Samsung Galaxy Note

評測報告

實拍照片

1) 芒大.
2) 跟機個 flip cover 好slim 好正
3) 去正常網站唔駛放大都睇到d 字
4) 用左兩人已習慣它既 size, 唔覺重同太大部
5) 上網速度快

1) 我隻手算大但想單手操控都有難度.
2) 大部, 袋一定要夠深先好放, 唔係好易唔見.
3) 機背滑手.

感覺呢部機較為適合喜好 科技 / 身型高大的男性上班一族, 鍾意外蒲人士帶此機出街都幾唔方便., 另建議選擇黑色verson, 因配埋個flip cover 個人感覺靚d 同專業個白色verson 好多.

大小其實剛剛好，用於現今上網手機最好不過；女性放手袋，男性放褲裝，完全無問題；

畫面dpi大，媲美retina display；

在速度上，反應的確很快，尤其瀏覽一些多flash多gif的網頁也很順暢，即使多圖亦能輕鬆地拉上拉落；而且RAM算多，沒有不夠RAM的情況；無論開機關機、開app開browser都有很良好的速度感～

相機有autofocus，而且拍攝一刻也很快，遲緩度媲美一般ＤＣ，擷取電腦畫面極之方便；相片質素也相當不錯，在選擇正確white balance下出相色溫也準(特別影2500-2800k)；閃光燈也比前代Tab光，作為電筒係一流；

可以換電，並且是大容量2500mAh，有助此等大機績航時間；並且用上通用的microUSB叉(需1000mA)，毋須特別charger；

很多普通用家都忽略一個重點feature，就是其usb host，意即有micro USB轉普通USB的話，你使可以插任何USB手指插入機中以便存取檔案，如同電腦一樣copy/move/delete，非常方便。忘記帶microSD卡讀器都可以用住支USB手指先～

GPS有進步，很快就對到位。

個人覺得Amoled plus畫面過鮮，需要在screen mode需要校回Movie才減低過份的鮮豔；(也許是用慣了Tab淡色所致)

手寫筆於觸筆那一刻到畫面產生反應比較緩慢，而著筆位亦有所偏差；
但用手感去觸控就反而反應快得滯，往往都不小心觸錯畫面；
右下角的back key也很容易誤按…
總括而言，用筆就鈍、用指就過快；

另外，支筆和以前那些PDA筆，感覺比較單薄；筆上的筆也很難按；

畫面個人覺得略嫌太光，去到最暗0%都有tab的25%以上，雖光一點係好，但食電之餘，於床上使用會光睜睜。

耗電量感覺上比Tab好，但是食電依然，個人往往每八個鐘頭就要換電一次（註１）

叉電方面只能極其量只能以1000mAh去叉電，因此仍像Galaxy Tab一樣，全充電需要至少三小時。如用市面上的charger，大部份更加只有~200mAh，需要六七個小時才能叉滿一舊空電。

感覺上wifi和3G一樣食電，不像Tab般wifi會較慳電～

音量鍵和電源開關不再如Tab一樣放在同一邊，而是對家；很多時候，按音量鍵而又要拎住部機下，另一邊手卻誤按了開關掣。

機背電池蓋裝拆感覺很化學，雖然拆裝怎都不會拆爛，但其過程絕對令你感覺牙煙。也許這樣的設計是留待高容量電池的擴充。

我是從第一代Galaxy Tab轉過來的，受不了其一定要用藍芽才能使用電話、沒有換電之餘又是一隻食電怪下，算是迫不得已留意此機。其換電設計係我買它的最大原因。

然後發現此機有很多優勝之處，難怪一出都經常無貨兼受追捧。雖然某程度上是iphone停滯不前而被此機趕上，但的確有其實材實料才會有如此大賣～

手寫筆算是有少少gimmick之作，雖不是得心應手，但總算也勉強做到廣告所說的工序…

此機反映當手機發展到某程度下，已經根本不需要為遷就操控而減低很多基本功能(ie: multitask)，因此過往iphone所給予user experience的優勢已不再獨有。說不定將來很有可能步palm、WM的後塵…

對比Galaxy Tab，Galaxy Note優勝地方不止於功能上、速度上、換電上，還有整體上都會覺得此機係完成品而非試驗機種～

註１：whatsapp一定長on、ICQ也online、兼且常常打字情況下，的確會得番八個鐘；我想最食電既除了３Ｇ、螢幕和食電app外，其touchscreen當使用頻繁時亦會耗用不少電量的！

PS: Physical Home key is 賣飛佛

1. 5.3" mon , 岩晒我呢d鍾意不論訓覺lunch time定係搭車個短短半個鐘時間都要用黎睇片既人,而且第一批機送既16gb卡方便我dl成幾套動漫都無問題;
2. 部機感應唔差,認字亦算好準(相比 iphone4), 跟機內置倉頡同速成;
3. 同gsII一樣內置程式管理員,禁實個制就會彈出黎kill apps, 亦係呢點令我會由ip4轉用note;
4. 鍾意佢個畫圖function,可以將張相crop低需要既野再key去另一張相到,創意滿分;
5. 夠電原來都算不俗, 2500mAh, 以前我用milestone1,2->sony arc->ip4, 每部機我都要長叉舊電, 出到街唔洗一個鐘就已經用左成30%電, 但部note我試過出街全日, 番到屋企仲有10%剩~ 我係長期聽歌+搭車會睇戲+一路行一路whatsapp上網facebook~
6. android機同iphone比較, 商務人士一定會揀番android機, 原因係經常性through e-mail睇番d文件, excel , 一定係用android機方便, 而且可以save低個file, 唔洗下下入番e-mail有排搵, iphone 可以係email入面睇excel表, 但就唔可以dl入部機到~
7.對我而言鈴聲夠響, 最鍾意佢既翻轉部機就會變靜音,岩晒見客時用~

缺點其實都唔少~
1. 對於我黎講佢既size雖然比一半手機大,但我係女仔都仲可以單手玩~(當然要打字就一定要雙手喇); 但呢部機有個敗筆位就係開關機制同調較音量既制係同一直線, 令到有陣時我要調教大細聲時, 經常性變做熄左個mon!
2. 畫面雖然靚, 但佢既光猛情度驚人, 即使我人手將光度調到最低, 半夜三間or朝早起身望電話時會光到對眼好痛~希望 samsung遲d可以用程式updated番部機;
3. 唔知係咪andorid機就有一定會lag既定律, 我用過咁多部唔同型號既android機都會出現lag機既問題;
4.相機load得慢,影得慢,仲要有好響既聲!
5. 雖然優點4既創意好, 但無奈部機load得好慢, 由print screen要等, 到要出番home再開番張相既file,再要蚊枝s pen出黎crop圖, 再放落剪貼板, 最後開番s memo先完成一整個動作,即刻扣番分~
6.用預設既輸入法, 一定要每次由倉頡轉做速成, 太太太麻煩,最後都係要dl番 lime, 但又變左要轉手寫又要做多幾個步驟~

未出前已經好期待, 期待佢既5.3" mon, 係公司預訂, 第一日出時成為全公司首位用 note既同事~同一時間突然受到好多唔識既同事歡迎(因為個個都好好奇部機), 直至用到今日, 係我手上其實發揮唔到部機既真正用途~ 因為我真係一個宅宅女~ 空餘時間會用晒黎睇片同facebook,
同時間我追求乜都要快, 所以暫時除左iphone外,仲未有任何一部android機可以滿足到我呢個要快既慾望,呢部機so far so good, 如果用原價價錢黎講性價比可能會有人覺得不值, 但當你想同時要部手機+tablet 2 in 1, 就會覺得佢超值, 值與不值, 只在乎你係咪真正既用家~

大MON 打機 睇片一流(好易唔訓覺掛住玩電話....慘...)
算快(慢過S2, 快過N1)
電OK夠用
有得玩下畫畫
打電話聽講無咩問題(最重要, 電話黎架麻)
大容量,唔洗DELETE APP 都得

大-右下角個制單手好難按
SAMSUNG 送左好幾個垃圾APP 比我, 又唔剷得,唯有開個資料夾放曬入去, 眼不見為乾淨
相機有聲(好似香港法律規定)及表現好似唔太特出
SAMSUNG 個介面無我用開個PRO 咁好用
UNLOCK 果下有少少慢

本來係N1用家, 本身打算等買GOOGLE 之子GALAXY NEXUS 既 不過等完又等
貪新鮮買左NOTE 覺得都唔錯
不過SAMSUNG 本身送D野及介面唔好用
我想要GALAXY Nexus既零遲緩影相呀!!!

實力派手機

一篇黑 埃風4S 評價 , 有四百幾個 讚好
http://www.dcfever.com/phones/readreviews.php?id=1984&page=1&order=mosthelpful&highlight=31386#31386

黑Note 的評價 得一個讚, Note 大勝!

優點: 都係Mon 大之類, 唔再重覆

跟機Apps 好實用, 之前用 Sony neo, ram少, 大量垃圾apps

平心而論, 有缺點要接受, 買前有個心理準備, 唔好麻木吹捧:

由待機 至 亮Mon 的反應好慢, 有成一秒

左右拖拉桌面, 有少少少少 lag, 但用apps 時就冇lag (eg. google map)

S Memo 重點用在畫圖, 文字方面有字數限制

相機不能靜音, 即使關了鈴聲

必須雙手操作, 如果在 Bus / MTR 車箱站著, 搖下搖下, 一手渣手柄, 另一隻手唔可以玩 Note

我心愛的 GameLoft 出品遊戲, 暫未支援 Note

有個bug, sms 的字體大小功能, 仲未用到 (冇反應)

$5999 偏貴 ( 水貨 around $4700, 要維修的話 先達大把 Technician, 半個鐘攪掂 )

鈴聲細

震機力弱

Mon 大左, 用指頭已經夠, 支 S Pen 劃畫先有用

個人覺得, Samsung 已經超越左Apple.

用戶介面跟足, 仲加了些創意 (eg 搖手機會 active 藍牙). 各Size的手機 / tablet 都有. 800萬像鏡是平常事.

Apple的優趨只是累積的市場佔有率, 但遲遲未出 埃風5, 難與 Android 機對抗

- 部機俾想像中札實好多
- Mon靚又大
- 雙核(反應同速度都快)
- 電量足夠用成日唔使是啤電
- 多左枝S-pen又真係多左D野玩
- 加到micro sd卡(好重要,back up野方便好多)
- GPS定位俾想像中快同盡

- Samsung個介面俾起我用開既HTC sense真係差一皮
- 個mon resolution高左好多widgets用起來怪怪地or唔啱位
- 好多設定唔夠user friendly(例如轉USB設定一定要斷開USB再connect番先得, 以前用開HTC隨時轉來轉去)

智能手機我由HTC Diamond-> 3GS-> i4-> Incredible S-> Note,
呢部係我暫時用到平衡度最好既一部機,
- Samsung做機硬件一流, 軟件就..............真係唔及HTC, HTC個sense真係好好用, 二合為一
既話真係可以話無敵!
- Mon大, 解像度高, 色靚 最緊要係光度夠, 我呢D戶外工作人士,
烈日之下都睇得清個mon d野, 好OK!
- 鴨記$25買條線又可以直讀手指, 方便!
- 個收音機真係收得唔錯, 收得俾HTC好.
- 部Note係我用手機聽歌最好一部, 力水夠, 控制力都唔錯, 排名 Note->i4->Incredible S
- 部Note睇片能力超強, download左個Diceplayer, 接屋企個NAS到開套MKV 720P片睇都好順, 1080P就有D lag.
- 啱啱去左台灣自由行, 用rmaps試埋個GPS, 好掂好快, 幾秒已經定到位,
見佢咁準行左好多小巷都冇有怕, 好好用!電量夠用起來真係放心好多, 我冇帶是啤電,
每日差足電出去玩, 用佢上網搵料, 開地圖, 打電話, 上Facebook, 一日原全冇問題.

呢個size我相信已經係手機既極限, 我帶住佢去旅行左四日, 袋係褲袋(都有少少頂但可接受),
隨時拎出來搵料, 唔太重, 同埋你會發現Mon大真係好好用!