-外型好，真係認真設計過而唔係機海
-相機好，影相靚，功能實用及多
-MON靚，色水唔錯
-運作流暢，甚少出現lag機情況
-SONY自家優化後的OS感覺十分好，好多功能好貼心好用
-電池對比上代Xperia Arc/Arc S算耐用
-附送的叉電器叉電快

-略貴
-Upgrade Android 4.1 之後hang機問題嚴重，一日或會出現數次自動重新開機，令人煩惱
-換電後電池量不太準，但已大為改善
-開蓋設計頗麻煩，可能要維持機身厚度，覺得比之前的Xperia Arc難開
-頗多Games run唔到，裝完一入就彈返出嚟，呢點最唔滿意
-Synchronise with Facebook功能不太實用
-RAM唔足！！

基本上用咗部機咁耐都算OK，但係自動開機同彈Apps情況令人十分懊惱，
SONY若不解決此問題真不值得推薦！整體來說TX最大嘅Selling point係外型同相機，
但現時相機也不見得有很大優勢，低光拍攝表現仍不能令人滿意，但在充足光線拍攝下表現確不足，顏色真實(但未必討好)，以$4380的價錢來說表現一般，若以$4000下的價錢賣的話性價比便不錯！

外型靚 (前面)
Mon 靚, 我覺得用嚟睇相係靚過HTC ONE 個 Mon.
雙核黎講算叫做順 (4.1.2), HSDPA+ 唔慢
影相 OK (日間)
接收好, 聽筒大聲. 介面順同簡單

背面核突
唔夠RAM (1GB)
睇字就 HTC one 個 Mon 清d, 白d
聽歌麻麻 (expect Sony 好架麻)
影相差過iphone. 對焦慢, 夜拍唔得
電去得快, 1日差2次
通話降嘈唔太得, MTR人地聽我好嘈

MS2>Arc S>4s>TX

我係SonyEricsson Fans
我覺得iphone4s 好用d, 聽歌影相靚好多
但我like TX 4.7" mon, 同原生album 好正

等緊 One Sony or 5s, 2選1

個design贏哂, 接近藝術品level, 但冇咩人識欣賞
通話良好, 無需擔心
mon靚, above average
影相靚, 好掂
價錢合理($2990)

震機唔太夠震
個on/off button 比較扁, 有d難按
...冇啦, 係咁多。

呢部機算是被看漏眼，因為samsung個勢已經矇閉左好多人對眼。
論設計呢部機其實仲靚過Xperia Z, 但你要真係識欣賞, 要從唔同既角度去睇, 如果就咁睇個面, 跟住睇個底, 係冇咩特别。(我部黑色)
論功能, 其實部部都差唔多ga la, 咪以為各大廠商係咁出新機就部部機都突飛猛進眼前一亮, 大部份人咪又係對住個mon捽來捽去影相上網chatting.

1大細適中,mon很清很順又唔熱。2更新4.0.4後電很耐用,一天正常使用12個鐘仲有40-50電力。3拍照功能很好又清,存相好快。

sony可能犯了致命錯誤啦。

sony的老總点搞架,机海就算了,但唔使部部一樣款,我覺得手机好用不好用須要習慣,熟了就好,但sony全面控制後一部代表作冇,不如之前的sony ericsson的有几款貴氣的代表作。而家sony的產品就像過眼雲烟也似現今香港樂壇的所謂歌星一樣,乱讀了幾首狗屁不通的歌詞後就誰也記不起這人姓乜名乜了。我是sony的忠實者，希望他们更用心搞得更好。

－輕，真係輕
－快，介面比S3快．
－外型討好，相對三叔水果唔會就街同人撞機．
－可以換電池
－差電好快
－Timescape widget睇相幾好．
－相簿好方便，可放大縮放．
－我用白色，不用保護套已一個月近乎無花．

－前置鏡頭好唔掂，特別晚上唔夠光．
－唔係所有USB都差到電
－電池有記憶，換電要等三十秒至一分鐘先好插，唔係仲記住舊電池的電量
－音質聽MP3 ok，聽KKBOX就死得，用唔到Equalizser，我喺部Note 10.1同S2無事．用KKBOX內置個Equalizer用耳機聲會折，用內置喇叭同藍芽耳機就無事．

其實呢部機都好有誠意，有驚喜．只可惜我碰到不是一般人會遇到的問題．

S4雙核快!即使玩啲大咬game都唔lag 上網又快~
唔熱~用咗一個月最高溫都只係試過啱啱40度 ，比單核ge arc s重涼
有small app,幾實用
輕!買入後第一次攞上手感覺重比arc s輕~~重以為無入電添輕到
可以換電同入sd卡
音質好 有低音得泥 亦唔會遮蓋人聲
外型靚仔， 尤其機身下面ge xperia，會發光，設計一流 不愧係sony
芒靚!睇片睇圖真實感高~
圖像處理超正~ 比四核ge ***s3快!( 同過個fd一齊開憤怒了)

本身由16:9 4.6'螢幕 除咗睇片之外 用唔盡，用慣16:9依家變咗唔知咩比例.
1300萬相機比較失望，多雜訊..

由arc s轉用tx 感覺係完美版ge arc s
但相比Arc s個人比較中意arc s個弧，tx冇咁明顯
但唔覺呢樣係缺點，因為同arc s一樣ge 就會比人話冇新意
睇過好多手機評測,以讚多為主 入手後無後悔 性價比高.
比較***啲手機部部一樣樣 用sony重好 又唔會輸***好多 甚至比***好用

1. 快，同我部nexus 7一樣
2. 芒靚，對比度好同色彩真實得黎幾鮮艷
3. 輕身
4. 日系設計真的很型
5. 優化糸統更新很快，買了兩天，已有更新，無論續航力，速度，觸感，香港字庫都有明顯改善
6. 價錢也很合理

1. 電量不足。消耗很波動。昨晚update了新的firmware後有很大改善，暫時約提升了40%電量，但還需時間來證明。
2. 相機同xperia s比根本毫無進步。(我另一電話還在用xs)

市面上充斥着iphone及samsung，真的不想隨波逐流。當然這兩牌的手機的規格很好，但其實尚有很多其他手機的效能是很高的。就如這部TX, 我經過幾間手機舖居然也叫我買三星好了，其他手機規格唔掂，二手價低等等。。。但我真的看了很多報告及評測，其中台灣的有很多。結果證明我也沒錯，這部手機真的性價比很高，昨天更新系統後更強，跑分及實試比s3(屋企人的)更強。其實大家不妨試試市面其他手機，不要老是那兩個牌子，一出街就撞款撞到暈。

說回手機，無論款式，價錢，效能都是現時眾手機的前列。只是大家不介意二手價會差啲啲。。。但其實用完一年半載後，二手價也只是跟其他牌子的二手價相差一千幾百。。。

1) 接收非常好, 和 iphone4s 差不多;
2) 日系手機, 簡單得黎靚仔;
3) 少有可上手機繩, 我鍾意;
4) 慳電, 特別係 sleep mode 超慳電;
5) 機身熱量低, 大工作量都不太熱;
6) mon 靚, 色彩真實, 睇相一流;
7) 1300 萬像素, 相片細節多, 夜拍又不太差;
8) Sony 機可把 setting 逐個放出來, 方便;
9) Small Apps 幾實用
10) 可換電及插記憶咭
11) 價錢比其他牌子實惠

1) 拍照整體質素比 Iphone4s 差一點;
2) 若不戴保護套覺得機身太簿, 我寧願厚一點令電量再多一點;
3) andriod 始終都係比較食電

之前用 iphone4s, 想換部有得換電及可插記憶咭的手機;
另因工作地點是死位, 就算是接收極好的 iphone4s 都只是收到少少;
換機之後, 覺得接收非常好, 拍得住收得勁好的 iphone4s;
相反朋友由 iphone4s 轉用 samsung 之後就由收到變成收唔到;
另外省電及機身發熱控制得好好, 操作亦非常流暢;
以前我是不會買 Sony android 機的, 但這部開始令我改觀;
希望日後的 sony 機更好更有特色,
這部機足夠我用一段長時間, 短期內不須再換機了.

1. Slim弛型簡潔日系機身設計, 真係幾型. 而機面營幕下面果個xperia字, 原來係會發光, 黑色營幕襯托起黎. 呢個感覺我覺得仲高貴, 仲型D. sony design 真係唔同d!
2. 今次造工唔錯, 接合位扎實.
3. 畫面用左專利技術, 比較我朋友手機, 色彩唔止鮮明, 係望落去自然舒服, 有立體感, 而唔係味精.
4. 電池備用雖然唔係話好長, 不過真係改善左好多, 起碼我返到屋企, 都仲有3x%左右, 當然我唔算係高用量用家, 都係聽下歌. whatsapp下, 上左fb. ,電話每日幾個。
5. 機身冇咁容易發熱, 就算有時開好多野, 至多都係暖暖地0者.
6. 佢跟果個入耳式耳式耳筒唔係雞野, 聲認真唔錯.
7. 之前我幾部都係htc, 對上果部係one x. 因為htc有beats audio. 不過sony walkman個技術真係唔錯, 宜家我兩者比較, 我覺得音色層次感細緻方面黎講, 我鍾意呢部。而且佢eq好多野可以揀. 又可以加surround. bass又可以set大細. i like it!
8. 電話左上角有提示燈. Miss call miss message.即刻知.
9. 個sony天氣顯示. 好令.
10. 我知呢部係雙核. 我之前one x係4核. 問心我感覺覺得呢部仲順D. 好簡單. 我用同一個動態桌布, 我一左右flip page. one x個桌布會疾左/停一停嚮度. 不過呢部TX背面個動態桌布完全冇影響, 我左右不停flip. 都好順. 而且又話one x係4核, load野出黎真係比我呢部tx慢. 所以有理由相信, 之前有師兄話, 識貨就知呢個雙核仲勁. 又可以減少機身發熱, 同用電量個情況, 用過我就知咩事了.
11. 下拉落黎個功能表, 即時可以set到wi-fi呀,blue-tooth呀, 嚮振呀, 果d funtion, 感覺真係好好, 好方便, 唔洗一定入去個setting入面搞.
12. 個連接電腦個軟件支援真係唔錯, 睇睇出用左好多心機做. 亦都好方便易用. 呢樣我自己覺得幾以人為本. 因為. 唔係咁多高手玩家. 我覺得好易上手. 好方便, 介面好靚囉.
13. 我以前買手機好睇影相功能. 所以用過c910呀, nokia n8呀, satio呀, one x 呀... 呢部1300像數影出黎線條好實. 顏色影出黎比較接近真實色. 景深效果都唔錯.
14. speaker同聆聲都幾大聲, 不過唔係刺耳聲. good
15, 部機充電真係幾快. 呢點好好~
16. 可以換電.
17, 內置10G, 仲容許你插最多32G sd卡. 加埋42G...死未~

1. 有時想幫部機扮靚都唔易. 佢機殼出面真係好少款. 之前有ching講過呢部機唔岩用機套, 真係,因為包左機套真係會表現唔到佢咁型. 我而家又唔想整花佢. 想買一d超薄同透明機殼. 表現佢咁型. 不過都唔易搵到.... 而家包住個76硬膠膠殼. 真係冇心情...
2. 如果你話咁多部影相手機呢部1300會唔會分別好誇張, 又唔覺, 感覺同我用satio差唔多, 影相呢部我只係覺得佢雜訊都係多左D. one x果部雜訊冇咁多.
3. 比較one x 同 sensation xe, 呢部個耳筒volume輸出唔夠大. 如果力水再推大D, 就真係perfect!

其實本來我真係幾鍾意我部one x. 因為我覺得幾型. 同埋有beats audio技術, 我就算換都係等緊HTC新機, 我係冇意思出呢部TX. 因為我好重視聽歌, 我怕冇左beats audio其他機冇咁好聲。 原因有一日有朋友換機, 有個friend攞機好平, 搵左佢攞(不過佢換note 2)我又屎忽行, 見人地咁平買機, 自己又心郁郁~ 反正trade-in舊機補錢之麻. 咁睇下換邊部啦. 我自己又唔想三叔, 周街都係.見sony近排周街廣告果個係咩機啦, 搵資料, 個spec又幾唔錯, d人又話幾勁. 跑分又高. 樣方面, 當時我始終覺得one x好d. 之後買左番黎喇, 用落, 你睇相唔知佢咁型. 大家如果想買, 你去百記呀,去拎下真機上手啦. 佢真係好輕,好slim, screen令, 又型. 個xperia字著光白燈, 簡單, 高貴, 又型. 有時design唔一定要好浮誇. 我自己果部就係白色. 宜家感覺相當之良好. 總結, 我呢部我冇後悔放左one x轉呢部, 而用過呢部之後, 原來sony比起beats audio, 音色仲細緻, 層次感真係好D, sony walkman始終有實力!! 而家真係覺得佢優點好多, 同埋夠晒我用. 好令仔, 值得推介既一部好機@@!!

外型充滿日系機的風格。
機身薄同輕，手感好。
可以換電池，充電時間快。
螢幕畫質色水佳，配合Mobile Bravia Engine睇相影片更上一層樓。
雖然仲係雙核，但使用Qualcomm S4雙核心，使用真係有如四核心既速度。
普通使用(上網、whatsapp、睇片) ，機身只輕微發熱。
電量比之前Sony機款雙核心慳電。
用耳機聽歌及喇叭播歌音質好。

相機雖然增加至千三萬像素，但畫質同XS、Ion、Arco S等無太大分別。
拍片收音音質普通。
觸控按鍵用螢幕操作，除左睇片外，無法用盡4.6寸螢幕。
鈴聲及喇叭播放音量唔太大聲。
新機著數少，***新機都有送手機套及加$多舊原廠電，但Sony得加$買個TV Dock，仲要係Sony買機先有外置充電，上台乜贈品都無......
雖然公佈左會升級4.1，但要係明年第一季。

之前用***S2，因為***真係硬件一流，軟件九流，加上有部SE Live with Walkman後備機使用覺得不錯，最後決定轉黎Sony。呢部TX真係Sony誠意之作，MON真係好靚好清，最主要比***既HD SUPER AMOLED 睇片睇相顏色更真實及更有立體感。聽歌音質比SE Live with Walkman有大進步(Walkman係音樂機，但聽歌質素麻麻)。雖然使用雙核心，用落比S2有明顯既差別，甚至有S3四核既快感(同朋友S3對比)。不過影相拍片有少少失望遠，始終像素升級，但畫質無明顯進步。仲有升級太慢，對手都開始有4.1，但TX最快要明年初先出。不過係呢個四核心當道時代，大家都自然會選擇四核心，Sony用新一代雙核去打對手既舊四核心，普通用家會覺得有冇過時D仲用雙核，但資深用家會明白呢粒新雙核真係可以媲美四核，仲要較慳電同無咁熱。如果大家想係***當道時代使用其他手機及手機外型款式要入型入格(我係男，但用桃紅色)，呢部機真係唔錯既選擇。