1-运行的很顺
2-平衡做的几好，转画面时候不是即时转，是很温柔有顺滑的转，所以基本上你不会感觉到"kick“住或者滞后。。。觉得是比较”淡定“的用机
3-几省电，尤其是用了省电模式 （即是屏幕转黑后所有运行中或者上线中的应用程式都不会主动运行）
4-拍照质素没有想象中出色（尤其比较pureview 808型号。。。），但在低光方面则是非常出色，防手震方面也很出色。。。在暗室中拍照，人人都说没可能拍到的，但拍出来又真的很可以
5-拍照反应方面出色
6-应用程式方面不多，但要用的都有
7-地图应用方面就真的好的无话可说。。。Nokia Map, CityLens, Navigation, Wiki等等，真的好的很
8-听歌质素比较预期中好
9-4G接受力很强，基本上很少会跌落3G
10-通话质素很好，阻嘈能力很强
11-无线充电很方便

1-应用程式少，尤其是有两个我很常用的。。。一个是一键关掉屏幕，另一个是类似applock。。。。期待等待中。。。
2-桌面砖块颜色不能个别调整。。虽然有apps可以辅佐，但那些可以辅佐都是局限指定的快捷键
3-不能插卡及换电

出了灰色后，一月底马上买了
用了七天后，突然坏掉，屏幕在通话中不会着回，漆黑一片。。拿去百记问，都修正不了，，，但服务很好，马上安排换机。
这机真的几好用，最主要是运行及使用体验是非常舒适的

1. 介面, 整體操作流暢
2. 機身硬淨, 個人覺得重反而令到手感唔錯。youtube都有得睇, 電話跌極唔壞, 個mon刮極都唔花。
3. mon真係好靚, 係陽光底下都好清楚同舒服(但要把光度調到最高)
4. 好少人提個Nokia Drive, 如果有駕車的朋友, 就會知道佢比google或好多GPS 駕車程式好用。
5. Office 整合得好好
6. mobile IE 終於追得上sarifi 同chrome。用左幾年前的window mobile咁耐有D感動。
7. nokia 有誠意在加左D 有用而創新的功能, e.g. city lens, smart photo
8. 用USB 駁緊電腦時, 係電話上依然可以access到內置儲存。好多android 電話用USB駁緊電腦時, 係電話上係睇唔到save左的file e.g. 相同歌咁的...
9. video 實時對焦, 光學防震較果都幾明顯
10. google sync, whatsapp, weChat, Line有齊, 功能同操作大致OK。
11. 通話質素好明顯好過三星同蘋果。用S3, 如果周圍太嘈, 對方會聽到好刺耳, 但920真係唔會。

1. 唔明點解咁多人講到影相咁好。老實講, 極之失望。對焦慢之餘, 銳利度真係唔得。影相係mon度睇好靚, 但一放大, d細節位就好濛。唔好同我講手機一部, 要求唔好咁高, 但好肯定差過iphone 5。我唔識影? 佢聲稱4級光學防手震, 我已係放係個架上面影都係咁, 我用舊電話HTC velocity求其影張都清過佢, 2隻手指一放大, 細節位就好明顯。我唔係踩呢部機, 呢個問題好多外國forum都有講。之所以失望, 係佢明明用蔡司鏡頭, image processor 方面亦應唔會好差, 但唔知點解影出來係咁, 希望軟件更新能解決。
2.影夜鏡雖然ok, 但佢係將個快門較慢左, 而且無得自己set(我知有個叫camera pro的apps可以set, 但要俾錢)。所以, 好易會濛。同埋佢係加左後期處理, 令到相的暗位光左, 但張相的色其實會失真左。好多時D相影出來仲光過你肉眼睇到的實境。

其他小問題 (WP 8, 軟件問題):
1. whatsapp 係無得send video, 只可直接錄影然後send。同埋D表情同案, 係全部再畫過, 要send左出去先估到自己按左咩表情。
2. 唔知係咪我唔識用, screen capture的相係無得send出去, 包括用whatsapp同埋WeChat。
3. Windows 8 整體俾人感覺好beta, 好多深入設定都無, e.g. 字體大小, 電話, 通知同謀體音量無得分開。有時見到D字雞那咁大粒, 尤其是中文字(facebook, whatsapp 的標題...etc), 俾人感覺好低能, 但又無得set。
4. 好多apps開發者都話, 好多設定同功能, 唔係佢地唔想加, 係WP8 好多限制。可能想個系統整體穩定D掛。
5. market 的apps少唔係問題, 但有質素同有用的, 9成都要俾錢, 包括game。雖然有D人話game唔係問題, 但有時D熱門game 個個有得玩時你又無, 真係幾無奈 (e.g. candy crush, 逆轉三國...) 。

後補: 無線充電雖然方便, 但整體都係未成熟, 用無線叉電時, 機背會好熱, 而且差得好慢。

見到咁多人的評價都太正面, 真係忍唔住講返自己的心得。

部機8成的優點, 都係來自nokia 自己, e.g. 機身造功, nokia 的軟件。睇得出nokia 真係俾左唔少心機。但始終windows phone 8真係好似係試驗皆段, 想試的朋友見意千幾蚊買部610玩下先。雖然個人係幾仲意呢部電話, 但$5688 呢個價錢, 我可以100%講話係唔值。老實講, 用落覺得全新$4988 都唔值 (相比起差不多價錢的機)。

P.S. City Lens 中文叫"Nokia 城市特搜", 部機原本無, 要係market download, 我初初搵左好耐。

質料好, 手感OK, 重量可接受.
MON 靚, 拍照唔錯, 晚景非常好

最大缺點係電力問題. 電力% 好似唔準. 差完電後100% 閒置成5個鐘都仲係99%. 但用到5x%左右, 閒置佢幾個字就已經無左3%.... 有次聽歌加上網.剛開始時是50%, 一分鐘後再看是36%... 一分鐘無左14%? 2000電只能夠用半日(6-7小時)...

雖然APPS 係比較少, 但一般需要的APPS都有,問題唔大, 只是GAMES 比較少。
有FLASH 網頁就開唔到. =.,= .
程式OK順, 但都會有頓的時候
但大部份的使用方式更改了, 需要小小時間適應. 但始終ANDROID會比較就手及方便過WP. 如PLAY MUSIC, 開關WIFI, 燈之類小程式. 但問題都唔係大.

其實部機係唔錯. 真係最大問題都係電力.. 雖然唔祈求可以幾日唔洗差, 但續航力只有6-7小時(無論3G, 4G, 唔開NFC, 偶然上一下網),又真係有點那個... 如果更新後可以改善到此缺點先會介紹比朋友... 希望啦...

1. 造工一樓! 感覺超扎實。
2. 神奇玻璃面, 真唔知咩黎, 唔識花, 唔洗mon貼, 成部機索性祼跑都得! (雖然我冇固意搵硬物去整花佢試)
3. 簡潔設計, 越睇越型, 黑色弧凸防花玻璃面, 加上跑車白堅硬流綠型機身, 真係越睇越靚, 越來越鍾意歐洲果邊既design, 唔會太多, 岩岩好, 簡潔既設計~
4. 我手機語言用英文, 入面除左基本顏色方塊之外, 所有介面D字型好靚, 加埋係成樣整體流露出既時代感同埋美感~ i love it!
5. 個WP8 系統感覺真係超順暢, 完全唔可以再用以前用Nokia既經驗黎感覺黎用呢個WP, 轉d野出黎超快超順!
6. Nokia一D都唔弱, 有次同朋友一齊搵個郵局, 我竟然係快過佢, 仲好清楚添, 因為當時佢話佢個接收麻麻, load唔到個google map出黎...
7. Nokia整左好多個好有心既app. 全部介面都好靚, 有d係介紹新戲, 有埋trailers下載啦, 有apps既天書啦. 比我岩岩用wp既人容易D去搵野~ 最欣賞係佢有個 Nokia City Lens 既 app! 嚮連apple都開始技窮既時間, 呢個app我覺得諗出黎真係好creative, 又真係好實用, 嚮條街度一開出黎, 個screen對住自己, 你想搵既舖頭又或者地點, 會以嚮screen見到既地方即是標籤出黎, 你自己360度轉唔同方向企又或者一直走, d標籤會一直跟住見到既building...(好難用文字好巨體形容) 各師兄可以去試下~
7. 個手機 speaker真係好夠力同大聲, 最重要係唔拆聲, 我攞首sammi既獨家試唱, 黎試, d低音係一下一下唔散唔拆, 唔刺耳, 係好有力既~
8. 用入耳式耳筒黎聽歌, 個質數真係好高! 真係唔知佢用咩音樂晶片, 加上有杜比技術加持, 低音扎實有力, 唔散, 同埋唔會低音炸到連中音都影響埋, 音樂層次感好清楚, 高音唔會好刺耳, 而且個volume輸出真係好夠力. 開到好大聲都得. 以 HTC beats audio技術. sony walkman, 同nokia, 3個, 講真, 我最鍾意Nokia聽出黎既聲! 呢個我好驚喜, 我極力推薦, 各師兄真係可以落行試下, 真係好正!
9. 影夜晚真係唔洗講, pure view係神奇解釋唔到既技術, 黑媽媽都影到清楚既線條. 影出黎成品唔多雜訊, 室內用閃光燈影野, 個感覺都好自然,~手機黎講真好好!
10. wp已經內置左word excel同 powerpoint,功能唔洗買~
11. Nokia話音質數好真係唔洗多講~
12. 個綜合社交平台功能真係好好, 個介面又靚~
13. 個屏幕顏色真係好sharp好靚. 佢個clear black技術, 你再比較其他營幕就知道佢真係好靚~
14. 我甚少打機, 都係聽歌, 開下whatsapp, line 一般電話用量一日叉一次冇問題夠用, 未至於andriod果陣, 用3個中真係唔見一半電.
15. 仲有要題個防手振拍片真係好勁, 一路拍片, 佢會自動AF埋片入面人物~ 勁~!
16. 我唔知係wp定nokia本身功能, 搵人名既時候, 有個好簡單快捷既分類, 分便快d搵到你要搵既人名~

1. 冇內置radio. 一定要裝app, 上網黎聽radio.
2. nokia到宜家都暫時冇smart dailing功能, 意思即是你打電話果陣, 你按對手頭幾個數目字, 就顯示左最按近既對方既名, 等你快d可以好方便搵到對方打電話, 唔洗記晒全組數字 , 呢個功能真係早早好多機都有, 我真係唔知nokia到而家都仲未有... : ((
3. 冇速成
4. 人地嚮whatsapp/ line send相比你, 唔可以直接再share比另一個朋友, 要做多個動作, download落黎先, 之後去另一個朋友度, 開番自己個相簿再揀番download左既相send比佢, 呢度真係有d麻煩
5. 佢個手寫辨字真係麻麻.. 尤其是我用開速成佢冇, 迫住用手寫, 不過我本身筆順唔好, 寫來寫去都出唔到字, 倉頡又唔熟, 整到打字真係好慢.. (聽朋友講ios手寫,就算好亂, 成pet野都認得出...)
6. app必定暫時冇andriod名 ios咁多
7. screen cap完之後, 唔可以即刻直接用Line/ whatsapp send比朋友, 又係要開番相簿..之後...brabrabra~ 煩!

講真, 我真係好鍾意呢部機, 先唔講咩牌子, 已經好耐冇一部機, 係比到驚喜呢個感覺我, 用到宜家, 我都真係好鍾意部機, 無論聽歌方面, 平台方面, 影相方面, 外形設計方面, city lens app, 真係比到好多驚喜同用心創意比我感受到~ 我可能講係, 呢部機個質數相當之高, 如果之後多d app支援, 佢將會係andriod同 ios好大對手. 基本上, 上地鐵車廂冇人咩人同款, 不過人地見到你開個介面出黎, 真係好搶眼, 你再開入面介面, 入people. 真係好靚, 好快, 個個d目光都不甘望一望~ 我話出果陣, 好多朋友笑, 宜家佢地睇到我影相, 比佢地試埋聽歌, 再開埋個介面試比佢地睇, 佢地都唔識笑, 再多所謂個candy crush冇得開黎食飯一齊玩姐~ 咁我諗真正既用家唔會睇呢d野黎衡量個電話好唔好囉~ Nokia 我由心支持佢請繼續咁有心去造機, 我今次完全睇到佢既心, 睇到佢既創意同認真, 到宜家我都係仲感覺良好. 個人覺得香港太悶了, 流行既野, 大家就一鍋風, 一齊去鍾意埋同一樣既野, 出到去,個個都係一樣, 日日朋友身邊話我知岩岩轉左電話, 一問之下, 唔係s3就n2. 再唔係ip. 真係悶到想再問多一句都唔想.... 相對,我呢部大把新驚喜話比我身邊d悶人知 lol.... 唔好介意我直接, 一句講晒我用得好開心, 希望佢黎再有upgrade firmware, 越做越好~

1. 在使用上、爽快、流暢

2.做工及物料十足、手感好

3. 運作暢順、穩定

真係太貴，但接受

我是由 lg nexus 4 轉 win phone在使用上比較適合自己

畫面極度 smooth, 基本用 apps 齊全, mon 好靚, 相機拍攝質素一流

我諗係無得 access folder 少左自由度去用部機同埋貴左少少啦

其實唔算重, 重量同 galaxy note 差不多, 但感覺堅硬好多, 佢個 mon 真係好靚好順, 部機反應好快同埋個 touch screen 做得好好, 呢部機令我想回歸這個我至愛的手機品牌了.

相機影夜景一流，全黑的地方都影到
Windows 8介面流暢

相片锐利度問題有待更新，軟件bug好多，重啟問題嚴重

用到我一肚氣！！之前已經因為個震機怪聲，換左一次機，今次更加經典。
用用吓，間中reset不在話下。這次在地鐵睇睇吓生果動新聞，突然之間死左機，hold jor口係開機畫面幾個字都無反應。Hard reset之後部機再save唔到file，影相完幅相無左，收whatsapp file唔得,暫時reset factory setting之後先無事，唔知係軟件定硬件問題...

流暢，過版同開啟程式都好順
攝影質素不錯，尤其低光情況
語言技術好正，準確度非常高，開啟程式，打電話俾人，搜尋資料幾乎一句搞掂
地圖做得不錯，在街上時很準確
雖則要download個app，但可以用藍牙過晒舊電話個通訊錄過去很不錯(過唔到sms有點可惜)
雖然無folder概念(games勉強算有)，但筆劃字母排序分類感覺都不錯
電量算充足，無線充電好方便
版面簡單

GPS室外非常準確，室內有嚴重偏差甚至搵我唔到(就可能因為電訊供應商ge問題吧?)
panorama不錯，但如果可以隨意選擇右至左/左至右就好，之前試過影相時右面個天太光(日光由4點鐘方向射過黎)，結果移到1,2點鐘方向時就追唔到點，影唔到全景
個傳送app同舊機都無法過埋d sms過去(雖則都唔算重點)
通訊錄一定要跟email account，結果好多奇怪名同無號碼ge連絡人都走埋出黎
鈴聲+震機設定無以往咁有彈性，eg可以set定幾個mode，同埋自己入鈴聲要經電腦入
不可換電池，萬一hang機是唔可以強行熄機，不過希望電池性能保持得耐啦，依家用緊果部6680用左over 7年舊電仲ok....好堅.....^^"
玩連線games/上網太耐，機頂部份會好熱

其實無乜缺點，好多所謂ge缺點都只不過係MS ge問題，部機講真好正
whatsapp個版面差同唔順係whatsapp ge問題，不過如果連絡人個名入得長，whatsapp會睇唔晒個名，唔知邊個打邊個,btw,我偏好用Line多d
整體而言
部機簡單流暢實用性高，玩樂型ge朋友未必啱用

出街好少撞機
個MON真係好令
夜拍加防手震功能完美
上網同運行程式、遊戲都夠快
社交apps、聯絡人、相片......整合得都好好
話音及喇叭D聲十分高質
機身造工用料一流
甚少hang機

過通訊錄超煩,一係要裝個apps,一係就要開戶用sky drive過(用開NOKIA的話)
(補充樓上)lumia 920是有用whatsapp apps的,
可惜好多bug,search出現困難,好lag
電用得好快(就算只開3g都一樣)2-3個鐘可以冇左一半電
未有flash支援好多網上影片睇唔倒
(youtube得,my tv果d唔得...好煩)
封閉了的鈴聲,不能直接用音樂檔做鈴聲極大倒退!
要裝個apps再揀有限的歌來作鈴聲
由key lock至打開撥號鍵盤竟然係要...
(按右開鎖鍵>拉上screen>按打電話>再揀要撥號鍵盤!!)

機係做得好好,
不枉我依然支持NOKIA的出品,
可能係windows phone面世的日子尚短,
好難可以在短時間內搶回市佔率,
而且個介面仲有好多微調的地方有待改進
什麼響震模式、撥打電話的基本功能係有,但要用就要用腦先得!
我會繼續用因為咁貴買返黎,
期望MS快D急起直追手機OS的步伐啦!

1.快，係超快
2.Mon靚
3.相機靚
4.上網快
5.介面好用，簡單直接
6.機身用料真係正，個塊玻璃正到暈

1.未有WHATSAPP
2.重左小小

無線充電好用，條線又夠長，一攞上手就用得，放公司台面一流，型到不得了，個個行過見到都話正

Office實用，有時急住係街做野都無問題

APPS唔夠多，但基本既都有，係無WHATSAPP搞到勁唔方便，希望快D上番架