HTC One

評測報告

實拍照片

．很多朋友都知Android手機運作方面經常有“呆滯”情況，HTC one卻十分流暢！
．前置雙喇叭聲音立體悅耳，從始不用刻意用軟件調高鈴聲，也不會有“拆聲”。
．很喜歡畫面有自動調光這個功能，能感應用家環境自動調節光暗舒適度。
．影相質素確實妣美專業相機，無論夜間、對焦和景深效果不俗，這個確是很強賣點！
．前置鏡頭同樣高質，自拍時可隨手點擊畫面倒數自拍，這個功能十分方便！
．對於個人而言，手機體積適合經常放在褲袋的男用家，不會太大。
．BlinkFeed 功能十分新鮮，令手機介面變得有型和不再沉悶！
．朋友跟我通話時都認為話音清晰，即使在嘈雜環境下也不會廣泛收採背景聲音。
．介面捷徑組合十分人性化，亦可配合個人喜好選取HTC預載的實用組合。

．機身發熱，但用Speaker播歌時沒有這個情況。
．發現手機充電期間，會影響電腦的無線Keyboard和Mouse接收，可能金屬機身關係。
．機背很滑手，跌手機風險佷高，所以一定要用保護套。
．今次附送的不是Beats耳機。
．擔心前置喇叭位置兩排小孔容易積塵，但又不可以拆除清潔。

．運作十分流暢，未用過Android手機是不會Hang機的。
．HTC 一向予人低調，將成本投資在開發方面，總比花在大肆宣傳更好～
．但是，若HTC One貴為旗艦級，又何妨與對手力拼一場加強宣傳。
．個人認為HTC One外型設計方面較成熟，玩味不足，不能打入年輕用家層面～
．個別用家亦認為周邊產品不足，讓人有「少數民族」的感覺，只能在購物網上採購。
．整體上HTC One在功能表現上，應該是現時Android手機中數一數二的！

外型比較特別(金屬之外又彎彎地好有手感)
影相清到爆
順
功能實用
大mon
雙喇叭好大聲
無hand過機

其它既野太多唔多講

用電幾快係唯一缺點
32gb儲存量暫時夠用有凸,唔知未來夠唔夠用

買完覺得好值 $5698雖然都貴但起碼值呢個價 無後悔

1. 速度感十足, 絕對唔會差過iPhone 5
2. 電量相比其他an機會好少少, 冇想像中咁食電
3. 前置兩個咪係完美設計, 放音樂, 放電影都係前置放出, 有種環迴立體享受
4. 鏡頭雖然得400萬像素, 但ultra pixel 比相像中強勁, 無論係咩環境下, 都能享受到更高質素的相片, 加上其3倍吸光的大光圈, 令夜晚影出來的相片更吸引.
5. 相機功能十分獨特, ZOE系統可以整好多特效, 例如去除多餘物件, 多重影像重疊, 最佳面部表情修改
6. 金屬機身散熱夠快, 而且最薄位置比IPHONE 5還要薄, 外表絕對完勝IPHONE 5
7. 一直以來HTC獨家的HTC Sence 為好多人吸引, BlinkFeed首頁更能方便第一時間睇到新聞, 電視, 以及各種資訊

1. 唔用機殼的話會比較跣手, 所以我戴左機殼
2. 開好多APPS都有一條三點BAR, 希望係軟件更新上可以去除
3. 如果去旅行用或者長時間冇得叉電, 建議帶定尿袋, 始終電量長時間用還是不夠

呢部係我繼用過IPHONE之後, 一部最完美的AN機, (之前用NOTE 2)
2GB RAM, 加上1.5GHZ 四核表現...
任何APPS下都順暢無比, 完全有用緊IPHONE的感覺
AN機系統多功能方面做得十分出色, 比IOS更好, 呢個係我用咁多年IPHONE未享受過的。至少我要過任何資料, 一插入電腦就可以, 唔需要咩ITUNE
加上HTC ONE個鏡頭真係好得, 如果個像素高返少少就更加完美
係黑夜影相下, 竟然吸光度可以咁高, 拍得住NOKIA部920
.......
總而言之, 呢部機個順暢感已經完勝其他AN機, 甚至同IPHONE 5有得比較
電量方面, 由於機身真係好薄, 所以唔好期望有大電量, 但渣係手真係好輕好高貴
已經唔會考慮重回IPHONE 5/ IPHONE 5S, 因為4寸MON真係細左少少
呢部會係我長期使用的智能電話了....

相機質素係我用過咁多機最好(近期所有高階機包括lg g pro , Vega n6)都用過
外置Speaker聲好得又夠大聲完全無拆既感覺用耳機更加係good
介面運行好暢順未有hang過機同拖慢既感覺(用左兩日)
螢幕夠光亮清晰有少少扁黃但絕不影響質素！有無扁好睇個人其實最緊要自己覺得靚同舒服
外形幾好價錢係現今電話黎講算合理！
機身有輕微發熱但全金屬機身來講唔算嚴重！其他機都有只係機身材料感覺唔到
電力唔錯雖然得2140mAh但我今照9點出門囗沿途間中都whatsapp,上下網，影下相到晚上8點都重有30%左右！算唔錯！其他師兄果部我唔知但我這部算係耐用

得4.7吋mon, 其實都夠用可能近期用得太多大mon機如vega n6用返4.7感覺有點細左但勝左方便單手用
4g及wifi上網速度未如理想，但可接受
介面唔算好用menu bar少左個掣要慢慢識應
內置有d無用Apps無得del
機身做工一般好易花，同出廠部部都有出廠花唔完美(攞機果日睇左3部銀邊都有少花)！放機d師兄以為我整花
重係4.1.2

我本身係賣手機配件所以都要試用好多機而家同時用緊S4 4g，LG G pro同e部,e部隨左mon細一點，介面易用度同無得換電外各方面都優勝過s4！娛樂性十足！影想質素更加係好！現時我覺得整體只微微輸比香港唔出既水貨機vega iron a870(岩岩先出今日剛試玩過對比)其如都比其他機優性(隨左機身做工) ， 整體稱定性高影相聽歌娛樂性極好，唯上網4g接收未太理想用左3大台去試，希望htc盡快推新firmware改善！最緊要係有高清大mon機能暢順同接近iphone既單手操控感覺！整體黎講近期非常好既一部機！s4隨左保值同名氣外今次响娛樂性方面切底輸左比one.

相機真是質素行先,影出黎D相係光彩D,真實點,410萬像素適合香港人 upload to Facebook
手感好好,好握過現時的直身機
新加BlinkFeed十分適合時常睇新聞的人用
Mon夠光同細緻
有HD MY TV 真的清爽,用埋4G既話
鈦金屬外殼=型
Facebook 同步聯絡會自動用埋Facebook. Friend 大頭照,我個人十分喜愛,都有人唔鍾意
原生瀏覽器已有flash player 不用自己下載,睇波方便
雙喇叭感覺新鮮

4.7吋不夠大,而且又見番3點個條bar.失敗
玩一陣就發熱,和S4一樣
電池不夠吧,可以的話好希望有3500mah先夠,寧願放棄超薄機身
無了選項制,要時間適應
鈦合金,發熱身
最上面通知bar 無快速鍵是固步自封

小小心聲,htc one mon偏黃但夠光.lg optimus G mon 偏藍都夠光,三星mon偏深藍綠太陽下不夠光,咸魚白菜,各有所愛。但現在有幾多人會長係太陽下玩電話,而且以上分析係要有對比先分得出,少數人會在意,所以三星咁多人買,因為他們睇唔到三星唔好。對比過one and optimus G 用同一個WiFi. One 上網快1一2秒,差異不大,反而螢幕無G咁細緻,色澤較暖。只要無對比,不會有問題。但賣5698就食了很多打工仔隻車了.如果我係htc fans 無慮即決。因為個外型起碼可以興一年

1. 外型設計簡潔夠 Cool，比起 Note II 的膠底這個金屬底太有質感了。
2. 介面精簡不花巧，應有的都有，Note II 那個聰明筆反而令我頭大。
3. 前置雙 speakers 聲靚，如果音檔本身質素夠高，焚機絕對唔係問題！這點我非常 Enjoy～
4. 4.7 吋應該是最理想的 size，Note II 作為手機實在太巨形了，拿在手上很別扭。Iphone 更沒話好說。
5. SLCD 螢幕非常亮麗，看高清片很有滿足感。
6. 相片質素比 Note II 理想但比 Iphone 差。Note II 的 pixel 問題特別嚴重，顏色偏青藍、有狗牙不自然，好幾個月以來都沒有拍照 T_T。用 One 去拍鴨鴨的 magic hour 很出彩。景深表現討喜。是 F2.0 光圈發揮作用了吧。

1. 機身邊位造工較弱，白膠圍邊接合處有空隙，用了幾天已見有些微披口少許花。
2. 介面精簡既是優點亦是缺點，可以 fine tune 的地方不多，三叔在設定方面真的花了很多心思，給用家較大彈性。其他用家也有提過One 缺乏了 pull down menu 這種極為就手的操作，加上沒有過去的中央快捷鍵，對於較 advance 的用家還ＯＫ，不太適合初階用家。幸好 pull down menu 的問題可透過下載 "Settings Extended" app 解決。
3. 不喜歡 BlinkFeed，social media 訊息太密集令人眼球很累很有壓力。幸好還能把這頁 manually 排到較後的位罝，但因為不能改動，變相損失了一頁可以放 shortcut/widget 的版面，可用版面只餘四頁，對於貪 Android 機可以用 widgets 的用家來說頓成得物無所用。
4. 機身光潔溜滑本來不俗，但很跣手，不得以只好再添購外殼（在豐澤購買時沒有附送）。
5. 沒有中央快捷鍵只能用開關掣來開機，但開關掣造得太扁太貼，開機超不順手。更別說要靠它和 volumn 掣來做 screen cap...
6. 音量調控掣也是太扁了，這樣的機身看起來很 slim 但很難按！（耳機沒有調較音量的按鍵 OMG！每次都要按機側的鍵，亦即每每都要把手機拿出來很不方便。）
7. 輸入法竟然沒有韓文輸入！要去 play store d/l... 在 Note II 這可是內置的。

總括來說 Android 系統已經很能滿足我的日常需求。One 的硬件在同類機種來說絕對有過之而無不及，用了兩星期實在很滿意，用過 HTC Magic, Google Nexus, Iphone 4S 和 Note II，這部對我來說可算是最好的一部。因此願意獻上第一次用家報告來讚讚它.