Nokia LUMIA 920

評測報告

實拍照片

1. 介面, 整體操作流暢
2. 機身硬淨, 個人覺得重反而令到手感唔錯。youtube都有得睇, 電話跌極唔壞, 個mon刮極都唔花。
3. mon真係好靚, 係陽光底下都好清楚同舒服(但要把光度調到最高)
4. 好少人提個Nokia Drive, 如果有駕車的朋友, 就會知道佢比google或好多GPS 駕車程式好用。
5. Office 整合得好好
6. mobile IE 終於追得上sarifi 同chrome。用左幾年前的window mobile咁耐有D感動。
7. nokia 有誠意在加左D 有用而創新的功能, e.g. city lens, smart photo
8. 用USB 駁緊電腦時, 係電話上依然可以access到內置儲存。好多android 電話用USB駁緊電腦時, 係電話上係睇唔到save左的file e.g. 相同歌咁的...
9. video 實時對焦, 光學防震較果都幾明顯
10. google sync, whatsapp, weChat, Line有齊, 功能同操作大致OK。
11. 通話質素好明顯好過三星同蘋果。用S3, 如果周圍太嘈, 對方會聽到好刺耳, 但920真係唔會。

1. 唔明點解咁多人講到影相咁好。老實講, 極之失望。對焦慢之餘, 銳利度真係唔得。影相係mon度睇好靚, 但一放大, d細節位就好濛。唔好同我講手機一部, 要求唔好咁高, 但好肯定差過iphone 5。我唔識影? 佢聲稱4級光學防手震, 我已係放係個架上面影都係咁, 我用舊電話HTC velocity求其影張都清過佢, 2隻手指一放大, 細節位就好明顯。我唔係踩呢部機, 呢個問題好多外國forum都有講。之所以失望, 係佢明明用蔡司鏡頭, image processor 方面亦應唔會好差, 但唔知點解影出來係咁, 希望軟件更新能解決。
2.影夜鏡雖然ok, 但佢係將個快門較慢左, 而且無得自己set(我知有個叫camera pro的apps可以set, 但要俾錢)。所以, 好易會濛。同埋佢係加左後期處理, 令到相的暗位光左, 但張相的色其實會失真左。好多時D相影出來仲光過你肉眼睇到的實境。

其他小問題 (WP 8, 軟件問題):
1. whatsapp 係無得send video, 只可直接錄影然後send。同埋D表情同案, 係全部再畫過, 要send左出去先估到自己按左咩表情。
2. 唔知係咪我唔識用, screen capture的相係無得send出去, 包括用whatsapp同埋WeChat。
3. Windows 8 整體俾人感覺好beta, 好多深入設定都無, e.g. 字體大小, 電話, 通知同謀體音量無得分開。有時見到D字雞那咁大粒, 尤其是中文字(facebook, whatsapp 的標題...etc), 俾人感覺好低能, 但又無得set。
4. 好多apps開發者都話, 好多設定同功能, 唔係佢地唔想加, 係WP8 好多限制。可能想個系統整體穩定D掛。
5. market 的apps少唔係問題, 但有質素同有用的, 9成都要俾錢, 包括game。雖然有D人話game唔係問題, 但有時D熱門game 個個有得玩時你又無, 真係幾無奈 (e.g. candy crush, 逆轉三國...) 。

後補: 無線充電雖然方便, 但整體都係未成熟, 用無線叉電時, 機背會好熱, 而且差得好慢。

見到咁多人的評價都太正面, 真係忍唔住講返自己的心得。

部機8成的優點, 都係來自nokia 自己, e.g. 機身造功, nokia 的軟件。睇得出nokia 真係俾左唔少心機。但始終windows phone 8真係好似係試驗皆段, 想試的朋友見意千幾蚊買部610玩下先。雖然個人係幾仲意呢部電話, 但$5688 呢個價錢, 我可以100%講話係唔值。老實講, 用落覺得全新$4988 都唔值 (相比起差不多價錢的機)。

P.S. City Lens 中文叫"Nokia 城市特搜", 部機原本無, 要係market download, 我初初搵左好耐。

操作流暢***, 切換時無停頓 安兔兔測分有12500分
相機低光影出來的相質素好高, 可以取代DC

(以android 轉 wp8的情況出發)

1. 相機自動強制加光,相雖然細膩 但永遠是原本的色彩還原. 非肉眼所見的情況.
----影唔出幽暗灰諧的意境. 靠執相又唔自然.

2. NFC非常吃電, 一夜會少30%
----在discuss已證實.等各位買左機自身去證明吧(12月BUG修複未包NFC住)

3. 睇小說必須在手機下載. 電腦移過去的全部無法用指定軟件看. 因為是封閉式系統, 軟件無法瀏覽手機的檔案系統(未有官方/第3方tools)
----APPS的小說都是熱門主流. 好多時就是無手上果本. 技術資料類更加不用說.

4. 市場好多WP7 7.5的軟件在運行時崩潰.無法發揮, 像照明 (個人遇見率是60%)
----MS自身的skydrive經常崩潰, 無法睇相, 影片. gmap(非google官方)街景缺憾

5. 無法播放電腦版網頁FLASH. 只能播放少量被優化過的FLV, 例如youtube
----WP8同IOS一樣完全播唔到Flash 加咩都無用~.~

6. 無速成輸入法, WP8系統拒絕自定輸入法. market的全部是(copy&paste)的假野
7. 翻頁特效, 震動無法取消. 鈴聲同音樂音量同化. 聽完歌無校返大聲MISS CALL N次
8. 無法播放RMVB, MKV, 外挂字幕...市場無支授的工具


瑕疵
1. 一邊接電腦充電, 一邊上網電力依然會下降(之前部ONEX,S3都唔會)
1. 聽說有D前置鏡頭會入灰. 貼MON後應該沒事
2. 屏幕滑, 好難貼MON貼(防塵)
4. 鈴聲需轉檔WMA才能使用 (至少我是唔得)

唔是用鏡頭取代比較重的DC, 好難將就WP8系統.封閉式系統, 和IOS一樣.
聽歌, 電台. 睇片, 小說WP8的替代品都有好大空間需要改進.
以漫畫為例, 搵唔到可以批量下載, 速度OK的APPS取代布卡漫畫.

有時market仲會壞左, 話停止服務=_________=

相機影夜景一流，全黑的地方都影到
Windows 8介面流暢

相片锐利度問題有待更新，軟件bug好多，重啟問題嚴重

用到我一肚氣！！之前已經因為個震機怪聲，換左一次機，今次更加經典。
用用吓，間中reset不在話下。這次在地鐵睇睇吓生果動新聞，突然之間死左機，hold jor口係開機畫面幾個字都無反應。Hard reset之後部機再save唔到file，影相完幅相無左，收whatsapp file唔得,暫時reset factory setting之後先無事，唔知係軟件定硬件問題...

質料好, 手感OK, 重量可接受.
MON 靚, 拍照唔錯, 晚景非常好

最大缺點係電力問題. 電力% 好似唔準. 差完電後100% 閒置成5個鐘都仲係99%. 但用到5x%左右, 閒置佢幾個字就已經無左3%.... 有次聽歌加上網.剛開始時是50%, 一分鐘後再看是36%... 一分鐘無左14%? 2000電只能夠用半日(6-7小時)...

雖然APPS 係比較少, 但一般需要的APPS都有,問題唔大, 只是GAMES 比較少。
有FLASH 網頁就開唔到. =.,= .
程式OK順, 但都會有頓的時候
但大部份的使用方式更改了, 需要小小時間適應. 但始終ANDROID會比較就手及方便過WP. 如PLAY MUSIC, 開關WIFI, 燈之類小程式. 但問題都唔係大.

其實部機係唔錯. 真係最大問題都係電力.. 雖然唔祈求可以幾日唔洗差, 但續航力只有6-7小時(無論3G, 4G, 唔開NFC, 偶然上一下網),又真係有點那個... 如果更新後可以改善到此缺點先會介紹比朋友... 希望啦...

影相好咁囉~
聽歌聲夠大.

*冇得Chop低Screen個畫面,連Save張相都唔得!
*行事曆冇得較自己既音樂提示,淨係咇一聲~哂氣!!
*冇埋舊機有既對話錄音功能.

~如果有C兄識,求以上指點~

佢出番S50/S60個系統有埋文書處理&雲端咪得囉~洗乜買Window8黎做軟件出,咁哂錢?

實機操作後，效能反應遠比之前Lumia800高，(我用緊)，在整合舆GPS相關應用非常一流。樓下位兄台的回應真真道盡心聲，貼乜鬼呀，成年部機都未花過，Apps多都要用得上先得架，就如Nokia的導航，配合people數據在國內使用一流，Window Phone吾係主流及佢有冇前途，關我咩事，鍾意部機咪得囉，用過世咩，Lumia800用成年都未試過有問題，吾係自己杯茶定摸不著人家係系統，就吾好人彈自己又跟著彈。

每部機都不會是完美

等緊貨到，吾帶vcam，用作拍片都冇問題