優點:
設計型仔,粉紅色機身好靚
雖然而家已經2012年,但係出街仍周不時見到有人用呢款機~
Wifi上網意料之外地快
Walkman效果(尤其重bass)好正,正過好多MP3
Walkman快捷鍵轉歌好方便,唔洗下下拑個畫面先轉到歌
播住歌睇其他野好順暢
有兩邊喇叭,就咁播歌都有環迴立體聲
可直接插耳筒
補光燈可作電筒用,極度極度方便!!!!!!
部機跌左3次(每次都係腰或以上既高度),部機都只係刮花左少少....好厲害呢....
缺點:
以下幾點只係好小既問題....
1. 開機慢
2. 冇得掛電話繩
3. 插入記憶卡(8GB M2)後,2分鐘先load晒入面d資料(其實又唔係經常拿出),但load完 之後回復順暢
4. 相機話就話8.1MP, 但係個鏡頭廢都嘔,support唔到,經常過曝/失焦,濛查查(要影靚相就用返DC啦~)
5. 按鍵偏小,手指大少少都幾難拑
6. WIFI上網雖然快, 但係連接WIFI就好慢....往往由連接到上到網都用左5分鐘!!!!
評價:
剛強既設計加上誘人的粉紅色,呢個配搭實在太正喇....
令我完全冇想轉其他android/ iphone既衝動
咁正既機都只係值$900(2012年頭價格), 真係講唔出咁抵....
W995 Walkman正, Iphone, 三星完全冇得同佢比...
影相方面...放棄吧啦...話晒W995係Walkman機嘛...放過佢啦~~XD
想揀返部Walkman機或者用厭左iphone/android 機又或者又平又正既機...
W995絕對係你既首選......誠意推薦俾你地!!!!!