HTC One

評測報告

實拍照片

影相靚；
聲大大；
介面特別；
32Gb容量；

介定順暢一般；
要用尿袋；
易熱；
易刮花；

我係由iphone5轉用HTC one嘅，好多人會問我點解要轉？好簡單我鐘意囉！
言歸正傳，我買的是黑一，揸上手好有手感好正加上黑色金屬外殼直頭型。
係帶佢回家前務必驗屍咁驗(就連售貨員都叫我認真check)，因為每部造工有少許出入，所以大家買前認真check清楚，免得出門口之後先至抝數。
電量同iphone5一樣咁渣，好快無電，記得帶尿袋出街。
影相好正、好清，雖然400萬像但拍得住三星、sony啲鏡，而佢個Zoe功能只不過係花臣嘢無乜特別。
喇叭夠響，勁過sony多多聲，絕對無藉口聽唔到電話響，震動亦不錯。
介面係需要時間適應(不過始終ios係順暢啲)，始終同三星Android有所不同。
機身由於係金屬外殼故此易熱。
耳筒啲聲幾靚靠得住。
觸控有點慢尤其Hom鍵，要按兩次才有反應。
用了4日黑一無話唔適用，揀了黑一確實不錯，最起碼唔會週圍都係三星同iphone吖，不過我最擔心是易刮花。

．很多朋友都知Android手機運作方面經常有“呆滯”情況，HTC one卻十分流暢！
．前置雙喇叭聲音立體悅耳，從始不用刻意用軟件調高鈴聲，也不會有“拆聲”。
．很喜歡畫面有自動調光這個功能，能感應用家環境自動調節光暗舒適度。
．影相質素確實妣美專業相機，無論夜間、對焦和景深效果不俗，這個確是很強賣點！
．前置鏡頭同樣高質，自拍時可隨手點擊畫面倒數自拍，這個功能十分方便！
．對於個人而言，手機體積適合經常放在褲袋的男用家，不會太大。
．BlinkFeed 功能十分新鮮，令手機介面變得有型和不再沉悶！
．朋友跟我通話時都認為話音清晰，即使在嘈雜環境下也不會廣泛收採背景聲音。
．介面捷徑組合十分人性化，亦可配合個人喜好選取HTC預載的實用組合。

．機身發熱，但用Speaker播歌時沒有這個情況。
．發現手機充電期間，會影響電腦的無線Keyboard和Mouse接收，可能金屬機身關係。
．機背很滑手，跌手機風險佷高，所以一定要用保護套。
．今次附送的不是Beats耳機。
．擔心前置喇叭位置兩排小孔容易積塵，但又不可以拆除清潔。

．運作十分流暢，未用過Android手機是不會Hang機的。
．HTC 一向予人低調，將成本投資在開發方面，總比花在大肆宣傳更好～
．但是，若HTC One貴為旗艦級，又何妨與對手力拼一場加強宣傳。
．個人認為HTC One外型設計方面較成熟，玩味不足，不能打入年輕用家層面～
．個別用家亦認為周邊產品不足，讓人有「少數民族」的感覺，只能在購物網上採購。
．整體上HTC One在功能表現上，應該是現時Android手機中數一數二的！

1. 外觀出眾，一改HTC唔靚仔既形象
2. 金屬質感，男性始終對金屬情有獨終
3. 反應快，而家D智能手機咁勁，其實就部部都咁快
4. MON靚，4.7吋有全高清，色準色溫都好順眼
5. 聲音強而有力，睇YOUTUBE同TVB HD都唔同晒感受，正！
6. 話音清楚，電話最基本的
7. 相機有驚喜，ZOE有趣，要影小朋友就最啱，冇難度，前置鏡頭廣角到你唔信
8. HTC SHARE，呢個特別，真心感受HTC唔止賣部電話俾你，配套都幫你做埋
9. 餘下的內存俾晒你用，唔再分程式同資料區
10. 內置的瀏覽器有FLASH PLAYER
11. HTC 傳輸工具，換機真係冇難度，STEP BY STEP，唔駛郭天王都攪得掂
12. 紅外線，終於有廠商識得好好利用個POWER掣！

1. 冇插咭，冇得換電都仲有大把理由，冇咭插就真係要插，又冇64GB現貨...費解...
2. 電量一般，始終都要一日一充，要經常出外工作的用家要買個靚尿袋啦
3. 少配件，三星同SONY做得咁好，自然有比較，如機套、機座、NFC配件等

利申，家中有四部HTC，Z(有鍵盤那部)、3D EVO、ONE XL、NEW ONE

HTC俾人打到死下死下先出部似樣既，可能已經太遲
係香港，眼見人人由IPHONE轉會三星都唔諗下HTC就知
如果NEW ONE都打不入香港市場，HTC應該要暫時放棄香港市場 (有如蝴蝶機時)

NEW ONE無疑已是目前頂級產品，由外到內、由硬到軟都是一級的
無論你係WHATAPPS戰士、煲劇達人、遊戲神手、攝影龍友，NEW ONE都滿足到你九成五以上，但宣傳不足係死症...要有廣泛用家支持先係嬴家

MON色自然很多 (味精MON應該係時候OUT)
聽音樂以電話計, 絕對交到功課. B's audio可以去埋睇片, 10分正
28mm+F2.0+4MP=1MB+/JPEG拍攝功能, 比好多DC仔出相更強, 街拍都係wide angle好好多
外表設計終與過往HTC機有好大分別
電量暫時足夠, 12個鐘仲可以有30-35% (4G主力internet+streaming).
READY MODE時就用番3.5G

TV remote雖然可以LINK晒大部份TV, HIFI player, Converter!
但係無AV MODE, 點開呢睇碟呢? 咪又係要拎番自己個件出呢用!
第二水媽打DAY前到手, 但係QC都係差少少, 白邊收唔夠滑, 返回鍵有少少LAG咁
出貨少又唔準, 想買個CASE的選擇都一樣無得選擇 !
5"MON或者係4.7" 3:2MON, 大少少會更好

真的出奇地好, 用了差不多一星期, 第一次SMARTPHONE無HANG機.
機身QC問題, 雖然SMT話就算OVER10DAYS都一定會換比我, 但要等到有新機返! (最後都可能係同一樣問題)
由NOTE落番細MON, 原來無問題 (本人不打機, CCS除外)
最後, 要去鴨記$45入咗mon貼, 半透明CASE, 個CASE仲保留到部機的細節位, FIT & GOOD!
有LOGO應該值兩佰! (台機9折入手, 無野跟)

如果喜歡拍片, 影相UP去FB, 又懂得運用對焦點側光, 真的要入手!
打機至上的! MON細, 呢部就唔好!

若你也喜愛用手機聽歌及隨意拍的話，相信此手機是絕對值得你耐心等待的！
曾經用過的智能手機有Nokia, LG, S1, S2, Xperia S, Note 10.1, One X, 之後一直等待轉用Butterfly...
最後，決定在14/4落訂等One，而沒有轉會到可即買即用的S4，期間.......很心急。
在使用過One X一年之後，已感覺HTC Sense 很user friendly。但在4/5取得新機及使用過the New One 後，更覺One的設計及造工非常貼心及人性化。
而之前有很多師兄及評論讚賞過的外型、屏幕、立體聲揚聲器、手感、Blinkfeed, Zoe等，在此不作重覆，反而想分享Video highlights的吸引之處，除了可將同日拍攝的相片或影片自動轉為一段約30秒的highlight外，問過CS後，真的可以將不同日子拍攝過的影像組合成一組的highlight/video (在相簿內先揀選"移到"或"複製到"，再選取希望組合為highlight的相關照片，加入新建檔名後，便可在"活動"的大題目下，選擇該特定folder......highlight便會自動產生)，嘗試過不同組合後，再將videos和友人分享，回應/反應非常之好(能夠在whatsapp作即時分享)，感覺到HTC的工程師及設計師很細心及用心地製作一款絕對值得等待及使用的優秀手機。

新功能太多，縱使已由One X 轉 New One，仍然要花數日的時間去了解新機的操作.......
至於未能換電這一點，對我來說並沒有太大問題，因One的續航力比之前用過的任何一款手機也強，而如果需要長時間外出使用時，我已習慣攜帶外置充電器。
暫時說，One的缺點 1): 未能插咭; 2) Home及反回鍵有時會沒有反應（不肯定是否按不準）

期望鈴聲與通知音量的設定可作個別調較，另外亦希望Video highlights能提供一些慢動作播放的選擇（非已有的黑白或懷舊模式），及可自選背景音樂。
總的來說，這是一部值得等待及非常好用的智能手機！
最後，亦很欣賞手機內的內置錄音機，質數比購買的錄音工具更佳，另外，亦十分欣賞相機的前後鏡頭均有廣闊的wide angle。十分十分滿意！

1. 外形好CYBER, 又 SLIM, 好手感! 5粒星!
2. SLCD 的確好靚, 跟 iPhone 5 有得 dog-fight~!
3. 前置 SPEAKER X 2, 好震撼! 可當HD TV 仔用!
4. 相機鏡頭又是一絶, 我個人十分滿意!!!!!
5. 4.7吋 MON 在比例上是夠用的 (我講以一班"低首梟雄"為例)

1. 每日要 CHARGE 一次電~ 4G LTE + FHD 的代價
2. 冇得用 MICRO-SD CARD (TRADE 機時就知有幾大鑊喇!)
3. ANDROID 4.1.2 雖然已經 TUNE 得比 Ver.2.X.X 時好好多 (以我部 hTc Desire Z 計), 但始終冇 I.O.S. 咁爽~
4. Open App Markets 的保安問題仍是要考慮
5. "Zoe" 功能令原本一張相, 化身成 20張 JPG + 3 sec Movie clip! 我的內存好快用完了.....

我只想講的是: hTc 的新思維可以從 The HTC One 上體會到:
- 電力不再是考慮重點 - 我每次 charge 一次電可以用上近 14 小時, 都夠玩喇!
- 努力將介面併合: 只要硬件是高水平, 軟件也只不過是要直接用倒就得!
- 將"影相"變為"揀相"這個念頭, 是向龍友及 CANXN, NIKXN 等朋友宣戰! 有膽識!
- 要告訴用家及未來用家一件事: 手機可以有更多玩法...