文:本香猛
《Pokémon GO》全城熱玩,除因為玩法夠新穎,小精靈造型可愛也是原因之一。比卡超、奇異種子、小火龍、車厘龜固然可愛,但講「卡娃兒」之冠,相信很多玩家還是投伊貝一票,兔仔眼、狐狸耳加上頸部奶油色絨毛,可愛度爆燈!最正是變成「雷、水、火」三個造型後,外型再多添了一份帥氣感覺,難怪人氣一直居高不下。
雖然伊貝是遊戲角色,但它一樣可以走出現實,而且仲可又攬又枕,真真正正跟玩家來個近距離接觸。說的是由 Bandai 推出的伊貝攬枕,跟之前出過的多啦 A 夢及比卡超一樣,它分為本體及靠枕兩部份,前者約 50x52x34mm 大,內藏棉芯,大大個如公仔柔軟可以任攬唔嬲;後者表面則印滿《寵物小精靈》圖案,並可獨立拆出,當作靠枕以減輕打字時的手部壓力,打通宵機都唔怕手軟!
伊貝攬枕由即日起可到 Bandai 日本官網預訂,今年 10 月 31 日截訂,預計最快 11 月發貨,連稅售價為 5,616 日元(約 HK$428)。雖然售價比一般公仔貴,但買來冧女,成功率極高,貴些都值!
訂購網址:
http://p-bandai.jp/item/item-1000106589/?utm_source=tw&utm_medium=tw&_logitter_sns_id512037=2