MIUI 小米 2S

1. 性價比高, 以三千蚊唔駛就已經買到iphone 5, xperia z 既 config.
2. 個人認為係 ios 轉會 android 首選, 因為 MIUI 既 用法與 ios 相近, 同埋擺脫左android 一般 黑底白字, 所以較易適應.
3. 買大陸機最怕係冇持續更新, 但MIUI 會持續發表更新, 始終佢係做 軟件起家, bug fix, update 呢方面會做得較好.
4. 相機用 xperia z 一樣既鏡頭模組, 同埋影相反應快.
5. 聽歌質素都幾好.
6. 畫面流暢.
7. 可以單手操作,
8. 有 fm 收音機.
9. 熄左機都有鬧鐘, 唔駛長開部機.

1. 電量問題, 即使差足, 很快又會回到90%...
2. 要用大sim card
3. 冇nfc
4. 唔係4g機
5. 外殼係膠, 感覺較弱, 可能較易跌爛.

本人買的是 32g 香港版, 5月20 落單, 23 就送到.

整個購買過程都幾滿意, 體驗幾近似online apple store.

雖然係國產牌子, 但感覺係有誠意既品牌, 唔似得其他國產牌子係賣完就算.

1.平，香港一出時2500$入手16g, spec頂級snapdragon600,2gb ram,720p mon,其他牌子同價位只買到中低級spec機

2.自家miui os 好流暢，仿ios，user friendly, 個rom個個月有stable版更新，唔怕變孤兒仔，同牌子既第一代機都仲keep住有更新，os支援拍得住apple ios

3.機件全部用大廠零件，聲寶 mon, sony相機cmos,sony電池，日韓台零件供應鏈抄足iphone,品質有保證

4.ips mon效果唔錯，iphone mon feel, 雖然及唔上LG旗艦機既自家ips mon,同埋得720p,但4.3寸黎講好夠用，無必要追求1080mon,本身用開iphone sony機轉過黎既話，個mon唔會令你失望.

5.16g版個相機同galaxy s3係同一粒鏡頭組件，對焦快，有20張連拍功能，HDR,iso,暴光，白平衡調教，算係交足功課，但睇網上評測同自己感覺，小米係相機軟件優化做得唔及samsung,但整體都十分唔錯，有大約s3既九成功力。

6.2000mah可換電，唔打機都夠用到一日，上網，whatsapp,facebook,睇新聞，算係噤，有得另買3100mah電，但就要犧牲厚度(個人可接受)，有換電手機係優勢，用到一年半載，換粒新電池即翻生，內置電手機只可以白白睇住部機電力越黎越唔耐用。

7.speaker外放音量都ok夠大，聽筒音量夠大，睇片聽歌效果唔錯。

8.os優化好，加上720p mon 負賀低，跑分snapdragon600機黎講算高分，打機效果一流。

9.機設計都算唔錯，白底黑面窄邊框正常款，大陸牌子黎講算機好。比唔上日系手機設計，但感覺好過samsung機既M巾款。

1.話音收音比較差，朋友投訴有少少潛水聲，去好多論壇睇過，好多user都反應過，歸究原因係dual mic抗噪收音做得唔好，係軟件多，坊間解決方法係用膠紙貼住機背個mic,只用單mic收音，效果即好返，但就無左抗噪效果，係嘈雜環境通話效果唔理想。
呢個問題日後估計可以software update解決
工作需要，本人90%時間用motorola藍牙耳機，問題唔大，但唔用開免提既就真係要考慮下呢個問題

2.散熱一般，打機既話個熱力好多去左個mon度，有d擔心會唔會熱壞mon, 軟件show最熱有42度(室溫約30度)，但睇返用s600 cpu既機，都係噤上下，只有大mon機如note2, gpro散熱好d，因為機身大，散熱面積都大，可以理解。但點熱都未試過熱到hang機，reboot.

3.信號接收較差，唔靈敏，如同一地方同一個台，s3,iphone收到3/5格，上到網，小米收得2/5格，有時會上唔到網，同埋入lift出lift , iphone好快就可以重新收到信號，可上網，打電話，小米明顯慢d.

4.上網好多人話部機自己發熱，經用左近四個月所得，部機如果收信號收得差，係會熱，因為好多IM 如whatsapp會係背後收data 信號keep住online，收發即時信息，加上如果信號差，部機會search network, 自然會發熱，你拿部機係收3/5格既地方3G上網，同拿部機係收爆5/5格既地方3G上網，收得差係會熱d同耗電d, 其他牌子既機都係，只係小米機分別明顯d, 但近期更新過os version後有改進.

5.無得插sd卡我覺得係最大敗北，第一代機反而有，好多廠方為左賺多d錢，出16g 32g ，真係寧願小米出8gb +可插卡，賣16g 既價好過，出去買張32gb card都唔洗200$。但對於16g夠用既user黎講，呢樣可忽視。

6.機身較厚，成10.2mm, 較大廠輸涉，samsung,lg,sony,呢d廠做做噤耐電話唔係浪得虛名，設計，生產比小米好無可否認，不爭事實。

7.香港街少配件賣，可以話幾乎係0,唔似得通街samsung,iphone殼，mon貼賣，要買配件taobao有好多款式，因為大陸都多人用，或係官網買機時買埋保護貼，底蓋，機套。

總括都好滿意，都好推薦比身邊朋友買，但之前大陸機問題多多，個個第一個反應係 “中國的會爆炸”
so far用噤耐都無睇過有話小米手機爆炸，iphone,samsung就前牌成日報紙講。

買小米除左平之外，仲有係miui rom既support,事關前兩部android機， LG 2X, motorola milestone等update真係等到聖誕，佛誕都未有，除左親生仔外，要update support好既小米係不二之選。
要平，要大牌子既大可買韓水LG, pantech,可換電可插卡mon又靚。

但如果你過得到心理關口用大陸機，唔怕比用smsung,sony,iphone既港女fd笑，自命窮__，小米算係大陸機之中最好既選擇。否則你會好痛苦自悲。
又或者唔介意做不孝子既話，平平地買比屋企兩老用都唔錯

快,真係好快
介面好用
畫質高,照相靚
可以換電,勁正

用開***Note, 4.3"mon唔慣
舊2000mah電都係好快玩完
得32G Rom唔夠用

玩左一日,暫時無遇到乜大問題,山寨機黎講,呢D超班,
中國有誠意做實事既企業唔多,小米算係其中一間,支持

同其他國產機同級...

比其他國產機比貴...

小米根本就係一間無良騙子公司... 只識用以下Marketing手法厄人...
1) 小米紅米一出話賣清... 但上台機就即有, 即係價錢要加上電信公司回水先係真正價錢...
2) 要買淨機, 一般半年後, 手機其實已經跌價, 用半年前的定價買手機, 根本就係貴咗...
3) 一部咁少人用o既手機... 居然咁多留言(五星多到出奇)... 五毛定事實... 唔駛講都知...
4) 大陸網就話32G版賣晒... 香港網就話16G版賣晒... 真係當人傻仔...
太多太多無良銷售手法... 留言只因睇唔過眼小米呢d無良騙子公司...

註 : 32g + 大電 (3000mAh)
話音:朋友聽不出我在一部噪到不堪的小巴上講電話，收音亦清晰
apps運作:手痕同時開多幾個apps都唔覺慢 (2g ram卦)
相機 : 1300萬像素比起我部1200萬像素的三年前dc仔，d色水更好 >_<
電量 : 因為我少親戚朋友聯絡，自閉上網玩遊戲居多(每日約兩小時)，星期六日完全不用差電

換電難 : 我係男人自己手掌大，問題不大，但我女人試揭後蓋和拔電，都十分困難/失敗
弱震 : 就算較到 '較強' 的震度，在手中都唔多覺
無外置記憶 : 呢個和我個人習慣有關吧了

我是初用smartpone者，不懂實質比較，
只是買的時候，齋睇每部機的config和價錢而已
都合乎我所預期的，滿意！
至於有位仁兄話 '小熊來電' 不能使用，
或者先去 '授權管理'=>'程式'=>'小熊來電'=>開啟'自動啟動'
和再睇 '自啟管理'=>'手動新增自啟應用'=>選'小熊來電'，試試 ^ ^
我用到的。

1. 順暢
2. 畫面清
3. 價錢低玩
4. 外型討好(換咗個藍殼, 唔使係熊貓機, 靚仔好多)
5. 通話清晰 (比meizu mx好)

1. 用電快 (好彩買定多一舊)
2. display近底部黑咗 (去過維修中心睇過demo, 同埋撞到d師兄去換機都話係咁,
係硬件同做工問題, 無計)
3. 收音機聽聽吓會窒一窒, 又唔係收唔到, 奇怪
4. wifi 閒置後再開無反應, 但係頭一兩日又無, 唔知點解 (係唔係叫睡死?)
5. 聽mp3 嘅聲麻麻

用咗4日, 鈴聲我又唔覺細聲, 振動係就係弱d , 我又唔覺好弱, 不過見到師兄話好弱, so far 感覺良好, 係mp3無meizu mx咁好聲, 同埋收音機會窒 (聽跑馬衝線嗰吓先窒就唔係咁好啦), 相機小用, 試就無乜問題, 要詳細再玩先知, wifi 就無端有事, 不過都應該係軟件問題, 希望會改善.
不過有個疑問, 又話雙天線設計會收得強d, 但係我又唔覺, 究竟雙天線真定假呢？

29/5 更新 : wifi 問題熄機再開就攪掂, 呢d都係智能機嘅通病, 下次都係一有事就熄一熄; 電量開省電模式就耐用咗, 部機速度上你唔會覺得有分別, 係攞嚟跑分先知, 所以都滿意!