用開4G PLAN 上網快,影相靚,對焦速度都算快既.音質好正,開到最大都吾拆.
SLCD屏幕色彩比較自然,打側都冇偏色問題.Size 剛剛好,單手操控冇問題.
HTC Sense 穩定,個系統都優化咁,冇咩垃圾.
我買左32GB版都好夠用.認真,個包裝盒都幾靚.

機背發熱嚴重,係好熱,曾經因為咁而燒左個鏡頭.同鎖機鍵有問題,開吾到機,去番HTC到整.(服務態度好好)
冇咩靚穀賣,用番原裝果個.(不過吾用套最靚)
係同期來講個邊框粗得仔.搞到個MON好似好細咁.相比GALAXY S4 < 好彩果時冇買到 喇叭既音質係好正同都幾大聲既. 但就S4同Note 2 大聲D 雖然好拆
黑色真係麻麻地.哩部機出果時第三日就買左.但朋友都吾知我換左機.金色.藍色.銀色靚D同搶眼D.電量就係真倒水咁,已經冇裝GAME.只裝一般社交軟件.上下網咁.尿袋要隨身攜帶.好X煩.我本身用量已經吾大.吾用既時候一定關埋上網. 音量鍵容易藏污垢,背面既Beats audio字會掉漆.曾經HAND過幾次機.都吾知點算.唯有係等佢回復正常.

HTC NEW ONE M7 黑色.好機一部,MON冇偏色,音質好.
電筒亮度吾夠光.相比Galaxy S3 S4 Note 2 Nexus 4 小米3
但要講番佢內置既電筒係吾錯既有3段光比你選擇但開左之後Lock Screen
連電筒都關埋.我唯有Down個果電筒APP.同樣設置係卓面但一鎖屏又係咁.
基本簡單用家.(不喜勿插)

懷疑有防水功能
影相好PRO 可惜紫光礙事
音效好正,打機一流
用左年幾好似真係沒彈過APPS
HTC售後服務沒得彈

紫光
浸過水後個MOON成日自己變光控制吾到.
對女仔尼講..一隻手揸吾哂.
電量真係好吾夠.
佢個無縫設計搞到極少街維修會整

(利申:本身HTC fans)
我係2013-08-20係衛信買,買左紅色16GB
其他部機本身既問題或者好處相信大家可以睇其他用家既評論
我想重點講下部機浸水後仲要著返既事先.

0824 我返返下工入後房整小小野個陣發現我部機跌左落水盆,仲要係浸住吾知浸左幾耐,之後即刻拎返出尼用紙巾擦亁佢,之後試下開個moon,依著嫁波...但過左一陣個芒閃下閃下就熄左機 之後就開吾返 我搞左成晚都開吾返.,個鏡頭已經佈滿水氣...本來打定輸數睇下官方整要幾銀

第日去左HTC到整,,個職員其實都算幾有耐心甘同我講, 不過最後都真係沒救,但係同個職員講野講陣 我手痕甘下睇下開吾開到機 點知佢俾左沒電既畫面我 我個下幾興奮, 可惜最後都係沒反應~
當我絕望個陣諗住去問下價睇下賣出去值幾錢. 點知得一兩舊水..
我梗係吾制,,之後上去google 睇下有咩解救方法 之後D人話千祈吾好攞風筒吹會短路阿觸電阿之類~~~

之後我放左入米缸幾日,D人話吸水阿嘛...每一日都拎尼睇下..點知放到第7日先係插住差電開機睇下開吾開到 本來以為照舊黑芒而已~ 點知佢竟然著返！仲要咩資料都沒吾見　鏡頭除左本身紫光，沒事！音響，沒事！但係個芒就時常自己變最光，就算我較到係最暗佢都係俾最光我，但係浸完水後，淨係得呢個問題，都算下甘啦嘛，
我發現既暫時都係甘 所以呢部機真心好神奇

1. Beats Audio加Boomsound雙喇叭，音量同音質都冠絕同級手機。
2. Blinkfeed集合各類資訊，方便無需再開app。
3. SLCD屏幕色彩比較自然。
4. 影相對焦算快，成像不俗，日夜景都幾靚，但只限於不太大屏幕上觀看...
5. Size剛好，單手操控無問題, 放在褲袋內都唔太阻碇。

1. 電量 - 簡直倒水ㄧ樣！就算我唔打機，裝埋D慳電app, 只係上下FB, YouTube, whatsapp...基本上一日兩叉走唔甩！又無得換電，尿袋必備！
2. Ultra Pixel相機令人失望，放大後D相嘅細節位無哂！尤其影夜景，爆光情況嚴重！我試過去演唱會，企喺舞台前，影出黎嘅相同video簡直無辦法可以接受！人地用iPhone甚至三星都無咁嘅問題。
3. 可能係金屬機身嘅關係，接收比我以往用過嘅三星同Sony都差 : 例如响同一個地方，差不多嘅時段，Sony可以收到4G, HTC One只收到3G。(已經反覆多次測試)
4. 叉電慢都算(由10%至100%竟然要三個鐘！大佬舊電2300ma咋), 叉完電之後無用過都可以幾分鐘之內跌幾個% (已經kill哂後台app, 無連線), 有無搞錯呀?！
5. WIFI tethering經常無故斷線(我用無限plan, 可以tethering)
6. 放响前褲袋有時自動發熱，拎出黎睇嘅時候發現無啦啦開咗啲app, 以前用其他牌子機從未試過！
7. 近排連講電話都有問題 ： 人地打到比我，接聽之後完全無聲，聽同講都係！
8. 打機(神魔之塔)， 睇Mytv間中會lag。

我用過iPhone4, Galaxy S2, S3, Xperia V...舊年見呢部機嘅評價唔錯，就試一試。初頭感覺真係唔錯，流暢度真係拍得住iPhone。可惜日子耐咗就愈來愈多問題出現，都唔知係咪我黑仔；本來都諗住換M8, 但見到佢仲係用4MP Ultra Pixel即刻打退堂鼓。再加埋以上嘅問題...部機我未拎去維修，但都諗住費事因為我對HTC已經失去信心！我覺得佢地想同三星，Sony去爭的話真係仲有一段路。起碼定價真係太過進取！要我用成六千蚊去買M8真係無可能！好多人鬧爆三星，但佢嘅市佔率咁高ㄧ定有佢原因。下部可能想試LG G2, 睇下係咪又講到咁好先。

快
睇文字舒服(因為解像度高)
Sense 好正,同步聯絡人後可幫你DELE重複名
可以當遙控控制所有影音電器(十分好用同易用)
相機對焦快,質素算上級,比iphone5s差少少only
相機內置功能算齊,場景特效夠用
手感超正, 加左薄身機套都覺得正, 夠形！
會學習輸入的自創字組,設計貼心

無得換電加卡
MON對比度無SAMSUNG機高,太陽下睇MON有的困難
機身掣太平，加套後比較難按
機身易花
Blinkfeed只可揀內定的資料, 吾夠全面, 可以加自己鍾意既網站就會好好多

利申: 用過iphone 3gs/4s 同samsung note2/S3, HTC One一定好過晒佢地, 可以拍得住IPHONE5s的一部機.
電量免強夠返工時間用, 算中高用量用家, 搭車睇新聞,打機,wtsapp, check email等
喇叭真係好正, 係房听歌吾洗加speaker, 音質又好

題外話: HTC ONE marketing班人真係吾識promotion, 一味只係SELL佢金屬機身, 一啲都吾提佢既遙控功能, 基本上對應晒所有大品牌影音(勁過samsung同sony啦,只對應自家出品)

前帖的師兄已詳細説過

前帖的師兄已詳細説過

HTC one 確實是一部好机，比其他安卓机聰明、貼心，使用感受滿意度相當高，但無得換電及插記憶卡是致命傷，起初買了個尿袋，但尿袋又忘了充电，死得！現在我唯有用回sensation。 one 給了兒子用，但一星期后他又用回 note2 。one 又給老婆用，因她對續航要求不高，但不久她又出了iphone 5S,相比之下one 又不及5s。 one 又給了娘親用，娘用了三天，說搞不懂，又用回她的nokia,好端端的一部one,如今只乖乖地躺在抽屜裡，我也心傷。看來htc的命運是下一個nokia。利伸：我是htc粉，當日買htc one 要排隊2星期，買到了很開心，家裡還有部多普達仍捨不得扔，我很敬重htc投資軟件，做出如此出色的使用感受，但學了apple用电池來控制手机寿命又使我很反感，htc是台湾品牌，好歹我也是个中國人，當然支持，但htc要重返昔日sensation時的輝煌，首先要有氣度，要不然黄老板娘整天拿着手机嚷着我們是最好的也沒用。要記住，htc賣的是电話，好用不等如實用，先要實用，做好电話應該有的實用性，在這個基礎上才再去追求使用感受，捨本逐末，最終難逃被收購的命運。htc的主要对手是三星, 不是蘋果，看清楚人家為什麽這樣成功！！！

反應快
喇叭大聲
外型討好
Zoe 好玩

快無電
音量制成日無意㩒錯
相機紫 mon

好處：
－反應快
可能唔使 handle SD card，好爽！
喇叭大聲
－前置喇叭絕對優勢，響公司距離 20 米都清楚聽到電話響。
外型討好
－金屬殼，可比美 i 燶。
Zoe 好玩
－去旅行將相、3 秒短片等變成 30 秒 summary 短片放上網真係好好用。

壞處
快無電
－電真係唔得，半個鐘睇報紙無咗 21% 電，send 相上完全 facebook 放低兩個鐘，再睇無咗 31% 電，一部電話會自己快速走電嘅，點用？？
音量制成日無意㩒錯
－一拎起成日都㩒到音量制，咁喇叭有 100 分貝都無用啦！
相機紫 mon
－Upgraded firmware、4.1.1 上完 4.1.2 都時有發生，無得攪。

已跳船，HTC 如果想靠佢翻身只可以話一個 starting point 但仲要再多加努力！

- 4.7 吋 Mon 唔會過大, 方便携帶
- Mon 色水幾靚, 唔會好似 Samsung 咁重味精
- HTC Sense 穩定, 唔會好似 Samsung launcher 咁成日 lag 機同自動 re-boot
- 聽歌有 Beats Audio, 唔帶耳機聽歌一流, 不過我用原裝耳機就一般
- 操作暢順, touch screen 靈敏 (有時覺得佢太靈敏, 影相好易連影兩張)
- 4G 上網速度快 (我用 One 2 Free)
- 金屬殼質料紮實, 散熱快
- 用電量其實係 Smart phone 的通病, 但呢部機耗電算穩定, 唔會好似
Galaxy S2 咁突然冇左一大截電...
- 冇實體 home button, 少粒掣長期操勞少個機會壞多樣野
- E-mail 同 dropbox 整合, send 附件 (佢會 gererate dropbox 條 link)
好方便
- 駕車時用 Car mode 用方便, D 掣易按好多又可以開倒堆基本 function,
例如電話, 聽歌同導航

- 唔知點解聽電話時對方要喂幾聲先聽倒我講野 (以前用 Galaxy S2 冇呢個問題)
- 上下耳機位好易花, 而大部份市面有賣的保護套都係冇包住個 power 掣,
有 D (例如 Mercury) 仲要勁厚, power 好難按好易花... 而我用黑色機, 機邊
亦已經開始花, 一花就比銀色機更覺眼... 同埋部機 QC 好一般, 耳筒同機邊
虛位頗大
- 保護殼款式少 (相比 iPhone 同 Galaxy S / Note 系列), 可能要去台灣旅行
先一次過買幾隻返來
- 有人話影相靚, 但我習慣影完相後會過落電腦開出來睇, 一開電腦睇就
見真章... 另外仲有好易手震, 好彩影夜景而又只係 upload 上 facebook /
自己手機睇的話真係交足功課
- 音量掣好易誤按, 待機狀態長按已經可以調校鈴聲音量, 結果成日聽唔倒
電話...
- Blinkfeed 同 HTC Zoe 用落覺得冇乜用...

呢部係我第三部 Android Smartphone, 由 Desire 轉 S2 再回歸 HTC 用 One,
中間亦有短用 / 當士啤機咁用過 iPhone 4, Xperia Mini Pro, HTC Explorer 同 S3,
Mini Pro 同 Explorer 呢類 low-ended 機唔講, S3 用落覺得連 S2 都不如
(除左冇咁易 lag 機)...

見部 S2 都用左兩年, 粒 home button 都開始壞, 同埋本身 One2Free 個 plan
有 4G, 都想轉部 4G 機用, 在 Xperia Z 同呢部機掙扎左一輪都係出左呢部...
(雖然 Xperia Z 一出我已經俾佢深深吸引住, 諗左三個月直至買左 HTC One
一刻), 唔太 perfer S4 一來用開 Samsung 想有 D 新鮮感, 二來想買部機係冇
實體 home button, 以免長期勞損按壞粒掣...

有人會覺得買 Note 系列睇戲 / 上網先係王道, 我自己唔睇戲又覺得 Note 2
一來難袋落褲袋, 二來搭巴士 / 地鐵要企位果陣, 一隻手捉住扶手的話, 根本
冇可能用單手操作咁大部機... HTC One 呢個 size 剛剛好掃到左上角
(小弟手比較細)

除左俾 Zoe 同 Blinkfeed 吸引外, HTC 售後服務好過 Samsung 亦係我考慮
的重要原因。

呢部機同早少少的 S3 比真係順好多, 用左三個月都係試過一兩次自動 reboot,
S2 用左兩年基本上三幾日都會自動 reboot 一次, 仲要越 update 越易 hang 機...
直至升左 4.1 (跟 S3 同樣介面) 先有改善...

優缺點上面大致都講左, 對於一個 Android 老手來講, Galaxy 系列比較多
function, 基本上你想做乜都得, HTC One 我覺得如果本身係 iPhone 用家
會比較易上手, 用開 Galaxy 系列反而可能會覺得好多限制。不過小弟比較
怕麻煩同懶, 呢部機簡單得來又唔會好似 iPhone 咁乜都要入 settings set 一餐,
又可以打返個和。

我覺得最需要改善的係相機, 如果有 800 萬像素以上同埋防震做得好, 會比較
易控制影像質素, 始終 pixel 多就算朦朦地, 壓縮返佢都容易 D 變得清
同埋話音質素及 QC 亦有改善空間。

1. 效能高，上網極快，介面極順
2. 樣靚，精製屬夠高貴
3. 影相靚
4. 喇叭更加是首屈一指
5. 芒靚
6. 介面又係首屈一指，鍵盤超好按，中文聯想字又貼中晒
7. 新功能如Zoe，blinkfeed和TV Remote也很好用
8.

無。

每次我在整體評分給5粒星，但出來總是得4粒。。。

軟件及硬件配合很好，每方面也標準之上，但還是有可改進的地方：
1. 單手操控的極限可提高至五吋機
2. 電量現只是僅僅夠用，我是較高用量型
3. 有得插sd卡就perfect啦
4. 市面配件較少
5. 前置鏡頭成像的對比度有點over

未壊果時手機都係吾錯的

1.qc 好差, 新機落地MON己入陣. 機身又有小花用左幾個月己壞左二次. 包括紫光鏡頭
2.返回,home既制有時耍幾次先ok
3.mon 水平好差, 幾部HTC one screen 都可以不同色的 etc. 偏籃偏紅偏黃
4.行貨維修絕對馬夫, 整過1次可以再壞再入廠, 再入廠整到周身花要再修再等多幾日, 完全達吾到一般維修水平!
6千銀好似買垃圾咁!

開頭買時好開心以為有部手機有型, 可影令相, 聽歌正.
但用左個零用左發現部機己變灑黃, 掉了色, 咁令去修理拉, 點知..........
整完個零月又發現影相時會出現紫影.
打去cs到問先發現原來有一定數量既機會出現哩個問題

明明推薦話影相令, 手機正, 聽歌正
而家問完htc cs得左哩個答覆
買左有完全中伏感, 完全未試過幾個月新機都可以有咁多整壊,或者我黑仔拉. 而家 激氣到己賣了

因為之前用Note 2，所以某啲位會用Note 2同New One做對比

1)金屬機身、外型美觀、散熱快
2)雙前置喇叭，音質比起Note 2好，但個人感覺聲音唔夠Note 2大
3)開住相機個時個mon會自動較到最光
4)相機對比度高，WB準過Note 2好多，由其室內
(更新左4.2仲可以AEL同AFL)
5)HTC Zoe幾好玩，但唔實用
6)前鏡頭好廣，同朋友合照都幾方便
7)通話音質唔錯
8)系統穩定度高，唔會好似Note 2咁成日無固死機
9)個mon1080p同Note 2 720p比細緻度好好多
顏色比Note 2準，唔會偏色到白色變藍色
10)有紅外線，可以做遙控
11)Beats Audio音效用係喇叭到效果幾好

1)電量不足
之前Note 2可以由7:00amｰ6:00pm都仲有35%左右
(聽歌約30分鐘,p&d約2-3小時,上網約1小時,拍照約15-20分鐘, WhatsApp約30分鐘)
但New One做同樣嘅野就得返10%左右
2)叉電好慢，要成2-3個鍾，但Note 2只要2個半鐘
(New One 2300 mah)(Note 2 3100 mah)
更新之前叉電系最後個10%要叉成個鍾
(但更新左4.2之後就變返正常)
3)機身傳熱快，令人覺得部機好熱
(但系只要用冷氣吹幾十秒就涼曬)
4)相機系用點測光， 每次對焦係深色嘅野到就會令ISO提高，
增加雜訊，同時令照片過暴
5)系暗啲嘅地方會見到相機四角有紫光
6)個電源掣同音量掣太平，唔好按
7)Beats Audio音效基本上系將音頻提高
令到用耳機聽會聽到電流聲

總括黎講，E部機好多方面都幾好，最大問題系電量不足，不過有外叉就唔成問題，還有，係系記事方面唔夠Note 2好，之前用Note 2個S note真系幾方便，一羅上手就咁寫就得，又可以加圖片等等嘅多謀體入去， 好彩我要用到S note嘅機會唔多，對我唔大影響！ 而且效能都好夠用，之前用Note 2玩黑暗騎士: 黎明昇起會叻機，但系New One就冇！所以我覺得E部機值得推薦！