優點:
- 超靚芒, 睇片打機嬴到盡~~!
- 勁流暢, 兩日黎勁用都冇lag冇塞冇便秘~~!
- 寫野畫公仔都好滿意, 好多變化~!
- 支筆真係好神奇, 膠筆一支都可以有個制, 最初以為裝假狗, 原來係可以用黎cap圖~!
- 機身大, 但絕對係一隻手都渣得曬, 勝在夠薄, 放落褲袋都唔係好"頂"~!
- 外置記憶咭, 絕對係潛能無限~!
- 狂用上網打機的確食電, 但對比埃風黎講, 絕對係嬴左~~叉爆電勁玩勁用都可以捱到朝九晚五, 即使已經響起缺電警告之後, 都仲可以用黎網上睇戲睇多半粒鐘...(最大優點: 可以換電)~!
缺點:
- 影相同S2一樣, 鏡頭中間會有暗紅暈(唔講唔覺, 講開就會好覺)..........
- 鬧鐘要開住機先用到, 習慣熄機訓覺就唔洗旨意用佢做鬧鐘morning call~~!
- 機太新, 周邊配套極不完善, 行爛左旺角都唔覺佢有靚殼換, 玩開埃風多花臣就有d唔慣~!
- 換咭要拆電拆底殼, 比埃風要篤窿換咭更大工程~!
- 用原裝皮套時要影相都幾手忙腳亂同古怪, 用過就會明我講乜~~!
- 底殼設計勁古怪, 話佢兒戲又唔係, 次次拆殼都驚整爛佢, 同埋次次都會拍唔實, 要用暴力解決先會成功~!
- 大芒用黎睇mytv就真係輸左, 因為佢會將mytv畫面瑕疵放大!! 以前用埃風睇mytv即使有少少起格都唔太起眼, 依家用大芒有時真係打曬格仔呀~!
- 懷疑佢既幅射都唔細, 放響電腦喇叭隔離download野, 聽到好密集既"dee dee"聲~!
評價:
原本小弟用開埃風, 都怕會有唔習慣, 但用左兩日, 發覺真係好好用, 一試愛上~~
同埋, 原來用過大芒之後, 真係返唔到轉頭架....借左人地部埃風玩, 已經覺得好細好難睇喇~~!