Samsung Galaxy S4 LTE

評測報告

實拍照片

Smartphone 發展到了第四代，由最初最簡單的 Touch Screen 上網功能，到現在一部手提已經可以代替桌上電腦的年代，好明顯已經到了創新瓶頸位，所以各廠商都開始另闢自己的獨有設計，Sony 就主打三防玩外型，Apple 就繼續以強力的 Apps 支撐著，HTC 就以靚聲靚畫為號召，但三星呢？三星想玩 "用戶體驗"。論外型，老實 S4 比不上 Xperia Z 和 HTC One，論操作流暢，又及不上 iPhone5，那又為何還要選擇 S4？S4 有什麼值得用家購入或升級呢？以下我分享一下 S4 的優點：

- 機身輕巧，全機只有 130G 重，對比 S3 沒有增大尺碼但又加大了 Screen 至 5 吋，便攜性非常高，放落褲袋也很輕鬆。
- 5 吋 1080p screen 沒有之前三代味精感很重的感覺，這是為何我由 iPhone5 轉用 S4 的主因之一，因畫面細緻度非常高，而 SuperAmoled 有非常高對比的優點，令相片 detail 位好清晰，整體感覺很好，偏藍情況大為改善，值得一讚。
- 操作介面都是老樣子，不過很多體貼的操作強化了不少，用過三星或其他 Android 機轉用 S4 不會難上手，S4 那個打字的鍵盤應該是現今所有 Smartphone 中最好用和功能最齊的一個，速成中文輸入也極快速好用，聯想字為香港式，合口味!
- Screen 雖然為 5 吋，但大部份操作都可以單手操作，虛擬鍵盤可設定偏向左或右配合兩隻手單手操作，好方便，也因為 S4 本身不重，單手很好掌握。
- 耗電量出奇地好，2600mAH 容量的電池是其中一個因素，其實最大原因應該是三星有為 S4 作出優化的電池管理，在開啟 4G、Bluetooth、GPS、大部份體感操作和畫面光度調為自動的待機情況下，一小時會下跌 2% 電量左右，在同樣設定下使用中會 2 分鐘下跌 1% 左右，以 4G 連線又有如此 Spec 的手提來說已經非常好，日常使用由早上八時 100% 計到下午六時會剩 50 - 60% 電量左右，重度用家可以多買一塊電池，可換電是銀河系列的優良傳統，多加 $ 99 買一個原裝充電盒和原廠電池非常值得。
- 一般操作幾爽快，流暢感幾好，不過不知是否此版本的 ROM 問題，在一些畫面的轉動場面會有點 Lag 的情況出現，這不是軟件運作速度上的 lag，而是畫面轉動本身問題，而這情況是 Note 2 中沒出現的，可能是軟件在支援 1080p 畫面的問題，因為 S4 本身附帶的三星 Apps 是沒有此問題出現的，這要待進一步證實。但 S4 在日常操作配合 4G 連線應該是市面上數一數二快速的 Smartphone 了。
- 系統整合社群軟件程度比 S3 時代還高，簡單的說就是你想分享一張相片給某人、上傳到某個社交軟件等都非常就手方便，而 GroupPlay 功能也很好玩好用。
- 傳統的語音通話質素很好，明顯降嘈功能有下過功夫，一改以往三星機通話質素不太高的缺點。
- 相機功能非常齊，可以用好玩來形容，前後相機同一時間使用好好玩，場境選擇很就手方便，介面設計十分出色。S4 有個內建功能叫"分享拍攝"，只要附近親朋戚友用了 Wifi Direct 和拍攝者的手提連接後，拍攝者每影一張相就會自動和已連線的人分享，而 Wifi Direct 連接可經由 NFC 連接自動設定，這就是三星今次其中一個強調 "用戶體驗"的功能之一。

當然 S4 並不是沒缺點，以下是其中一些：
- 機身在玩遊戲時幾熱下，外國論壇也有熱烈討論，三星也承諾會升級軟件解決此問題。
- 相機啟動算不上慢但都係不夠 iPhone5 快，要快捷地從褲袋拿出 S4 想以 Snapshot 捕捉獵物要更快手，建議用一些可以在 lock screen 放相機 shortcut 的 Launcher。
- 內置容量不足，16GB 版本的行貨 S4 有 7GB 被系統吃掉，仲以為自己用緊 Desktop Windows。即是用戶只剩不足 9GB 空間，在放了相片和 MP3 後似乎不會夠用，建議至少添加一張 32GB 的 SD 卡，最大可支援 64GB，算是解決問題，不過內置可用只有 9GB 會限制裝 Apps 的數量，遊戲玩家要留意可否 App2SD 了。
- 價錢貴，淨機 $ 5898 已經是一部中上手提電腦的價錢，如果不是 Smartone 有用戶九折買剩機的優惠，我現在都應該還在用 iPhone 5。

在使用了一個多星期後，S4 絕對談不上有非常大的驚喜，但用家會發覺 S4 把市面 SmartPhone 應該有的優點通通都 combined，配合很多很多的體感操作 (可參考 DCfever 的介紹)，令用家有非常好的操作體驗，輕易融入網上和身邊社群的世界，把人與人之間的距離拉近，或說是令人更容易透過 Smartphone 交流了。有人說 S4 的外型無驚喜，這個我是同意的，因為太似 S3 了，但 S4 是強調操作的四代機，如果是因為外型去選擇手提裝置的人，那 S4 一定不會是你杯茶。S4 是要給你一個輕巧、畫面大、又容易操作和強大硬件功能的手提電話，市場上有如此體積又要如此 Spec 的，S4 暫時是市場唯一了。

nil

懷疑有沒有做過QC，一開盒已經壞機，這樣的質量都可以拿出來賣，根本就欺負香港的消費者，因為消費者條例管吾到姦商，如果系美國,三星早就被人告上天了

超期待收左部行貨Samsung S4, 但一開盒已經壞機, 換機仲要比錢

Case 1: 本人一部, 朋友送, 無開盒, 開機屏幕即花, 朋友送點會比單?!!!!
無單原來就算港行都無得換
否則就要比成2千幾元先可以換屏, 好過去搶

Case 2: 朋友買左一部, 用左幾日今晚又花屏了!!!!, 聽日先拿去換

根本部機仲未搞好就上市, QA又吾得

其他牌子成吾成功 本人吾關心,
只系從一個消費者角度去看件事,

1. QA 吾得, 部機一出廠就DOA
2. 有單就維修, 無單吾系吾維修, 系要收2千幾元手續費!!! 話到底, 都系昆錢jei!

我就系偏偏要無單去維修...

有單無單有mug問題?
三星想要證明D mug?
除左想逃避維修責任,唸吾出另一個!!!

第1部機吾系偷返來的,
第2部佢地已經證實左系行,
第3吾好同我講部機過左一年保養, 部機4月27日先推出, 我30號已經拿上維修中心
第4部機DOA, 維修中心的都證實左係出廠已有問題

如果系美國,三星早就被人告上天了
就系香港無消費者法例先比奸商為所欲為

大聲
可換電

手機過熱
用電量極高
螢幕好暗,最光都唔及其他機
在太陽之下完全睇唔到
用apps無啦啦會彈出
上網慢+收得差
冇電台冇咩內置apps
單手難按
貴
外型硬膠
影相一般,在車上完全對焦唔到
內置主題得三款
咩眼球咩功能果啲全部冇用

六千蚊一塊垃圾
自己諗下值唔值

輕、薄、快、順、爽、利
比S3進步，特別個mon，色差及味精都少了。
可以換電插卡，好過好多品牌了，帶多片電蕊總好過尿袋。
用電量算有驚喜。
多gimmik 嘢， 懸浮、手勢、捲動等等。

膠、貴
亳冇設計可言,食老本

利申:用開iPhone5, 重來唔用samsung電話,因怕咗個AMOLED Mon。
好老實咁講，S4個mon已不再偏藍或綠，用Mon Test app check過， 亦同S3及iPhone5一齊比較過，不竟iPhone5最自然，S3睇到想死,S4係兩者之間，用家如果唔介意少少味精，人工化銳利度的話，呢個AMOLED加分的。
好順好爽,拍得住iPhone5, 手感好好,大手人啱啱好,單手操控好就手。

1. 相機靚，影日景好靚，夜晚影都唔差
2.1080p amoled mon，夠精細又夠sharp
3.4核心，2GB ram 非常流暢
4.電量有驚喜，比較上一部note2 lte使用中耗電差不多，但待機時間比note2短
5.好like samsung個notification bar 既setting panel，即時調教光暗好方便
6.可換電真係方便好多
7.多配件，出第一日已經有好多保護殼揀
6.

1.前鏡不夠廣角
2.售價偏貴
3.通話質素不及iphone5

利益申報，本人用過 iphone5 , lumia920 , s3 lte , htc one xl , one sv , xperia tx , note2

買S4果陣其實我同時都考慮緊htc new one , 貪佢金屬機身同廣角前鏡，不過就係試機果陣發現，原來銀色 htc one 既白色邊位好易野到其他色落去，而且htc one 既耗電量都幾得人驚，才決定買 S4

希望我既分享可以幫助到大家：)

新加既懸浮功能,眼球智能功能,同拍攝既新功能唔錯,特別係有聲拍攝
另外,如果做緊野或者差電放低左部電話,如果行開左之後,轉個頭想睇番有無miss call或者其他設定左既通知,(例如:facebook,天文台資訊,whatsapp等),只要利用懸浮功能用手掃一掃個mon就有相關圖案通知,完全唔需要拎起部電話,再噤著個mon先睇到,雖然都有提示燈作出提示,但提示燈只係提示到有新通知,但係就唔知係咩,都要用手著mon先得,但係而家唔需要,掃一掃就已經知,自己認為需要先再著mon睇,值得一讚
夠輕,
5寸mon都仲可以單手操作,
可換電,
個mon夠清，太陽之下完全無問題，我開自動+2已經好清楚，都未需要去到+5，唔明白點解有人可以話完全睇唔到，建議話睇唔到既人去驗眼，眼睛可能有事
故事相簿正,簡單幾個設定同選擇需要相片已經完成
S Health可計算運動量及按照個人運動量,而建議所吸收卡路里,之後輸入有關食物卡路里資料,計算出每日攝取量,另外一個功能係其實S4內置左溫度及濕度探測,利用S Health就可以知道目前室內外溫度及濕度
Group Play好玩,不用多作介紹,(可參考各有關手機網頁測試)

認字真係差,好多時都認錯字,
易發熱,可能比較薄所以咁啦!
電量仍然稍為不足,朝早8:00滿哂電,全日有講下電話,上網,打機,whatsapp,到晚上8:00已經得番10%電
有聲拍攝除S4自己可以聽到之外,send比其他機,什至samsung機就無用,只係變番普通一張相
眼球捲動功能只係睇網頁用到,用app睇新聞就無用
定價貴
稍為感覺跣手
16gb內置記憶體得番9gb,唔多夠用,有點搵笨,不過好在可以加外置,D歌,D片同D相可以用外置save,而且本人唔係會download好多app,只係基本常用個D,同實用性為主,所以問題都不大.
個邊好易花,用幾日個邊已經有少少花,好肉赤,要小心D>_<

整體感覺都唔錯,但感覺仍有待改善,例如眼球捲動功能及有聲拍攝,如果能夠加強應用範圍會更加正,
眼球智能暫停功能真係非常好,特別等車,搭車睇片個陣,上上落落都唔會miss左,只要眼球離開個mon就會停,一望番個mon就繼續
新加入既各項功能係卓頭之餘,都尚算用得著,亦好實用,不至於有D人所講係垃圾
不過5寸mon,要單手操作,我個人覺得真係極限,但女士們就已經一定要用二隻手
另外,好多人話佢個mon又偏色,又味精,首先本人真係睇唔出,我只係覺得好清好靚,況且,而家好似人地做染料咁去對色辦,去驗眼咩!跟本就搵野講,吹毛求疵,我又唔覺得其他牌子既mon同samsung比較,有幾大分別,
同埋又話佢膠機,你未買個陣都已經知架啦!你可以唔買架wor,無人迫你,而且由手提電話,到影相電話,到而家智能電話,咁多年來,大部份都係膠機架啦!唔係今時今日先係咁架bor,都唔明D人,點解咁都可以當係質量問題
其實每部機都有佢既優點同缺點,我相信大家咁貴去買一部手機個陣,一定睇過唔少資料,又或者睇過實物,試清楚先買,買左就唔好後悔,又話唔好用,又話人地D功能係垃圾,又話外觀無新意咁,只係你唔識好好利用人地D功能,同只係你用唔著,但唔代表係無用,係垃圾功能,而且samsung標榜既係各項人性化功能,呢個先係重點,真係去好好去利用下呢D新功能啦!接受下新事物,唔好未用就話無用,咁樣只會令自己唔開心,如果唔睇清楚就走去人買你又買,就梗加無得後悔,因為無人迫你買,無得怪生產商這樣那樣,要怪就怪自己買個陣唔睇清楚,至於外觀就見人見智啦!其實而家所有牌子部部機都係又長又方架啦!我唔知仲可以變化成點,除非可以好似以前咁,又推蓋,又番蓋個D,否則所有牌子外觀變化應該唔會太大.
期待日後samsung人性化功能可再作加強及改善