Huawei Honor 2

$2488買倒部四核機算抵啦！流暢度OK。
MON 算是中等貨，不如LG亮麗，但可以接受。
GPS超強，不開網絡既情況下，竟然可以一分鐘內準確定位。
話音清晰。
鈴聲夠大聲亦唔拆。
電池可以頂足一天（上三幾個鐘網，打機兩個鐘，十個八個電話，新機多野SET，幾個鐘不停攪。）
用咗一個星期，系統穏定性幾高，暫時未岀現 FC reboot 黑屏等……衰嘢！

音樂播放不如某D測試所講咁好。較為平淡，冇邊方面突出，底音下潛力不足，中高音欠通透。（純粹個人口味，可能有人會喜歡！）
用過兩三部國産手機，但都係同一個毛病，屏幕触控反應欠敏銳。（但係相對其他牌子的，用過 LG，SONY，只有三星我最满意。）
開機時搜尋網路慢到冇朋友！(關於呢點要修正一吓！原來要响 行動網絡->始終連接數據業務 打勾，呢個有啲R頭！)
至於拍照方面，我對手機冇乜要求，要影靚相都係用相機啦！但基本上我都滿意佢既表現，低光情况下都ok啦！
機身比較厚！
冷門機，冇套，冇mon貼，冇電……百冇！

本來買時都考慮過，國産CPU會唔會兼容性有問題，但安装咗好多唔同既apps，都冇發現有問題！只係有d大型既3D game未做測試，暫時只係試過GTA！
本身既内置軟件多，令到開機後只係得番二佰幾M ram，如果唔root 減少隨開機自動啟動既apps，真係唔知點用呀！
部機缺點都唔少，但整體我都满意。