優點:
(利益申報: 我第一部 android 機係 htc desire, 跟住係 htc sensation, 而家就轉咗 samsung galaxy note, 呢篇用家心得少不免會將 htc 同 samsung 機作比較)
1. 5.3 大上網, 覆 msg 好方便, 用嚟睇 mytv 超爽, 因為解像度高唔使 zoom 到好近已經睇得清 d 字
2. mon 大得嚟部機夠薄, 我擺佢落條 skinny 牛仔褲度都唔覺佢頂, 甚至覺佢冇一部 4.x 吋機咁頂添, 成日話佢過大嘅人唔該去電器連鎖店擺一擺部假機落褲袋先好出聲
3. 電量大咗好多, 夠電襟玩咗出街夠玩一日, 但叉電時間耐咗 (以 htc sensation 比)
4. 通話有減少雜訊功能, 又真係清咗少少
5. touch screen 準確度高, 最好例子就係喺原生瀏覽器關閉新分頁時真係會禁到個關閉制 (sensation 嘅話成日誤觸娛咗禁入個分頁)
6. 部機好順, 係咁碌佢個 TouchWiz 4.0 桌面都唔覺疾
7. 程式集有得俾你任開 folder 同新增頁面將 app 裝得整整齊齊
8. 枝 S-Pen 幾方便得閒 cap 幅圖喺上面畫 d 嘢 sd 俾人, lum 女或者女用家會覺好有用
9. 一路聽住歌上網或者覆緊 msg 嘅時間, 拉一拉頁頂個快捷列有得 play forward 下一首歌, 唔使專登入聽歌程式禁)
10. Kies air 好方便, 一開個 app 再喺電腦個瀏覽器打返條幾短嘅 link 就可以將電話同電腦嘅嘢亙過, 唔使裝額外程式或者插線, 喺朋友屋企或者公司電腦過相就最岩
11. 原生瀏覽器容許開 8 個分頁, 算幾多
12. 相機影出嚟好靚, 特別係個自拍鏡頭 + 大 mon, 同一班 fd 自拍會幾正
13. smart dial 幾方便喺打電話度直打個 fd 名 (eg. Ken 就禁 5, 3, 6) 會出到阿 Ken 嘅電話, 可以好快打出
缺點:
1. 聯絡人整合好差, 要一個一個 fd 慢慢 link 返去 facebook, 唔會好似 htc sense 咁自動出個大 list 問你 link 唔 link, 最離奇嘅係我明明已經 link 好, 喺聯絡人個位見到個 fd 有 facebook 大頭相, 但入到 wtsapp 佢又冇返相, 情況係有 d 有有 d 冇, 非常不可思議
2. 原生瀏覽器 "碌" 網頁嗰陣唔夠順, 有機會太大力碌過龍
3. 原生瀏覽器唔識自動幫我將 d 字換行, 要我左右碌嚟碌去先睇晒成行字 (呢樣 htc 做得好好多!)
4. 原生瀏覽器設定冇一個制俾我揀用唔用 "手機版瀏覽", 結果我每次喺桌面版嘅 fb 禁禁下, 無啦啦佢就會強制捉返我入手機版, 我到而家都仲未諗到辦法入桌面版嘅 yahoo...
5. TouchWiz 4.0 個時鐘同天氣唔夠 htc sense 靚我可以接受, 但係佢個地區天氣就好有問題, 桌面嗰個天氣 widget 居然唔可以 set 顯示我 gps 所在位置嘅天氣, 但鎖咗機就識顯示 gps 位置嘅天氣, 但極度唔準, 我已經過咗海好耐佢都仲可以話我喺九龍塘...
6.. 桌面 widget 選擇比 htc sense 少得誇張, 好多嘢都要迫人用正常途徑慢慢入去執行, 最不滿係佢冇音樂播放器嘅 widget 冇得俾我就咁喺桌面 widget 度禁 play / forward, 一定要 click 落去個音樂播放器 icon 入咗去再禁...
6. 機身冇訊息提示燈, 收到 msg/email 都唔知 (htc sensation 有架)
評價:
科技係以人為本, 跑分跑得幾叻如果用家唔爽都冇用
我用咗 htc sense 差唔多一年半俾佢寵壞晒, 轉呢部 galaxy note 原意係貪佢個大 mon 上網睇片爽唔使放咁近眼去睇, 估唔到之前用慣嘅方便細心小工具係 htc sense 獨有而唔係部部 android 機有, 而家超唔慣同好唔鍾意而家部機.......期望 htc 快 d 出下一部大 mon 機皇等我轉返過去, 個 sense 咁方便就算機件弱少少都值得, 反正我又唔係日日開住個跑分器 run 而係用返一個正常用家會用嘅嘢
其實都好睇用家需要 d 咩, 呢部機總括嚟講係適合鍾意用手機睇片, 畫公仔嘅人, 但唔適合一個講求快捷方便嘅用家