優點:
-性價比高
-四核+2G RAM, 順暢
-機身是塑膠料, 但做工不錯
-可換機殼, 刮花左換個就得, 啱晒我呢D粗人 XD
-mon靚(雖然個mon只係1280 x 720, 但個人覺得以4.3 吋mon來說, 根本不需要強求1080)
-MIUI官方持續有OS更新(以前很多人不用國內牌子, 正是因為沒有更新), 而且更有大量卓面可供下載(大部份是免費)
-通話清晰, 在地鐵一樣講到電話(唔係講笑, 呢樣好多大牌子都做唔到)
-音效(機身喇叭, 鈴聲, 播歌等)不錯
-影相質素不錯(我用32G版, 鏡頭質素比16G版好)
-要del一個app, 直接在卓面搞就可以, 唔似其他android機咁煩
-好中意佢其中一個功能, 在解鎖畫按住HOME制就會變成電筒模式, 方便
-可換電(正如樓上某師兄話齋, 唔知幾時開始呢個變成優點^_^); 有人話攞多舊後備電煩, 但我就話冇得換電的電話要成日帶住個"尿袋"咪仲煩 =]
-有手機繩位, 呢樣我真係唔明, 可用手機繩絕對是一件好事, 點解現在大部份電話都沒有手機繩位?
-在香港小米訂購, 三日送到屋企, 方便; 不過要留意16G版經常冇貨
-香港行貨版內置已經有大部份常用Google app, 唔使下載一大堆野先可以用機, 即買即用
-如果本身有syn資料上Google, 開始用機時輸入Google帳號就可以攞返資料, 無必要開小米帳號
缺點:
-沒有4G
-內置沒有速成輸入法, 要在PLAY STORE下載
-不支援小熊來電(-_-)
-前置鏡頭質素比機背鏡頭差一大截, 不過我從來唔玩自拍 XD , 沒什麼問題
-機背鏡頭沒有稍為凹下去, 放置時可能會磨花鏡頭
-mon只有4.3吋, 不過呢樣野好個人, 由於我基本上都是放手機在牛仔褲袋, 太大mon我反而會擔心坐爆......
-不可插SD卡
-2000 mAh電頂唔到一日, 必須買後備電, 也可買一舊3000 mAh, 但就要用厚電專用機殼
-震機模式震得好弱, 袋住係褲袋都未必覺........
-配件難揾, 想買個機套都要行幾間鋪頭先揾到, 一係就要在香港官網訂
-用大陸牌子手機會比人寸.......
評價:
-由iPhone4S轉會, 用了小米2S一個月, 絕對讚多彈少.
-雖然佢係android機, 但用法就同ios一樣, 所以我好易上手.
-係! 我同意好多野佢係抄人, 但SAMSUNG, SONY咪一樣左抄右抄, 連新嘅ios都勁有android影子.......正所謂天下文章一大抄, 最重要係部機好唔好用, 我唔介意邊個抄邊個.
-再加上小米本身都有好多自家功能, 亦不斷開發自家軟件, 誠意可嘉.
-而且老實講, 最近的APPLE, SAMSUNG, SONY電話, 動不動就四, 五千蚊一部, 俾D乜野你呢? 食水太深喇!
-如果你係真正"用"一部手機而並非作為炫耀之物的話, 點解唔突破一下心理關口, 試一用下小米, 或是其他大陸牌子呢?
至少呢28XX(32G版), 我就覺得物有所值!
-唯一係(正如樓上某師兄講), 用大陸牌子手機會比人寸, 問舊電會唔會爆炸.....一來, 佢舊電係SONY廠嘅, 而且其實世上絕大部份手機電都係大陸制架, 唔好咁偏見, 注意唔好買假貨就得啦.
[題外話, 純粹有感而發]
-睇見樓上有幾個師兄的評語, 我只想問佢地一句: 你用過部機未?
-我覺得佢地罵部機, 只因為小米係大陸牌子, 而並非部機嘅問題.
-最好笑就係有人話讚部機嘅係寫手, 我就覺得連部機都未用過嘅人就在此大肆無理批評, 邊個先係寫手呢?
-奉勸年輕人一句: 不要因為你的政治立場而是非不分, 這世界不是非黑即白的
-哎呀 ~ 我俾小米2S五粒星, 又會有人話我係寫手和五毫喇......打咁Q多字, 呢五毫真難賺 XDDDDDDDD