Samsung Galaxy Note

評測報告

實拍照片

優點： (i) Mon大睇片基本上唔會睇唔到字幕，1280 x 800高清解像度加上16:10比例近乎用盡幕螢冇得頂
(ii)手指少d按錯字。常打字的人用筆少打錯外手仲冇咁倦。
(iii)睇email睇文件的朋友。A4 size 打橫基睇本上細字都只要上下移動，而不用左右䏲，加上佢可以直接抄電腦同手指，簡直係小型netbook；
(iv)睇漫畫人士簡直係褔音，我而家日日串隔離同事話『睇漫畫當然係一頁一頁嫁喇，你有冇文化嫁……』
(v)1.4G雙核基本上系快得不用更快。點解? 因為佢大部份task都已經好順。我睇 幾百M size文件、movie已經好ok(我唔係影音發燒友，我睇重function多D)。而之後所謂速度問題，樽頸問題係網路供應商問題囉( 3HK )。。我自己係IT人，公司都仲用緊P4都未dual core啦，其實四核用途冇你地想得咁大。如果有四核電話->用電快->電池量大->電話變厚變重。
(vi)電池唔錯2500mA，基本上大部份人用到一日，用得多的話，中途返公司補給玩到凌晨3am都冇問題。
(vii)大mon+薄機身+178g。大哥呀，攞住部又簿又輕又大電話都想型吓啦。單手攞部薄機先有氣質嫁嘛 。成日攞住個尿袋，就算你部電話得3吋機瞉有幾靚加埋都係只一個漆樣….。
(viii)支筆幾吓公仔幾好玩，你可以想像cap GoogleMap再用紅色路線再用whatapps 教人路/或集合地方 (雖然我唔多用但始終係賣點)

(i)大Mon係雙刄劍，同時係優點+缺點，唔係太多人一開始接受
(ii) 好honest轉版面冇iOS一般順 (有5%差距取捨其他iOS的缺點根本係冇問題)
(iii) Samsung 出機型號太多影響回收價，二手跌價快。

用左iphone 3GS 兩年，之後轉 Samsung GS2 個半月，之後再轉notes。我可以好誠懇講我好難用返埃瘋或4.3 inch或以下電話。Galaxy Notes對不同類型用家都有賣點。

【對iphone】即係iOS 對andriod，(i)Wiget可以將介面貼心地個人化 (ii) 收音機 (iii)藍芽 (iv)用手指抄野唔使用itunes (v)睇到rmvb 等movie (vi) file system 可以引申send email更方便attached file(vii) support mirco sd 咭(vii)有人可能話水袋方便。但而且多換電一個選擇。等等等等

【對其他andriod】 規格係現有機款之中的頂級，5.3吋芒又大又薄，再大可能好難手握了，我應為5.3inches係經過計算，notes已經做到速度+厚度+電量的平衡。

【對smartphone+tablet用家】 其實一部電話近六千我覺得真係唔平，但對唔小用開tablet+smartphone的用家可以係超值。有人同我講而家七吋好多tablet 才千多元加多部三四千電話可能更化算，我就話佢根本冇計過ALL-IN-ONE 的價值：一機過唔使抄嚟抄去、有tablet+電話你唔會成日帶tablet、千多元的tablet亦冇咁勁。

【對samsung tablet當電話用家】如果真係用開籃芽電話而接受用7.7 or 7吋samsung tablet真係tablet更化算。Notes相對賣點只係(i)粒電壞左唔使買過部新機 (ii)有枝玩具筆 (iii)影相8M vs 3M (iv)芒靚小小+輕一倍

【謬誤一，機身太大?】放褲袋基本冇問題，女仕更可輕鬆放手袋。其實由於機身簿，並唔會有一年前dell steak5的怪怪手感﹝加上可以用免提或籃芽等聽電話﹞。其實呢d係取捨啫芒大有太多好處。我唔明點可忍受3.5吋..

【謬誤二，notes睇片起格，解象度不及艾瘋?】真實情況係note1200x800 vs艾瘋960x640，有人會話同一個youtube片點解notes起格iphone冇，原因係條片解象度低，等同你係網上一幅一吋細圖放到勁大一樣，真正比要大家對比高清片。其實比較個芒真係唔係只看解象度，反而睇下光度或有冇扁色作為用家接唔接受到仲緊要，因為呢d野唔會係spec度搵到亦係好主觀。

【謬誤三，單手不能操作】我有八成以上時間用單手操作，用flip cover一定做唔到單手操作。單手握法有兩種(i) 機身約30度斜放，用四手指+手掌第一節『托』起機身，四指尖托起機身邊緣而唔係『握』機身，姆指大致可按95%畫面 (ii) 機身如菱形斜放，手掌手指微曲，尾指以與手掌成90%，尾指托機底，手掌托機身，以姆指可按60-70%畫面。其實大家的底線應該係預左唔可以百分百用單手，因好多時間根本唔使按足全個畫面，即係唔好要份工有野學+人工高+冇鑊氣+工作穩定冇OT....你話係咪先。

【用家建議】
長開whatsapp、常online、常打字下，可能只用到八個鐘。可以 (i)Root 機(ii) market download apps後要關掉auto update，要set到有wifi時才自動更新。(iii) galaxy note 最靚係用閃金屬bumper用起上嚟方便過flip cover多多聲。

1. Mon 大，顏色靚，解像度高，睇片同相，網頁等都很舒服
2. 操作基本上算流暢
3. 相機質素好，影相同1080高清錄影都有優良表現
4. S-pen 雖然反應不算完美，但都幾好玩
5. 因為screen大，打字可雙手，超快。

1. 體積較大，單手較難操控
2. 如經常上網，下載同玩whatsapp, 到夜晚要就住用先涯到
3. 螢幕觸控既準確同靈敏度不及iphone.
4. 最低光度都仲係太光

本人用過幾代iphone, 之前亦用過S2 同 galaxy tab 8.9。總括黎講呢部係最滿意既。
首先係5.3吋mon加1280×800解像度，睇相睇片網頁都好舒服，此點比iphone同S2都出色。曾用同一相在note同Nexus 比較，note 明顯較細緻，對比度較分明。

操作上尚算流暢，之前用8.9tab,真係lag到想死，用左幾個星期頂唔順放左。雖然仍未iphone順同人性化，但Android機黎講算係目前其中一部最好既。

買之前一直擔心部機太大，但好快習慣後就覺得冇問題，好似本notebook仔。以前出街常帶住部電話同tab, 宜家一部就ok所以對我黎講係反而方便左。唯一就係有時搭地鐵逼時或行路時想單手操控有點困難。

電量尚可接受，但如果經常玩既話，帶粒備用電會安心啲。否則如果夜返，到八，九點時要好就住用。一粒代用電百零蚊，唔慳得，有備無患，都唔算係問題既。相機質素出奇的好，尤其影1080video, 好清。

原生既browser只是一般，market 上有其他browser可免費下載，但也好不了很多。此點就比不上iphone 的safari browser。Load 網頁都算快，我用1010，可能都有啲關係。

Android 同iphone實在各有所長。講screen既靈敏度同準確性，操作上的人性化，系統的穩定性，iPhone 仍然是佔優。Android 則自由度高，樣樣野都可以set到岩自己口味，檔案上下存輸較方便，亦有不同品牌和機型選擇。

用左幾個星期，基本上都好滿意。5.3吋mon係最大優點，真既可以電話同pad合一。女仔可能會略覺太大，但男仔用絶對冇問題。

5.3\"夠大發揮到智能手機上網本色............發現以前用3.5\"手機上網正垃圾........... 以上網友所說

唔係四核心,無電送,無加送專用腰包...... 以上網友所說

當電話用大一的上網同夠用,好過平板方便隨身帶.....

大螢幕睇片一流，速度快。s.pen 畫野一流

用电量超快，一定要買後備电

都算一部好用的手機

屏幕大，看網頁幾舒服

解像度太高，android 2.3的app的支援度不足(圖示變得超小)
關機鍵常按到
s-pen不能像tablet pc 的用法，好似變左多餘，可有可無吧
屏幕太光，除非root或安app，光度不能調低10%或以下
價錢超貴

第一部android機，亦是第一部智能手機
價錢與價值不成正比

- 5.3吋MON，配合高解像度。對於一般無大近視ge人黎講，睇字可以睇多D之餘又吾洗特別去放大佢，都一樣咁清晰
- 2500MAH，電量多，只要吾好一日到黑都拎著部機打機 / 上3G，絕對夠你用一日
- 有S PEN，雖然吾系相當咁好用 (有關S PEN缺點，請睇以下缺點部份)，但如果你系用鏡面MON膜，用S PEN 代替手指禁APPS，MON就會冇手指模 (但吾好太大力去用，否則會好容易刮花個MON)
- 影相畫質響手機界黎講絕對系頂級ge (同4S一樣標榜話有800萬像，但note較好，起碼冇4S咁影相會有曝光)
- 雙核，1GB RAM，再加上高電量，流暢度滿分，同一般tablet速度比有過之而無不及
- 「內置SD卡」 (內置容量) 有12GB，吾洗加卡基本上都夠用有餘 (除非你冇刪除少用apps騰空間 ge 習慣，當然如果系咁，就算4S-64GB都吾夠你用)
- 同4S﹑SII一樣有聲控，而且好順暢，大致冇SIRI detect 吾到「方言音」問題
- 放野入機直接扔入卸除式裝置指定file就可以 (但事前要先裝kies，電腦先會detect到note ge 存在)
- 鈴聲夠響
- 通話時自動黑屏
- 短期內仲可以保值，因為note響目前黎講系最知名ge 5吋手機，亦暫時未聽到其他手機公司會製造一部5吋手機，note ge 市場價值相信會維持一段長時間

- 行貨售價依然系偏貴 (白機因貨源少，響網上炒仲會比黑機炒得貴D)
- 原裝機冇後備電 (要自己另外買過)
- 機背殼個質地好似好易拗爛
- 影相響手機靜音狀態下一樣系「咔插」一聲，仲要好響~! (不利偷拍 :P)
- 叉電要好耐時間先叉得完
- Android market中有D apps系down到但玩吾到ge
- 睇Mytv揀左高清畫質睇直播，出黎個畫質仲衰過標清畫質，矇查查...
- 周邊配件仲未夠完善，吾似得iP咁周邊配件多 (可能5.3吋機始終仲系太新)

我以前曾經用過4部smartphone，因為之前自己吾系咁考究手機性能，只求平，但又吾想繼續用咁老套用有數字鍵ge傳統手機，所以我早果2部都系用國產山寨機。第一部系乜OS都冇，我只系為左買黎睇電視；之後我用第一部山寨機trade左我第二部山寨機番黎，呢部系用Android 2.2 系統，一樣有得睇電視，但操作上超窒﹑打機經常hang機﹑畫質又差﹑開機又慢，用左一個月左右就冇再用俾左我阿爸用；到第三部手機，其實系我用部ipod touch加個蘋果皮咁黎用，因為當時我用買手機ge錢買左部價值萬幾蚊ge notebook，所以只有用呢個方法頂著黎用；到之後有番錢，因個人黎講之前用開ios，又驚d android機會好似我第二部山寨機咁慢咁窒，所以決定出番部正正式式ge iphone 4S，其實4S好多野已經好好，又快又順，但系太食電了，玩多陣同上耐D網都吾得。

用左2個月左右，我見我身邊好多FD用samsung都冇大問題，而我自己又始終比較鍾意大MON機種，所以決定買galaxy note，成為我第5部smartphone (經人事關係，用黑機水貨價錢就買到白機行貨)，用左一個星期左右，完全冇出現山寨android機窒窒下ge問題。起初未買ge時候，仲以為一部5.3吋大機會放吾入個褲袋，但原來系完全冇問題架~! 打電話起上黎也吾算好誇張，加上本身自己手大，所以都冇問題。

雖然依家note個價位仲系比較高，但自己試想一下，有左呢部機，基本上就等同擁有smartphone+tablet，分開兩者黎買都最少都要七八千蚊，所以貴得黎系超值ge。