7XX入手對我呢D學生哥黎講買鏡冇難度
2.輕,拎住支鏡都唔覺得重,成日跟身都冇問題
3.人像close up散景唔錯,我要黎拍片OR影相影close up會轉用呢支
4.色水唔會差得去邊
5.F2.8一般情況下可用

1.買鏡送塵粒,不過唔影響成象都算了
2.有時會迷焦
3.對焦近過0.45M個時個對焦環會啪啪啪,係咁撞,好鬼驚會壞
4.膠<---但幾百蚊都算啦

呢支係我第2支鏡,一直都想試下大光圈的滋味,但有冇咁多筆直買50.4,就唯有試下支50.8
第一次用個時因為用慣左ZOOM鏡唔慣定焦,但之後用得多就開始熟手,結果一玩冇回頭,中左大光圈毒
冇錯,呢支的確係用系人像方面交到功課,質素都唔差(當然唔可以同L鏡比啦)
只係有時會出現迷焦的情況...呢個真係要彈一彈,但買幾百蚊...乜氣都落啦

窮人而且係新手,想試下大光圈的滋味,呢支真係走唔甩!

平價玩法之不二之選
輕身方便,平時一機一鏡便可

唔作其他同類鏡頭比較也找不出有咩缺點？

初學；初入門窮人第一寶,滿足到我當時之所需。
認識；事作同類鏡頭之比較,不竟要認同所分所別！
追求；不段接觸更高檔次之人像鏡後及睇過高檔次所攝的作品後,你 必更想一層樓！
擁有；駒使你更努力而學習之！

1.輕(130g)
2.色令
3.f2.8後銳利度高
4.性價比高
5.對焦速度快(比18-55快好多)

1.膠mount唔come用
2.有時迷焦
3.有移焦情況(用中間點對焦偏左)
4.1.8-2.8有明顯紫邊
5.對焦環位置太前,冇對焦尺

第一技用既定焦鏡用後中左大光圈毒..
50mm係apsc大約80mm人像一流,ff更加唔洗講,
光圈收到2.8打後銳利度高,
不過對焦情況唔係太理想迷焦移焦情況都幾嚴重,
而af轉mf個制好實下,轉既時候唔太方便,
好多c兄話支鏡好嘈但我又覺得可以接受,
呢技係新手至高手都必買既一技鏡!

好貴～作為一個防塵蓋
好平～作為一個人像鏡

無鑲到鑽石

表現對得起價錢，大家樂價位，Pizzahut水準
防水防塵防撞三防（爛左埋買過），所以可以應付各種突發情況
人皆有之，花名最多，比梁振英深入民心！
一個好盡責既防塵蓋，的確有做好距份工，令一眾L鏡警惕！

1. 便宜︰一手不用 $800，二手低至 $500，推介這支性價比數一數二的標準定焦給初接觸攝影者。
2. 輕巧︰130g，有比它更輕的嗎？從不增加負荷，機動性高
3. 體積小︰就算不是主力鏡頭，也絕對適合用作傍身，用完放入衫袋極方便
4. 大光圈︰F1.8，收幾級已經極之銳利，不怕暗位，更可保持高快門速度
5. 成像︰散景、景深可以輕而易舉做出，初學者也不會被考起
6. 52mm︰這口徑有很多 Filter 可供選擇

1. 對焦嘈吵︰當我第一次用時，它的「沙…沙…」聲令我誤以為自己買了次貨，原來這是它的真本性。用慣了便無問題，街攝時也很少被這些雜聲音分心
2. 最近對焦距離︰有時會失焦，不過手動對焦便解決了問題
3. 塑膠︰似玩具，有些部份按下去軟軟的，常怕壓碎它

Canon 50mm f/1.8 II

成像通透清晰，影食物出來簡直晶瑩剔透，影出來甚至比實物更吸引。我正打算用它來拍榴槤，編修一下，用影像協助一位朋友克服對那飄飄果香的「恐懼」。影半人像或者放上網賣野時最發揮到 50mm 大光圈的優點。

而且大光圈幫助甚大，我去土耳其伊斯坦堡的古代地下水槽便感激它。地底只有射燈數盞，全靠大光圈，我連水中的魚也拍得一清二楚。入到暗暗的清真寺，影個天花都夠光。在那裡影日落，收細光圈，更影到一道道殘餘陽光映照的輝煌。在海邊吃那裡著名的鮮魚時，開盡光圈，高速快速，更用它影到海鷗飛舞。夜晚影相亦難不到它，更影到街頭廚房炮製雞胸肉三文治拋鍋一刻。很多回憶都是由這支鏡頭留下的！

對焦一定不及 Ultrasonic Motor 或 L 鏡快，但因定焦關係，一般半秒內己準確對焦。但通常影近野用手動會方便些。影雀我都會帶埋佢去，見到靚景色就留支長焦係腳架上，換上 50mm，即時拍低美景。平時我都會裝定佢係單反上面，除非換長鏡。

價廉物美，窮人三寶，二手買入 $600 有找，仲有個 Filter。這個價錢可以找到其他有如此質素的鏡頭嗎？平、靚、正，用來看門口當買個保險有後備鏡頭用抵曬！

平！真係好平！
平而又有大光圈！
輕！很容易㩦帶和使用！

初學的朋友不要太挑剔了！XD

小弟一開始買單反都唔知買邊一個鏡頭好嘅時候，朋友就介紹咗呢一支平靚正嘅鏡頭俾我！
因為光圈夠大，好容易影到淺景深的效果，令初學者有較大成功感！

加上它是一支標準定焦，對初學者學習構圖有莫大幫助，影相唔係剩係企定定影，因為佢係定焦，所以我要走來走去，KUM高KUM低咁搵個最佳構圖！
你要質素，對初學者嚟講都唔失禮，當然一分錢一分貨，你想用＄800有L鏡質素係有可能！

呢一個鏡頭仲有個好大嘅優點係佢嘅輕巧程度係袋喺衫袋都好OK！
當你插緊KIT鏡時，口袋多一支定焦大光圈都唔成問題，令你有更多機會使用！

學習使用定焦對初學者來説係十分重要！
可以好好奠定攝影的基礎中的基礎！

而家本人雖然已經升上50L！但呢支鏡對我嘅影響係深遠嘅！誠意推介

F1.8大光圈
收到2.2之後已經好介手
50mm用響APS-C用黎影半身人像一流!!
用黎snapshot街景都好正,
CP值高!
夠輕夠細支,
出街/收埋都容易

對焦真係好嘈- - ......
膠按口
做工真係可以用差黎形容....
不過唔洗一千就有交收,所以底消番曬

以咁既價錢有咁既質數真係超班!!
去博物館既時候F1.8好幫得手,
不過要忍受下對焦聲.....
我加左個hood落去之後,
d對焦聲仲更加嘈.....
不過咁既價錢真係冇野好彈...
只係對於對焦聲嘈同膠接口既問題有d不滿,
其他方面就真係唔錯 =]

好多師兄都講左, 唔講啦

好蠢, 一路都唔明點解好多有呢支鏡既朋友話佢影爛
但發現佢超過最近對焦距離就會夾硬轉時就明白了....
第一次用唔知真係比佢嚇死左！

平, 靚，正唔正就好個人感覺,
不過起碼收貨, 500幾蚊你仲想點？

銳利，通透，便宜。
可以有效製造出淺景深效果。

色彩平淡，對焦稍慢。

幾乎所有canon用家都知道，這是一個極度價廉物美的鏡頭；相信非canon用家也知道，其他牌子的同類型鏡頭都不及它的性價比。

我多年前在先達樓上買的，550元，用到現在，如果執攝影袋出街，必然會帶上它。一來幾乎不增加我的肩膀的負荷，二來可能是救命鏡頭。

說到它的成像，銳利度是很多幾千元的變焦鏡頭無可比擬的，眼睫毛、毛孔太清晰，美女拍照要注意；通透度也十足。

對焦雖然不及USM鏡頭快，但也算快，還可接受。之前一直配350D拍攝人像，剛好。

唯一令我少用了它的原因，是因為它的顏色太平淡，丟失了很多色彩。數碼照片若色彩太濃，調減還沒多大問題；一旦要調高飽和度，出來的效果就非常不自然了。

價鋖平到笑, 八舊有找
成像好正,雖然未及L鏡 ,但散景正
輕巧 , 方便帶出街
1.8大光圈,八舊水搞掂
52MM濾镜垂手可得

膠, 玩具外形
膠接環唔耐用
走焦, 難以对焦
冇罩送, (八舊水有找仲咁多要求?)
大陸做

好平而且又有質素嘅鏡頭, 搭配550D使用变成80mm,影人像一流,加埋支270EX2上机後勁好用,雖然難对焦,但可手動解決,成像好,散景正,对比度高,買一支看門口都好!