現在一街都係手提電話、一街都係數碼相機，若要全幅武裝出街，肯定要帶一至兩個「尿袋」才可以。不過使用 Powerbanks 這類外接電源，最大問題就是充電，萬一忘記了充電，「尿袋」有幾多 mAH 都無用。Mobeego 其實都屬於「尿袋」一種，不過隨街有得賣，用完即棄。
Mobeego 本質是一顆充電池，不過就有多款轉接頭，可以用於 iPhone、Android 等數碼產品上，本體（電池）售價約 USD$3（大約港幣 $24），本體連轉接器就要 USD$6（約港幣 $48），裝扮成 Engine Drink 的 Mobeego，會在街頭設置小賣站，就像汽水機一樣，只要投幣就可以買到，即開即用，用完的電池可投回收箱。一顆 Mobeego 大約可延長 1 至 4小時的使用時間（視裝置而定），作為緊急電源都未嘗不是一個好方法。
不過，以香港使用數碼產品的環境，Mobeego 就未必有用，銷售點要夠方便，數量要夠多才可，還有是售價，雖然 $50 不算很貴，但「尿袋」都不算貴，加上 Mobeego 只可用一次，精打細算的香港人未必會接受。
