優點:
1, 手感扎實, 成舊磚頭咁.
2, 大小適中, 相比宜家d 4吋芒, 呢部拎上手剛剛好
3, 鈴聲夠響夠大聲 同山寨機音量拍得住
4, 電池耐用 少電話五日不成問題
缺點:
1, 斷線問題超級嚴重, 講兩句就斷線, 但有時可以傾好耐都無事, 但唔係經常咁好彩!
2, 天線接收好差, 成日拎部機出黎睇會發覺兩張卡無曬網絡, 值頭連電訊商個名都無埋!
3, 副卡斷線同埋收唔到程度比主卡嚴重好多!!!
4, 大字體? 我只能夠講係適中, 同samsung既大字體差成個碼囉!
評價:
呢一部只可以講係[[有牌子既山寨機]]
我唔知係所有機定一批批機出現斷線問題, 但我發覺呢部機(行貨)售價相距好大, 上下差成舊水, 咁平既機都差咁遠, 會唔會有問題呢? 我就係貪平幾十蚊揀左間平既買(放心都係香港行貨), 唔知賣得特別貴(可能係我買得特別平)會唔會無事無幹呢?
NOKIA 真係沒落了, 高階智能機已經唔夠人地爭, 中階又唔夠, 得番佔有率最高既入門級市場都唔好好經營, 維持手機品質, 當其他手機製造商推出更好既入門手機時, Nokia可以收檔!