我本人唔LIKE去到NOTE個種巨大SIZE,
係S3/ION 2簡1 決定左支持SONY

-----------------------------------------
金屬機身,極型仔~
MON夠大(4.6),RAM夠用,ROM夠多
雙核心都夠順夠快,UP左上4.0後更加順暢
(SONY話將來有機會升到4.1)
原生有16GB內存,仲可以插MICRO SD~
原裝火牛1.5A充電特快,開相機特快,1秒開到,極度方便影相
有相機按鈕,這個非常LIKE!!
上網好快好順(3G)
影相原生有無音~
一掃全景方便~
價錢超值~行貨百老匯某信用卡價好似大約3千(優惠期內)
仲抵過買GALAXY NEXUS~

用電比較快
全充100%出街,大約頂到8~10小時 (光暗度20%左右+用3G MODE)
(間中收WHATAPP+上網查資料+影相+上FB)
冇CASE買,要淘寶先買到D比較好用既...
喇叭比較細聲~接力比較弱(電話)

比佢8分,電量使用比較大,加上冇得換電.....
現在行/水貨價超便宜(某信用卡百老匯買3K左右)
水貨2.5K~
比同級既機平好多,性價比高!!
型仔~!

4.6" 大芒，芒色彩靚，有12G MB內置儲存容量及 1G RAM夠用；手機速度唔慢。
1.5A大火力充電機，叉電夠快。
相機起動係好快。成像質素... 可以的。panorama 拍攝方式比S3好，成像效果可以。
用飛航模式：開gps + myTrack 做gps Logger 可長開12小時。

缺點都幾多。
手機重
喇叭：機背喇叭在中央及跟機背是平面(沒有凹糟)，一反轉放在枱面會細聲o左，放在床上或梳化上會更細聲... 行街放褲袋有時會 miss call。
手機聽筒：傾電話時話音細聲，要不斷咁尋找合適點。
電量：真係無得搞... 一開3g data就係咁傾瀉，上網看網頁，5分鐘3%~4%電。2核機都咁食電o既？(比較過)用三叔s3 上網看網頁10分鐘用約5~6%電... 關 3g data 睡覺6小時用約 5%電。
相機：相機焦距真係唔夠 WIDE，我估係相機既35-38mm，和 iphone 4 差不多。影相真係好唔方便。我唔知呢個係咪 standard。
機面menu bar：4粒製係好難按中o架！係要由下而上咁"推"佢 / "捽"佢先會按中有反應；暗既地方仲要估粒"返回製"既位置，一係就按一下power製吧。成部機淨係得一粒 power 掣可著mon，唔方便。

我xperia Ion 是用 android 2.3.7 ver.

用開 xperia Neo，相機有大約28-30mm 咁wide。影相好方便。Ion 影相真係相對差了。
電量去得快真係無計。大芒, 2/4 核都係咁... 但s3可以做到無咁食電.... :(

電量用得快，傾電話細聲，相機焦距，四粒面版按製設計差。是我對此機較大不滿。

因為有超平轉台優惠，所以選了xperia Ion。如正價買機，三叔s3會係更好選擇。

外型超靚仔 好適合男士使用
Bravia Engine使啲高清片更上一層樓！
一千二百萬相機 已可同市面上數碼相機作比較！
少人用 唔駛驚同人撞機
有16GB儲存空間 仍可插記憶卡
介面好好用 方便快捷
4.6吋大芒 唔會輸俾其他旗艦機
1GB RAM好夠用
少數仲有搜尋器按鈕的手機
部機一啲都唔食電！！
我用兩個鐘 不停聽歌睇片fb…都只係用左15%
待機八個鐘只用左5%
操作十分順暢

市面上好少靚ge套揀
下面四個制有時禁唔到 可能位置問題
4G系香港用唔到 有啲浪費
相機啟動得唔夠快

SONY出品 必屬佳品！當初猶豫買呢部定one x…
最後因為靚仔所以揀左呢部
因為你對住手機ge時間好長啊
最後呢個結果一啲都冇令我後悔
依家升埋4.0.4更加爽 希望可以升4.1啦
不過呢部機咁型咁靚 唔做四核有啲可惜
強烈推薦大家購買！！

- 型
- 少人用，唔會撞機 (........)
- 已可更新4.0.4
- 跟個快速充電器唔錯,output成1500mA，比一般嘅多
- RAM同ROM終於唔係好似2011年系列咁咁「小氣」

-好食電，又唔可以換電
-個喇叭好差：唔開xLOUD就細聲，開xLOUD就拆聲!!!!
-四天王鍵反應一般，但升上4.0.4後明顯有改善
-4G唔支援香港
-MON 偏暖色
-用micro sim但又一定要用個adapter放入去，想點?

當初係諗住買acro S，但係acro S推出嗰日落peoples見實機後嫌acro S厚。最後見ion只差300蚊但型仔好多就決定買ion。中移動出機平成千元同送機殼、200蚊超市同Screen Protector（冇送個smart dock）。

用落冇想像中咁好：初初個3g訊號唔穩定（到4.0.4先解決），而且個喇叭真係俾佢玩死。最大問題係食電兼冇得換電，要我買個尿袋。

但sony冇因為少人用就唔放ics俾ion。而sony更新方面算比較好嘅一間廠（香港都係遲，但唔會遲到太過份，多數遲兩個星期到就放出嚟），更估唔到香港ion可以率先更新4.0.4。路邊社話ion仲會有4.1更新，應該唔會咁快變孤兒機。

外型靚, 介面靚, 設計一流
MON靚, 解像度高, 睇高清片好SHARP
影相方便, 對焦快, 質素不錯
近拍距離近, 景深淺
原廠影相程式功能多
內置記錄多, 而且還可再插卡擴充
硬件配置好, 運行流暢
跟機耳筒質素OK, 可惜現在一般耳筒興偏底音, 因個人喜好而沒用

自動白平衡不準
於平面有對比的物件上對焦竟然仍有機會失敗
原廠影相程式開啟時會暫停音樂播放
未解鎖時影相只能用場景辨識
原廠程式無檔案管理程式
內置記憶和記憶卡被SYSTEM ROOT分隔開, 不能進入SYSTEM ROOT的程式只能進入內置記憶, 有部分則需人手輸入路徑才可進入記憶卡
連接電腦時會鎖記憶卡
不能換電
電量消耗快, 邊插原廠快叉邊用試過電量不升反跌
原廠快叉速度遠不及外置充電
熱量稍高, 隔一層保護殼仍感到溫熱
試過觸控突然無反應, 因不能直接用實體鍵關機而要HARD RESET
玩遊戲有機會HANG機
USB外蓋是掀的, 令膠蓋容易老化出現裂痕
觸控靈敏和接收力不及同族的PSV
4G不支援本港主流頻譜有點可惜

不論操作還是影相都可以用「爽怏」來形容
特別是影相, 由場景辨識轉為正常才可以發揮真正實力
足以應付一般日常需要
只要安裝相機360等程式作後製, 影相加工UPLOAD一條龍搞掂
此機雖有缺點但不足以掩蓋優點的光芒
如不好跟風出IPHONE或SAMSUNG, SONY是另一出路

1) 型!!!
2) MON超靚(沒有開Bravia Engine)！你隨便找一套高清片看看，就知道它的厲害！
3) 音效出色！我之前用iphone４，非常不滿意它的音質．長時間聽歌都是用Samsung YP-R1＋Nakamichi NLE-750BA; 試過用ion原裝音樂播放器及下載過Poweramp比較，最後把Poweramp卸裝，YP-R1變得可有可無！
4) 影相質數不用說，自己看測試報告吧！
5) 系統操作流暢；
6) 上網速度比iphone4快好多；
7) 用Smart Dock連接電視睇片上網，簡直是全新體驗！
8) 充電快；
9) 提示燈方便

1) 電池消耗好似食左潟藥，玩一陣唔見１０％；每日充電兩次，下午一次，睡前一次；
2) 聽電話位置常令耳朵不舒服！每次都要微調耳朵跟手機的接觸位；
3) 打機死機！用了三星期，初打Dead Trigger時死過3-4次，其他死過２次；可能現在常release memory，偶然玩下都沒有事！
4) 還是Android OS 2.3.7！雖然Sony這個介面做得不錯，但到現在還未升上4.0，感覺好似被遺棄；
5) 機面四個按鍵反應不夠敏感；
6) Bravia Engine顏色太濃，所以長期關閉！
7) 少機殼選擇；
8) 不像iphone保值；
9) 機身有時會熱，但是可接受程度！

- 手機是隨身物品，如衣服一樣! 自己喜歡又覺得靚又實用是必要的!
- 之前一直在考慮ONE XL（因為自己本身是One2three客戶，可享4G), ION, S3(跑分超班)及NOTE(夠大)，當知道送Dock，加上在中移動出機平成千元，最後還是選擇了價錢最吸引及外形自己最喜歡的ION！
- 用了三個星期，感覺還是不錯，比iphone好！影相睇相上網睇戲各方面都很滿足！除非你日日都經常打機，否則這部ION已經夠晒用！對個人而言，如果不是夠電同講電話耳朵不舒服的問題，我真的非常滿意！

～Mon 靚
～外型 elegant and business，Sony branding 同 image 比韓國機好。
～4G 機就算唔support 香港，接收3g 信號都比一般3g 手快。
～鏡頭像素高，micro 出色，銳利
～原裝rom 夠user friendly , 似生果牌

～mon 色都系暖
～重量級手機，垂手，都”線“手
～唔中意usb 位要下下開門，而且斷既機會系有，我個frd xperia s 就斷左了。。。。
～電池容量系最大問題，無論待機時間，使用上網，打機，聽歌耗電可以話系倒水一般，我系手機高用量人士，會睇動新聞，打機，睇股市, pulse, ted, google current。以我既用量，GS2第一粒電我系10-4pm，ion 我竟然3點唔到接近10%。。。。我無言以對，加埋用一陣就超熱，用奶媽呢有揀擇。。。要原廠先可以快叉1分鐘1%，一日到克插曬喉，我系回到low tech 嗎？
～camera 系靚，但係auto focus 慢，要影靚相係要等focus完成，唔係就out fo。
～重未有4.0 真係要反省下
～喇叭唔夠聲，而且開xloud超拆聲。。。
～3d 能力打機流暢度無想像中好，跑分系快過note但玩game系無人地甘順，我以小小帝國為比較。
～麻煩用細卡但系又有個adapter.......多餘

用後感系。。。。失望！

好一部ion 點解唔將距推成旗艦去賣，東加加西減減就系Sony既機海戰術？你甘出機法撰自己fans 一個一個離開你，而家手機系潮物，但系無人想見到你成日出新機但係無一部系代表作，可以驚得起時間既洗禮，起碼玩到大半年都未想轉機住果種感覺。一味靠款就真係自求多福喇。

我用左一個月都唔夠，3800入，2700出跌價王！

而家用番以前部GN起碼都系順好多！

- 外觀設計夠型
- 屏幕夠大
- Panel 同玻璃之間嘅距離真係好貼
- 相機起動快，相片質素唔錯
- 有實體快門掣
- 有 FM 收音機

- 屏幕下面果四個掣感應太差
- 屏幕居然唔係硬屏，大力按屏幕下面果四個掣屏幕會有水波紋
- 啦叭細聲同埋拆聲（開咗 xLOUD 都係唔夠大聲）
- 震機唔夠震
- 內置的倉頡輸入法打唔到香港字（手寫輸入法就無事）
- 設定內頁無得較自動調節背光（但本身識自動調節）

相比起之前用果部 Moto Milestone，呢部 Xperia ion 語音通話功能真係差。呢部機嘅賣點真係得大 Mon、相機同埋 design。響電訊數碼上台出機送 Dock、膠殼、外置充電、HDMI 線、毛巾。個 Dock 因為部機有蓋，比起 Milestone 果個唔夠好用，加上用埋個殼，個 Dock 變咗得物無所用。仲有唔知幾時先有 ICS / Jelly Bean 用，希望唔會咁快變孤兒機。

靚仔, mon 又大, 從 iphone 轉過黎真係冇錯

我們朋友用 galaxy s iii, 唔夠佢輕 >.<

真係一流, 以後唔會用 apple 野, 過file 好方便, 過歌又方便, android 真係好d

- BRAVIA Engine 顯示，對比度夠、成像清晰亦係我買佢的一大原因。
個人習慣用手機睇video, ion再裝MoboPlayer, 1080p mp4 / flv直入,
前者硬解當然無問題；後者軟解依然播放流暢，抵讚！

- 相機不俗。雖然不及Nexus的零delay shutter鬥, 但整體對焦及快門表現依然敏銳。
成像不過不失, 唯雜訊稍嫌多。f/2.4能作出淺景深, 再有Sony 相機的一掃全景及1080p錄影, 玩味亦不缺,overall個人已相當滿意, 一般日常生活snapshot再upload上facebook / twitter完全不成問題。

- 系統表現順暢。實際用家不求跑分數字, 只在乎實際表現。
睇片1080p mp4硬解無lag, 用facebook app即使profile用timeline依然順暢瀏覽。
用內置Browser開Tinychat (用flash製作的chatroom) 同樣無問題, 上網晒夠用。

另外可能自己old-fashion, 最近才發現ion終於可以跟wmp同步音樂資料庫,
因舊版Xperia Android2.1沒有提供以上功能, 重新pickup s60年代的便利, 極度方便 :D

提供HDMI輸出, 最初我自己也沒留意這個功能, 因覺得一般比較少機會用到。
但最近小弟在開會present時laptop突然打柴, 而興幸ion有HDMI輸出駁projector可以繼續播放ppt做present。意料之外這個看似無大實際用途的輸出端竟然救小弟一命,
所以工作上有相關需要的朋友都可以將呢個輸出端的用處作參考參考。

- 屏幕顏色顯示偏暖, 影相時可能會被誤導而tune錯白平衡。BRAVIA Engine 顯示對比度高,顏色飽和度同樣高。看Video時可能會被鮮豔的顏色所討好,但實際上又會影響影相時的判斷,所以需要自己慢慢習慣使用。

- 3.5mm輸出端推力細，個人使用UE tf10並不算太難推。
但ion推力奇細, 部份音源檔案質素較差(如Wizard of Oz ost),
在ion中播放即使開盡音量都兼偏細聲, speaker播放如是。
ion聲音處理表現略帶有味精, 喜歡與否視乎個人喜好，
而個人覺得如使用Clear Bass味精實在太重。

至於xLOUD功能, 原意用作提升speaker音量, 而結果是將speaker推到拆聲。
要數整部手機最失望的配置, Speaker音質表現必定是最令人失望。

- micro USB及hdmi輸出端的防塵蓋設計跟以住XPERIA手機一樣以軟膠作防塵蓋關節位。
以過去使用XPERIA手機經驗, 小心使用又未至於會斷，最擔心的反而是因防塵蓋要用指甲翻開, 機身必定會因而出現刮花。老實說, 我會比較希望Sony將輸出端黑化並取消防塵蓋, 減少用家的憂慮。

- 相機鏡頭廣角端不夠wide, 個人粗略使用DC作對照,ion相機鏡頭焦距(對照135格式)少於35mm。另外相機在陰天或光線不足地方拍攝顏色會偏藍, 而正如早前所講, ion屏幕顏色顯示偏暖, 手機顯示出來相片顏色正常, 但實際在電腦看是會偏藍而要用Photoshop再tune levels。

或許我過去使用上一代低階Android機稱太耐, 由XPERIA X8升級至ion的使用感覺可以用"震撼"來形容。終於不再需要容忍手機裝apps/更新apps 要停用其他功能、不再需要容忍load Facebook app要等到佛誕、不再需要因ram不足而不停kill app、不再需要顧慮相機拍攝表現、亦不再需要顧慮多裝一個app會出現"low space"警告及無法裝上流行apps等等。

ion稱不上完美, drawbacks是有存在, 不足亦有存在(如通話無主動抗燥等)
但整體已經good enough for me, 由工作上收發email、基本文書處理到娛樂上的上網、玩chatroom、影相睇片都輕易應用得到。再對比前後兩部手機, 亦見得到Sony在手機製作上的進步。

另外提供多少少實際使用資料：
WCDMA mode only, 每日播90mins 1080p片段,
8成時間關data traffic, 每日通話一共約45mins, 電量可以捱到兩日半左右。

購自豐澤, 機價$4998用渣打卡簽帳有$100回贈, 送mon貼、兩個機套、hdmi線、Sandisk 16GB class2及外置充電電池兩粒。