HTC Titan

評測報告

實拍照片

硬件：
1.5G CPU、4.7寸 MON，非一般視覺享受！（目前暫時 WP 最大 MON 及最快 CPU）
9.9mm 全金屬機身，質感、手感一流，就因為薄，所以攞上手 4.7 寸 Mon 也不會覺得太大部。
有前(130M)後(800M)鏡頭，雙LED閃燈；可以換電！特別是換電對我來說太重要了！
電力還算可以，日日影幾十張相、上網約一兩小時、睇片（計唔到時間），都頂得兩日，算係咁了！

軟件：
「快」、「爽」、「順」。
「快」：本人用過 ANDROID、IPHONE，TITAN 的快，絕對讓你眼前一亮！說穿其實重點是 Microsoft 對所有出 Mango 機電話的廠商，對硬件有嚴格要求所致！所以軟硬配合得相當順！
「爽」：People hub 真係一絕，把每個聯絡人的 N 個 ACCOUNT 整合為一個組，只要手指一點，那位朋友的 Facebook twitter weibo msn 等的更新，全部顯示晒出嚟，不用好似其它系統咁，開 n 個 app 去睇同一個人嘰更新，真係唔好話唔爽！
「順」：我用WIFI上網，睇片、睇網頁，全部都好順，youtube 大把測試短片，自己上網睇好過我打了！

相機：
F2.2光圈，BSI sensor，28mm 廣角，真係好正，好好用！個人感覺相片質素和 iphone 差唔多！

五千銀！好貴！我有想過加幾舊水買 ASUS Transformer Prime 的四核平板的 =口=" 但手中的WM6.1，我真係頂唔順了！
用到 4.7 寸 MON，但係得 800x480 !!!!! 話晒都係 HTC 嘰旗艦機，俾個好少少嘰 mon 都得掛？
不論那個牌子，部部 WP 都一個樣，Microsoft 你駛唔駛咁嚴呀？想改個 Wallpaper 都唔得？
冇得加咭，而內置只得16G，實際得 12G 左右用，好似有點小，不過還好有 25G Skydrive 用補返數！
內置得 512MB，雖則現在好夠用而且好順，但成五千銀買部機，點都想用耐D，希望 512MB 可以升級上去 WP8。
還有現在間間廠都出雙核，佢都仲係單核，仲賣成五千銀真係貴，都係嗰句，我擔心將來上唔到 WP8...。

買之前都有來睇有冇人有心得分享，可以俾我參考吓，可惜一直都冇，咁就由我打一篇俾猶疑中嘰朋友參考吓啦！

手上一直用兩部電話，Windows Mobile 和 Android 雙修，Office 對我太重要了，所以 WM6.1 我一直用到現在都唔想換機。就算之前 Windows Phone 去到 7 都覺得佢問題多多，又唔多穩定，所以都係唔換機而買多部 Android 用住先，終於等到今時今日，可以見到一部似樣嘰 Windows Phone 出現，如果大家之前用過 Windows Mobile 嘰機而用到發爛渣而放棄的，不妨忘記這個惡夢，去試試 WP 7.5，真係完全兩回事。

而另一個買 TITAN 唔選 Lumia 800 的重點就係佢個 MON 夠大，4.7 寸我想真係一般人單手嘰極限（起碼我係），而且當你攞上手玩咗一陣之後，你就唔會想睇返你部舊手機，真的返唔到轉頭的，大家小心！XDD

（我只用了10日，不知何解 Dcfever 個系統死都要話我用咗10個月？=田=）